Matiu 7:11 - Ata New Testament

¹¹ Ioxe, ngingi tamitema so susu 'o, ngaxavutalane'i ta'ilinga so nga'itixa'a mimi lailaixe, laso axova noxou Maminge uxolu no tualasou lailaixe? Anu u'osa manina so ulosi'a mimi lailaixe so xoluxoluxa'a ane'i ane itatali'i noxou.

Matiu 7:11 Referans Kwoze

Tiemisi 1:17

Mimi lailaixe mukalusi ane taxalisou ne molu no tualasou Mosingesi. Maminge e mosou mimi ane uka no loxotolo molu upilipilixinu nene'axu alauna mulomotele noxinge. La mimi no loxotolo loxo uiesou lialia la uxiuxunu xalexalexu, ia noxou Mosinge la ilixo noxou uxiuxiu axone uasisi.

Lomu 8:32

Xo Mosinge u'apisou Olu soxu vilesisi ne uasi, anu mupilixinu so usolisinge nenge mukalusi. Loxo u'apisou Olu axone uasi, la ngaxavutala axova? Umomomo so u'apisou mi se'i lailaixe so xoluxolu noxinge? E uasi manina, anu ulosingesi ane.

Tioni 3:16

Xo Mosinge musexelaxa'a tatemanu lialia misevile, laso anu mupilixinu Olu e soxu vilesisi. Mupilixinu mo so ane'i ta'ei ilopala noxou la imamulo uasi, ixalisou mauli kaluxu uasi.

1 Tioni 4:10

Laso ane, anene sexela manina. Anu mi so nenge tesexelaxu Mosinge tei uasisi. Anu molu musexelanenge laso mupalusou Olu soxu ne mo so noxou, la muxalixu vote'isou susu noxinge ukalu.

1 Tioni 3:1

Ai ngamalei no anu sexela tatila toe Maminge musexelanenge no anu. Xo anu Mosinge ia mumo­xo'inge lexe nenge 'o a Mosinge ta'olusi. La mi ne manina misevile, xo nenge ta'olu a. Laso maixene tatemanu lialia tane'ililiinge mo ilavusinge uasi xo ilavusou Mosinge uasi.

Lomu 3:19

Laso tamaxale axova? Mosinge mulosinge nenge Taiuta lo noxou, mo nenge taxolu no laxu. Anu vaikala no anu lo ne uto'omenge mukalusi. Laso nenge saenenge uxola, xo nenge mukalusi tesusu no iou Mosinge.

Xalesia 3:22

Ia uasi, xo vaikala no anu lavukuou Mosinge ukapikapine'i tamitema mukalusi so ilavu lexe ixoxolu no laxu sususi. Mosinge mu'italonu axone mo so ane'i ane ilopala noxou Iesua Kalaisitisi la ixalisou nene'axu vavalima noxou.

Lomu 3:9

Laso telexu axova? Nenge Taiuta talaixe noxi'a se'i? Uasi manina. Loxo elemolu, nenge Taiuta xe tamitema noale'ale iou vilesisi. Susu musakinenge mukalusi.

Matiu 7:10

O loxo olu ulingau sinana la momu ulosou milalako, ne? Uasi ane!

Matiu 23:9

Mo mamu so ngamoxo'u vile noxi'a no lialia 'o lexe anu maminge. Xo anu vilesisi so Maminge, anu ane uxoxolu no tualasou lailaixe.