Matiu 6:25 - Ata New Testament

²⁵ Ioxe, Iesua muvikala aloxo 'ola, “Laso eni avikalangengi lexe mamu so opongengi uauavutiou xoluxolungenge so lexe nga'ou ma'ia o ngaie ne'ei o ngasakinu ma'ia. Xo axova, temanu mauli so vasimenge uxolu no anu la'ilali xe lavulutisi? E uasi.

Matiu 6:25 Referans Kwoze

Pilipai 4:6

Opongengi uuali uasi, no anu mi ma'ia la ngapili­xinu noxou Mosingesi. Ngavikala noxou mo ngavikala laixe so ngalingau su'uli no anu ngiou aneva.

1 Pita 5:7

Loxo mi ma'ia u'avutinoxu opongengi la ngapilixinu noxou Mosingesi xo anu tanungenge misevile.

Lomu 8:32

Xo Mosinge u'apisou Olu soxu vilesisi ne uasi, anu mupilixinu so usolisinge nenge mukalusi. Loxo u'apisou Olu axone uasi, la ngaxavutala axova? Umomomo so u'apisou mi se'i lailaixe so xoluxolu noxinge? E uasi manina, anu ulosingesi ane.

Matiu 6:31

Mamu so opongengi uauavuti mo nga'oxo lexe, 'Iu, masi ta'ou mi ma'iae?' o 'Iu, masi taie avae?' o 'Iu, taxalisou lavuluti so tasakinu a ne'eio?'

Maki 4:19

Xo tamitema ne opone'i ututulu no anu xoluxolu so vasime'a. Mo ane'i ixavutala no anu lamolisi xe masamasaxa so mimi iouiou. Xavutala na'a no anu mimi axone ukuponu votovoto loxo lamota ana'anaxu mukuponu uiti xolanu, laso unene'a uasi.

Matiu 10:19

Xe loxo ilaixinge so ikoti­ngenge la mamu so nga'o­lo'olo lexe, 'Iu, tavikala axova masi?' o 'Ai masi takoline'i no anu vote'i axova?' Nga'ume axone uasi xo no voxo ne u'isalili la ngaxa­lisou vaikala ma'ia ane so ngale­molu.

1 Kolini 7:32

Ai, eni amasaxau lexe mimi so lialia ulapunu xavutalamengi uasi. Itema sixeli ne anu oponu ututuluou mimi noxou Mosingesi. Anu uxolu umolo vote'i so u'oxonu mimi ane Tatananenge u'osasousi.

Matiu 6:34

Ioxe, opongengi uauavuti so mi ma'ia loxo uxali ne'iela uasi. Xo voxo ne'iela ne anu so ne'ielamo. Voxo vaimomo 'o tu'umaxusou u'isalili, la anu axone ne'iela mo voxovoxo mukalusi.

2 Timoti 2:4

Xo noxi'a ta'ami loxo i'oxonu xaixai no anu ami la ipitanu no anu xaixai se'i so vasime'ala uasi. Ixolu opone'i ututuluou xaixai noxi'a no anu amisi, mo so tilasi'a u'osasi'axu.

Luku 8:14

Xe se'i la ilomusou votovoto kalumo ia anu loxo uiti ngiaxu ane mulapau no taitainu lamota ana'anaxu. Xo tamitema ane xo ne iuali no anu xoluxolu so vasime'a mo opone'i ututuluou lamoli xe vote'i so imomoxu masamasaxa no anu vasime'a. I'oxo axone laso maixene vaikala uleme no opone'i ka unene'a uasisi.

Matiu 13:22

Xe se'i la ilomusou votovoto kalumo. Ia anu loxo uiti ngiaxu ane mulapau no taitainu lamota ana'anaxu. Xo tamitema ne opone'i ututulu no anu xoluxolu so vasime'a. Mo anu masaxa so lamoli ne u'oxo loloxa'a laso utanuxu vaikala aloxo lamota ana'anaxu mukuponu uiti xolanu mole unene'a uasi.

Luku 12:11

Loxo itulusinge no anu vaikala no tatasou lavuloto o ikotingenge no laxune'i tatiatila xe taxamani la mamu so u'avuti mo nga'oxo lexe, 'Iu, masi takoline'i axovao?' Ngala­laxinu vaikala lumamo axone uasi.

Maki 13:11

Mo no voxo loxo itete­lisinge so ngalai no lakoti la mamu so nga'ume. Mo mamu so ngala­laxinu opongengi lumamo so lexe ngalemolu ma'ia no lakoti. Xo ngingi uasi, no voxo loxo ngatulu la Ulenu Laixe molu ulosinge vaikala so ngalemolu.