Matiu 6:16 - Ata New Testament

¹⁶ Xe muvikalala lexe, “Loxo voxo mose'i nga'oxonu ilixo so nga'apingengi no anu la'ilali avile la mamu so nga'oxonu iengi masua aloxo tamitema so kalavoi ilavusou i'oxonu. Xo ane'i ilavusou i'oxo ie'i masua toxonesi mo so tamitema ilavu lexe ane'i a i'apixa'a no anu la'ilali ne. La avikalangengi manina lexe tamitema ane xo ne mino'u lapei'a se anesi, ixalisou mi vilela uasi.

Matiu 6:16 Referans Kwoze

Luku 18:12

Mo eni utotomu asosovosou voxo tamei no anu viki vile so a'apixo no anu la'ilali. Xe loxo ano'u lamoli o mi ma'ia la eni alavusou alosine pa'usou no anu 10.'

Maki 2:18

Xe mune'e la tatisaipeliou Tioni oli'a tatisaipelii'a Tapalisi mi'oxo­nu ilixo so ixolu voxo se'i mo i'apixa'a avile no anu la'ilali. La tamitema se'i mine'e noxou Iesua mo mitali'isou aloxo 'o, “Ane'i tatisai­peliou Tioni oli'a tatisaipe­lii'a Tapalisi a i'apixa'a no anu la'ilali. Ia axova, xo tatisai­peli­meni imulinu ilixo axone uasi?”

Ta'aposeli 14:23

Mo ilou misosovosi'a tamitema so saxila'u no anu pita vilevilesi. Xe ilou opone'i mutulu so ivikalasi'a talopala noxou Mosinge mole i'ani uasisi. Mipilixine'i noxou Tatananengesi xo milopala noxousi.

Matiu 6:5

La Iesua musolonu lexe, “Loxo ngavikala noxou Mosinge la nga'oxo loxo tamitema so kalavoi i'oxonu to uasi. Xo ane'i i'osa so itulu ivikala noxou Mosinge no tatasou lavuloto xe no anu kona so votevote'i no taoni. I'oxo axone so tamitema latala ipitanu ie'ii'a. La avikalangengi manina lexe tami­tema ane xo ne mino'u lapei'a se anesi, ixalisou mi vilela uasi.

Matiu 6:2

Laso loxo ngingi a so ngapilixinu mi so su'uli noxi'a tamitema ta'oloxola la mamu so ngapalusi'a se'i i'uli laxungengi so itausou piuka. Xo se'i i'oxo axone no anu tatasou lavuloto xe no votevote'i. Ia ane'i ikalavoisi, i'oxonu so tamitema imaisi'a mo i'itine'i no anu. La avikalangengi manina lexe tamitema ane xo ne mino'u lapei'a se anesi, ixalisou mi vilela uasi.

2 Kolini 11:27

Mo etavulenu navunavusou xaixai ialuxu iouiou. Xo alaxu tavu'alo ano'u ai no olovoxo uasi. Xe exolu esoliou la'ilali ilou lexa xo vote'i so axalisou ani'ani uasi. Xe alaxu tavu'alo exolu sivevelo xo silo ala'ala uasi.

1 Kolini 7:5

Laso ngingi sema xe mulu ta'ei ngataula'i mukalu la mamu so nga'apisou vasimenge noxinge ngolou. Ia loxo oponengi vilesisi lexe ngaxolu sevile mo so ngavivikala noxou Mosingesi la anu laixe. Ngaxolu xo xe voxo se'i ukalui laso ane, ngapitala. Ngaxolu maxuveni avile uasi xo loxo 'o io Uluaou utovo­ngengi no anu susu.

Luku 2:37

Mukalu la anu musoli ia ane mixolusi xo mo tau iexe muxali 84 'o. La Ana ne mixoxolu no tasou Mosinge, ilai noalela uasi. Mixolu opone mutuluou mimi noxou Mosingesi la utotomu i'apixe no anu la'ilali mo mivivikala noxou Mosinge.

2 Kolini 6:5

Xe ane'i taxilili ilavusou i'otu'otunexi mo ikalavusunexi mo ixalilinexe so iieiesixe. La nexi sasaiexi manina mo tano'u ai uasi mo taxolu tasolinexesi xo no anu xaixai noxixe 'osi.

Ta'aposeli 10:30

Ioxe, Koniliasi muvikalanu aloxo 'o, “Voxo tami'a mulai mukalu la mi vile muxali noxilo aloxo 'o. Eni exolu no tasilo no aso iou tatalu no olo'olovoxo la evikala noxou Mosinge. Sila alaxu vilesisi eni emaisou itema vile mutulu no ieli. Mimiou ne muvalu keasi.

Matiu 6:1

Ioxe, Iesua muvikala aloxo 'ola, “Ngalaxa'i laixe so loxo nga'oxonu ilixo ane ulalapusi la no ie'i tamitema so isaxisingexu uasi. Xo loxo nga'oxo axone la ngano'u lapesou noxou Maminge uxolu no tualasou lailaixe uasi.