Matiu 6:5 - Ata New Testament

⁵ La Iesua musolonu lexe, “Loxo ngavikala noxou Mosinge la nga'oxo loxo tamitema so kalavoi i'oxonu to uasi. Xo ane'i i'osa so itulu ivikala noxou Mosinge no tatasou lavuloto xe no anu kona so votevote'i no taoni. I'oxo axone so tamitema latala ipitanu ie'ii'a. La avikalangengi manina lexe tami­tema ane xo ne mino'u lapei'a se anesi, ixalisou mi vilela uasi.

Matiu 6:5 Referans Kwoze

Matiu 6:2

Laso loxo ngingi a so ngapilixinu mi so su'uli noxi'a tamitema ta'oloxola la mamu so ngapalusi'a se'i i'uli laxungengi so itausou piuka. Xo se'i i'oxo axone no anu tatasou lavuloto xe no votevote'i. Ia ane'i ikalavoisi, i'oxonu so tamitema imaisi'a mo i'itine'i no anu. La avikalangengi manina lexe tamitema ane xo ne mino'u lapei'a se anesi, ixalisou mi vilela uasi.

Luku 18:13

Ia itema ane so utaxusou taxisi ne mutulu va'axu sevile. Anu utala utelai uasi mutulu mutangatulusi. La mu'otonu lutunu so umaxa'u mama'u mo muvikala lexe, 'Uo Mosilo, eni amitema so susu a. Nini naiaiama noxilo mo nalosilo lakolisou susu uasi.'”

Maki 11:25

Xe ngingi vilevilesi, loxo so navikala noxou Mosinge xe oponeni tu'umaxu so menexine vile la naxiunu oponeni so ulu'e noxou. Xo Mosinge anu Maminge a uxoxolu no tualasou mo anu kalumo uiasou susu noxinge.

Luku 20:47

Mo loxo sema vile mulue usoli la i'oxo loloxe so isalimunu tasie, ia lamolisou la ane'i me'a ino'u. Mo itoxa'a no anu lakilaka so ivikala veveni musuku. Tamitema axone, no voxo loxo Mosinge utilovo mo ukolinu ili'ilixo la itavulenu tu'umaxusou ilixo noxi'a u'oki avile.”

Tiemisi 4:6

Ia Mosinge uiaiamasinge mise­vile. Laso maixene vaikalaou uvikala lexe, “Mosinge uxililiie'i tamitema ane i'itine'i. Ia noxi'a tamitema ane ilu'ene'i la uiaiama noxi'a.”

Luku 18:1

Ioxe mune'e la Iesua mu'oxonu latilovo so upela'a lexe anu laixe so ivikala noxou Mosinge utotomu, itotosa no anu uasi.

Epesusi 6:18

Xe mimi mukalusi e elemolu 'o ne ngapitanu no anu vaikalamengi ane ngalemolu noxou Mosinge. Ulenu usu'ulingengi so ngavikala mo ngalingau su'ulisinge noxou. Mo ngalaxa'i laixe, ngatalo uasi. Utotomu ngalingau su'uli noxou Mosinge si'a tamitemaou mu'isa­lili.

Luku 11:43

Ngingi Tapalisi anu masua noxinge xo nga'itingengi to! Ngingi ngaxolu u'uli no ie'i tamitema no anu tatasou lavuloto. Mo ngama­saxau lexe tamitema loxo ixalisinge no loxomala la itaxangengi mo ivikala aso noxinge.

Matiu 21:22

Xe loxo ngalopalasi so ngavikala noxou Mosinge la mi ma'ia ngalingau ne ngaxalisou ane.”

1 Tesalonaika 5:17

Mo opongengi utulu so ngavi­kala noxou Mosinge utotomu.

Tioni 16:24

Xo mune'e avile vaimomo 'o la ngalingau mi vile no anu ualasilo uasi. Ioxe, laso ngalingasi xo ngingi ngaxalisou lakolisou ane. Xe loxo ngaxalisoui la u'oxonu osa noxinge ulomo­telesi.”

Maki 12:38

Xe Iesua musolonu votovoto aloxo 'o, “Ngingi masi ngalaxa'i laixe noxi'a tamitema so lavulavu no anu lavuloto. Ane'i ilavusou imulaxu lavuluti veveni lailaixe so ixixao no loxoloxomala mo so tamitema itaxane'i mo ivikala kakau aso noxi'a.

Matiu 9:38

Laso ngalinga noxou Tatananu xai so upalusi'a tavo­kuvoi se'ila mo so itaxusou nene'axu xaixu.”

Matiu 23:13

La Iesua musolonu aloxo 'ola, “Anu masua noxinge ngingi tamitema so lavulavu no anu lavuloto xe ngingi Tapalisi. Ngingi tamitema so vaikalamengi tamaxu vilemo no anu ilixomengi to ne. Xo ngingi ngatatuxa'a tamitema laso vote'i uasi so i'unalai ixolu no voxo so Mosinge molu u'uli laxune'i tamitemaou no tualasou. Ngingi menge nga'unalai uasi xe loxo tamitema a so i'unae la ngatanutanuxa'a to!

Matiu 23:6

Xe no anu la'ilali la imasaxau tanixa'a tatiatilasi mo no anu tasou lavuloto la ane'i italupexa no anu lu u'uli.

Matiu 6:16

Xe muvikalala lexe, “Loxo voxo mose'i nga'oxonu ilixo so nga'apingengi no anu la'ilali avile la mamu so nga'oxonu iengi masua aloxo tamitema so kalavoi ilavusou i'oxonu. Xo ane'i ilavusou i'oxo ie'i masua toxonesi mo so tamitema ilavu lexe ane'i a i'apixa'a no anu la'ilali ne. La avikalangengi manina lexe tamitema ane xo ne mino'u lapei'a se anesi, ixalisou mi vilela uasi.

Matiu 6:1

Ioxe, Iesua muvikala aloxo 'ola, “Ngalaxa'i laixe so loxo nga'oxonu ilixo ane ulalapusi la no ie'i tamitema so isaxisingexu uasi. Xo loxo nga'oxo axone la ngano'u lapesou noxou Maminge uxolu no tualasou lailaixe uasi.

Matiu 23:5

Mo mi ma'ia i'oxonu la i'itine'i no anu no ie'i tamitemasi. Xo laletisou lavuloto e isakinu so ivikala noxou Mosinge la i'oxonu tiatila. Xe no anu lavulutii'a veveni la lamolamota so telexu la veveveni kena.

Luku 6:24

Ia masua noxinge ngingi ane ngaxolu no anu mimi latanu xo osa noxinge se a ngexolu no anu mukalu 'oe.