Matiu 6:9 - Ata New Testament

⁹ Loxo ngingi ngavikala noxou Mosinge la no anu vote'i aloxo 'o. 'Mamixe, nini so tualasine lai­laixe, ualasine ukalipala uxolu malema­lengasi.

Matiu 6:9 Referans Kwoze

Mupala'a 4:11

“Nini Tatananexi mo nini Mosixe. Ninisisi nalaixe so tami­tema i'itinu ualasine mo ia'aloxu ilixo noxine laixe mo itoxu xavi noxine. Xo nini nekoinu mimi mukalusi, mo muxali no anu masaxa noxinemo.”

Lomu 8:15

Xo Mosinge ulosinge Ulenu so ukalavusunenge no anu umela uasi. Anu mulosinge Ulenu so muxalinenge ta'olu. Mo anu usu'ulinenge so takatu noxou Mosinge lexe, “Papao”.

Xalesia 4:6

La ngexolu Mosinge ta'olu, laso Mosinge mupalusou Ulenu Olu mune'e mo a uxoxolu no tangengi so u'avutinoxu katu noxinge lexe, “Papao, Mamixeo.”

Mupala'a 5:12

Sila ane'i mukalusi mipatanu anaxa'a mo mivikala tatila lexe, “Sipisipi Ilie e mivau musoli a. Anu anusisi laixe umomomo so tavika­lasou laixe. Anu u'uli laxunu mimi mukalusi mo mimiou mulolutusi mo lavulavu noxou mutoxoxa'a mo anu mosou xavi. Laso nenge tavikalasou ili'ilixo noxou laixe mo ta'itinu ualasou mo ta'osa'ilasou misevile.”

Matiu 7:11

Ioxe, ngingi tamitema so susu 'o, ngaxavutalane'i ta'ilinga so nga'itixa'a mimi lailaixe, laso axova noxou Maminge uxolu no tualasou lailaixe? Anu u'osa manina so ulosi'a mimi lailaixe so xoluxoluxa'a ane'i ane itatali'i noxou.

Matiu 26:29

Ia avikala manina noxinge lexe eni aiexu uaini aloxo 'ola uasi. Ulai umomomo no anu voxo so Mamilo molu u'uli laxune'i tamitemaou, laso ane, nenge nenge'a taiexu.”

Matiu 23:9

Mo mamu so ngamoxo'u vile noxi'a no lialia 'o lexe anu maminge. Xo anu vilesisi so Maminge, anu ane uxoxolu no tualasou lailaixe.

Matiu 5:16

La anu axonesi, lamanangenge utalo­sou ie'i tamitema mo so imaisou ilixo laixe noxinge. Imaisou laso ane'i i'itinu ualasou Maminge ane uxolu no tualasou lailaixe.

Luku 15:18

Eni masi a'avuti mo alivu noxou mamilo la avikalanu lexe, “O Papao, eni esusu no iou Mosinge xe noxine kalumo.

1 Pita 1:17

Ioxe, Mosinge e ngalavusou ngakatunu lexe Maminge, anu utaxane'i tamitema no anu ualauala uasi, anu utilovosinge vilevilesi no anu mi ma'ia ta'oxonu. Laso no anu xoluxolungenge loxo taasila no lialia 'o la ngamuamua'i no anu mama'usi.

1 Timoti 6:16

Anusisi kaluxu uasi mo anu mosou xoluxoluxu iaxusi. Nenge tamitema vote'i so talai alai noxou so tasaxisou no iaxu ne uasisi. Anu anusisi ualasou utitilasi mo anu uxolu u'uli'uli avile, kaluxu uasi. Vaikala ano'o maninasi.

Luku 15:21

La olu muvika­lanu lexe, 'O Papao, eni esusu no iou Mosinge xe noxine kalumo. Eni amitema alaixe umomomo so namoxo'ilo lexe a'ilinela uasi.'

Luku 2:14

“Ta'itinu ualasou Mosinge e uxoxolu teitexi avile. Xe noxi'a tamitema no lialia ane Mosinge u'osasi'a la ixolu lalavu­lusi.”

Matiu 6:14

Ngalomu, loxo opongengi ulu'e so susu noxi'a tamenexinge la Maminge ane uxolu no tualasou lailaixe la oponu ulu'e so susu noxi­nge axone kalumo.

Matiu 6:6

Ia loxo ngamasaxa ngavikala noxou Mosinge la nga'unalai no ngiou nonano no tasinge ka ngatatu. Mukalu la ngavikala noxou Maminge e tasaxisou uasi. Xo Maminge ne anu usaxisou mimi ane utatalume mukalusi la anu molu ukolineni.

Matiu 5:48

Laso ane, telexu aloxo 'o. Ngingi ngaxolu talapu no anu ngiou ngiou mukalusi a loxo xoluxoluxu Maminge e uxoxolu no tualasou lailaixe.

Xalesia 1:1

Eni aposeli Polu a. Tamitema ipalusilo aloxo 'o uasi xe itema vile utulusilo no anu xaixai ano'o uasi. Eni exali a aposeli xo noxou Iesua Kalaisiti ilou Mosinge anu Maminge e mutulusou Kalaisiti no anu soli.

Tioni 20:17

Xe Iesua muvikalane lexe, “Nasavunixo uasi xo eni alai teitexi noxou Mamilo uao. Ia nini nalai noxi'a tavivilo mo navikalane'i lexe eni a so alai teitexi noxou anu e Maminge nenge'a xe Mosinge nenge'a.”

Matiu 26:42

Xe anu muxexesi'a alaxu tameisou la muvikala noxou Mosingela lexe, “Papao, loxo vote'i so lexa sixula 'o uxexesilo uasi la namulinu masaxa na'a ninisi, eni aiexusi.”

Lomu 1:7

Laso lapasi ano'o ulai noxinge ngingi Talomu ane Mosinge muse­xelangenge mo mukalipalangengi lexe noxou mu'isalili. Masaxa noxilo lexe ngingi ngaxa­mulinu iaiama mo mamatola noxou Mosinge anu Maminge xe Tatana­nenge Iesua Kalaisiti.

Matiu 10:29

Xo ngelavu, tamitema ilotone'i tangiala kitukitu tamei no anu 10 toeasi. Ia loxo soxu vilesisi noxi'a tangiala ne ulapau no lialia la Maminge ulavusou ane.