Matiu 6:12 - Ata New Testament

¹² Mo oponeni ulu'e so susu noxixe a loxo nexi ta'oxo noxi'a tamenexixe 'o.

Matiu 6:12 Referans Kwoze

Epesusi 4:32

Ngapilixinu mo nga'oxo aloxo 'o. Ngingi nga'oxo laixe mo tangengingenge ngato'o. Xo susu ma'ia noxi'a tamenexinge la uxolu no xavutalamengi avile uasi. Nga'oxonu loxo Mosinge. Xo ngingi ngexolu noxou Kalaisiti laso anu muiasou susu noxinge avile.

Maki 11:25

Xe ngingi vilevilesi, loxo so navikala noxou Mosinge xe oponeni tu'umaxu so menexine vile la naxiunu oponeni so ulu'e noxou. Xo Mosinge anu Maminge a uxoxolu no tualasou mo anu kalumo uiasou susu noxinge.

Epesusi 1:7

Iaiama noxou Mosinge ne mulo­lutu e mulolutu manina, laso maixene muiasou susu noxinge. Muiasou xo taxolu noxou Kalaisiti mo sialuxu mulotonu tina'unenge so susu.

Kolosi 3:13

Loxo tamenexinge isusunixinge la ngata­vulenusi mo ngalu'enu opongengi noxi'asi. Ngaiasou susu noxinge ngato'o axone xo Tatananenge muiasou susu noxinge ne.

Luku 11:4

Mo oponeni ulu'e so susu noxixe a loxo nexi ta'oxonu noxi'a tamenexixe 'o. Mo na'oxonu latolosixe mo so tovotovo ukasixe uasi.'”

Luku 6:37

Ioxe, Iesua musolonu aloxo 'ola, “Ngingi ngatilovosi'a tamene­xinge so ngato'oto'ome'axu susu noxi'a uasi, xo loxo 'o io tilovo no anu susu noxinge uto'omenge u'isalili axone. Xe loxo evile ususunixinge la opongengi uiasou susu noxou xo susu noxinge so uiasi axone kalumo.

Ta'aposeli 13:38

Laso maixene tavivilo, nexi tapela'inge mo so ngalavu laixe lexe Iesua anusisi vote'i so tina'ungenge so susu ukalu.

Matiu 9:2

Muxali la tami­tema se'i mitavulenu itema vile xixinu musoisoli no lusou so mine'e­nu noxou Iesua. La mumaisi'a lexe milopala noxousi laso anu muvika­lanu itema e xixinu musoisoli ne lexe, “Alixeli, oponeni uai se'isisi. Tina'uxene so susu muiasi mukalu.”

Matiu 26:28

Xo ano'o sialuxo. Anu usosovosou konitalaki alavua. Eni asoli la sialuxo unixi so ulotonu tina'u so susu noxi'a tamitema tavu'alo.

Luku 13:4

O masi nga'oxo lexe tani e mutelai veveni ne Siloamu mulume la muatasi'a tamitema 18 xe misoli axone xo tina'uxa'a so susu muua'ulixu ane noxi'a Taielusa­lemo se'i, ne?