Matiu 6:13 - Ata New Testament

¹³ Mo na'oxonu latolosixe mo so tovotovo ukasixe uasi. Na'ume­nexi no anu susu. Xo nini naxolu na'uli laxunu mimi muka­lusi xe xavineni misevile xe ualasine utiatila avile ulai ulai xo mo kaluxu uasisi. Vaikala ano'o manina.

Matiu 6:13 Referans Kwoze

1 Kolini 10:13

Tovotovo ma'ia uxalisine la ninisisi uasi, anu uxalisi'a tami­tema latala ane. Ia Mosinge uxiunu oponu noxinge nenge ta'olu uasi. Anu tanunexene mo anu umo­momo so upilixineni so tototovo vile uua'ulixene uasi. Loxo tovotovo aneva uxalisine la anu molu u'oxonu vote'isine so nama­xalexu. Anu molu ulosine xavi mo so tovotovoto ne upalusine no anu susu uasi.

Tioni 17:15

A eni alinga lexe nini naxexene'i no anu lialia avile uasi, ia mi e alingausi'a ane so nalaxa'ine'i noxou mosou susu olele.

Matiu 26:41

Ngingi ngaxomaieli mo ngavikala noxou Mosinge mo so ngalapau no anu tovotovo uasi. Opongengi umasaxau lexe ngaxolu pakia'inge ia vasimenge umomomo to uasi.”

Mupala'a 19:1

Ioxe mukalu la elomusou xoline'i tamitema tavu'alo no tualasou Mosinge la mivikala tatila lexe, “Ta'itinu ualasou Mosinge. Xo anu Mosinge anusisi mosou pamauli xe iaxu xe xavinu.

2 Tesalonaika 3:3

Ia ilixou Tatananenge aloxo 'o. Loxo talopalanu la ulapau vitanisi uasi. Laso anu molu u'oxonu pakia'inge mo uutululungengi noxou Uluaou.

Matiu 6:10

Mo voxo so nini mene na'uli laxune'i tami­temameni la laixe so une'e 'osi. Xe naxalixu nene'axu masaxa noxine no lialia 'o a loxo nalavusou naxalixu no tualasine lailaixe ne.

2 Pita 2:9

Laso ane, anu upalasi lexe Tatananenge ulavusou vote'i so u'umene'i tamitemaou Mosinge no anu tovotovo loxo uxalisi'a. Xe anu ulavusou vote'i so ukolikolinu susu noxi'a tamitema so kilikalu xo mo uxali avile no anu voxo so Lakoti noxou.

1 Tesalonaika 1:10

Mo ngaxolu ngaxomaiou lailivu noxou Olu. Olu Iesua e musoli ka Mosinge mutulusou mupamaulinu mo a uxoxolu no tualasou. Ngaxo­maiou lailivu noxou xo anu so u'umenenge no anu la'ia noxou Mosinge e upala'a ili'io.

Mupala'a 21:4

Anu uxolu noxi'a laso ie'i lexaxu so mi vilela uasi. Mo soli uxalila uasi. Mo tamitema opone'i tu'umaxusou mi vile xe itama xe ixamulinu navunavula uasi. Mi anene so tateimo, umomomo so uxalila uasi.”

Mupala'a 3:10

Ia loxo ngingi la vaikalaxeli muxolu no alaiengi laso tu'utu'u­maxu muxalisinge ia pakia'ingesi. Laso eni a'oxonu latolosinge no anu voxo so tovotovo ane so uxali. Eni apilixinu tu'umaxu no lialia muka­lusi so atovone'i tatemanu, ia ngingi la uxalisinge uasi.

1 Tioni 3:8

Mo aloxo 'o. Musoko'u tei tei manina mo mune'e avile 'o la Uluaou usususu utotomu to. Laso loxo itema ulavusou u'oxonu susu la anu noxou Uluaou ane. La tava'u so Mosinge Olu mune'e mupala'a a so umamulonu xaixai noxou Uluaou usu'a avilesi.

1 Pita 5:8

Ngingi ngaxolu xavutalamengi lamanasi mo ngalo laixe. Xo Uluaou Mosinge anu uluamengi kalumo, la anu loxo misoposi vova e laioni. Talaioni ixixao i'unga'unga so ikakamuline'i tami ma'ia so ii'a, la Uluaou anu axonesi xo uxixao ukakamuline'i tamitema so uma­mulone'i.

Xalesia 1:4

Anu Kalaisiti mumulinu masaxa noxou Mosinge anu Maminge la molu mupilixinu mauli noxou so ukalusou tina'unenge so susu. Mo so axone la anu u'umenenge no anu xoluxolu so susu no lialia 'o.

2 Kolini 1:20

Xo vavalima noxou Mosinge tavu'alo a uxolu laso noxou Kalaisiti la uvikala lexe, “Ani, eni axalixu nene'axu.” Laso maixene loxo talomusou vaikalaou Mosinge la ta'oxo lexe, “Ani, manina”, mo ta'itinu Mosinge ualasouxu.

Mupala'a 2:10

Xe ngingi la maxuveni uasi la ngata­­vulenu navunavu ia opongengi kalaua uasi. Xo ngalomu, Uluaou upamuxane'i tamitema so ikalavu­sungengi ngingi mose'i. Utovo­ngengi mo ngatavulenu tu'umaxu ulai ulai umomomo no anu voxo 10. Ia ngatetelisou lopala noxinge pumuxu umomomo no anu soli, xo ili'i la eni alosinge mauli so palaisi na'a ngingi.

Mupala'a 1:18

Eni ane axoxolu amauli 'o. Eni esoli ia namaisou, eni axoxolu kaluxu uasi a. Xavi no anu soli mo tanixu soli a uxoxolu noxilo mo atetelisou lakisou.

Matiu 5:37

Laso ane, vaikalamengi utalo no anu ani o uasi. Anesi. Xo loxo ngasikinu no anu vaikala se'ila la anu molu noxou mosou sususi ane.

1 Kolini 14:16

Xe ngingi kalumo. Loxo vile uvikala laixe noxou Mosinge no anu vaikala vilemo, la axova? Anu ulenusi uxamulinu vaikala ne ia axova noxi'a tamenexu? Xo loxo ane'i ilavusou vaikala ane muvikala noxou Mosinge no anu uasi, la ivalaxu axova? Xo loxo 'o io la ivikala laixe no anu kaluxusou vaikalaou ia ilavusou laxu to uasi.

Matiu 28:20

Xe ngavotone'i lexe imulinu pelototo ane epilixinu noxinge mukalusi. Mo ngalomu, eni axolu noxinge utotomu xo mo ulai uxali avile no anu kaluxusou lialia 'o.”

Mupala'a 19:4

La ane'i tatiatila 24 oli'a tamimi tami'a milalusi so mitanga­tuluou Mosinge e utalupexa no anu sia kingi noxou. Mo mivikala lexe, “Ai, manina misevile. Ta'itinu ualasou Mosingesi.”

Mupala'a 5:13

Mo kalumo elomusi'a tamimi mukalusi ane Mosinge mukoinu mipitanu anaxa'a. Tamimi e no tualasou Mosinge xe no lialia xe no laxu lialia xe no luaki. Mipitanu anaxa'a la mivikala aloxo 'o, “Anu ane utalupexa no anu sia kingi ilou Sipisipi Ilie a. Ta'osa'ilasi'a misevile mo tavika­lasou ili'ilixo noxi'a laixe mo ta'itinu ualasi'a xo ane'i ixolu i'uli laxunenge ulai ulai kaluxu uasi.”

Mupala'a 3:14

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Laotisea. Eni amosou vaikala manina. Mi ma'ia Mosinge muxa­lixu la aa'aloxu u'isalilisi. Eni tava'u mimi mukalusi e Mosinge mukoinu a. Akalanu vaikala ano'o ulai noxinge.

Ipilu 11:36

Xe ane'i mose'i la taxilili mimolo sukusi'a mo mipua­puasi'a mo miloilokisi'a no anu seni mo mimuxala'a no lakalavusu.

1 Timoti 1:17

Laso ta'itinu ualasou Mosinge xo anu vilesisi ane. Anu kingi na'a nenge mo uxolu no tanixu ne avile. Anu kaluxu uasi. Nenge tamitema tasaxisou no ienge uasi, ia taxolu ta'itinu ualasou no anu mauli noxinge ulai ulai utalo uasi. Vaikala ano'o maninasi.