Matiu 6:1 - Ata New Testament

¹ Ioxe, Iesua muvikala aloxo 'ola, “Ngalaxa'i laixe so loxo nga'oxonu ilixo ane ulalapusi la no ie'i tamitema so isaxisingexu uasi. Xo loxo nga'oxo axone la ngano'u lapesou noxou Maminge uxolu no tualasou lailaixe uasi.

Matiu 6:1 Referans Kwoze

Matiu 23:5

Mo mi ma'ia i'oxonu la i'itine'i no anu no ie'i tamitemasi. Xo laletisou lavuloto e isakinu so ivikala noxou Mosinge la i'oxonu tiatila. Xe no anu lavulutii'a veveni la lamolamota so telexu la veveveni kena.

Tioni 12:43

Xo mi ane opone'i mu'oxoxu a so tamitema i'osasi'asi, ia ane so Mosinge oponu u'osasi'a la ixavutalanu malaxo uasi.

Ipilu 6:10

Xo loxo Mosinge utilovosinge la ukilikalu uasi. Xaixai noxinge mo sexela noxinge nge'oxonu no anu ualasou ne anu tanuvulusiou uasi. Sexela anene a mupala'a no anu su'uli loxo nge'oxonu noxi'a tamitemaou u'isalili. Mo mi ne a nga'oxonusio.

Luku 16:15

Ia anu muvikalane'i lexe, “Ngingi ngale­molu vaikala so utalumeu mi ane no opongengi xo ngamasaxau lexe tamitema ikala­voi lexe ngingi talapusi, ia Mosinge ulavusou opongengi to. Mi ane tamitema i'itinu no taine'i lexe laixe manina la anu mi nuni'u manina no iou Mosinge.

Xalesia 6:12

La ngalomu, ane'i tamitema mose'i e ixolu no taingengi ne imasaxau ualasi'a utila no ie'i tamitema tosi. Ane'i isoungengi so ngaxalisou sosovo no anu vasimenge xo i'oxo lexe, “Iu, loxo tamitema ilomu lexe talopala no anu ovu valautusou Iesuasi, la masi ilosinge navuna­vusou.”

Tioni 5:44

Ngingi nga'osa so nga'itinu ualasinge ngato'omo, ia no anu vote'i e so Mosinge anu vilesisi molu u'itinu ualasinge la ngaxavu­talanu uasisi. Laso ngingi ngalo­pala axovae?

2 Tioni 1:8

Laso ngalaxa'i laixe mo so nene'axu xaixai noxinge tasiaxu vitanisi uasi. Ngatulu pumungenge xo mo ngaxalisou lape loloni so xaixai noxinge ne.

Maki 8:15

Xe Iesua mupelototosi'a lexe, “Masi ngamalei laixe. Ngalaxa'inu isiti noxi'a Tapalisi oli'a Eloti so opongengi ulai no anu uasi.”

Matiu 6:16

Xe muvikalala lexe, “Loxo voxo mose'i nga'oxonu ilixo so nga'apingengi no anu la'ilali avile la mamu so nga'oxonu iengi masua aloxo tamitema so kalavoi ilavusou i'oxonu. Xo ane'i ilavusou i'oxo ie'i masua toxonesi mo so tamitema ilavu lexe ane'i a i'apixa'a no anu la'ilali ne. La avikalangengi manina lexe tamitema ane xo ne mino'u lapei'a se anesi, ixalisou mi vilela uasi.

Matiu 16:6

Xe Iesua mupelototosi'a lexe, “Masi ngamalei laixe. Ngala­xa'inu isiti noxi'a Tapalisi oli'a Tasatusi so opongengi ulai no anu uasi.”

Luku 12:15

La Iesua muvikalane'i tamitema ne aloxo 'o, “Ngalaxa'i laixe so ngamaxalexu isu'isu iouiou. Xo itema vile masi mimiou ulolotusi ia maulixu temanu uxali no anu anene uasi.”

Matiu 5:48

Laso ane, telexu aloxo 'o. Ngingi ngaxolu talapu no anu ngiou ngiou mukalusi a loxo xoluxoluxu Maminge e uxoxolu no tualasou lailaixe.

Matiu 5:16

La anu axonesi, lamanangenge utalo­sou ie'i tamitema mo so imaisou ilixo laixe noxinge. Imaisou laso ane'i i'itinu ualasou Maminge ane uxolu no tualasou lailaixe.

Luku 11:35

Laso ngalaxa'i laixe xo loxo 'o io lamana no vasimenge lamana uasi, isivo­xosi.

Luku 12:1

Ioxe, mune'e la tamitema tavu'alo e tautauseni mipita mole tainu vile uasi, mimalomaloxo'asi. La Iesua muvikalane'i tatisaipeliou tei lexe, “Ngingi ngalaxa'i laixe no anu isiti noxi'a Tapalisi. A a'oxo latilovosou ilixo so lolo noxi'a to!

Matiu 25:40

Laso kingi ukoline'i lexe, 'Avika­langengi manina aloxo 'o. Mi ma'ia nge'oxonu noxi'a tavivilo tatiatila o tami vitanisi, la nge'o­xonu noxilo ane.'

Matiu 5:46

Xo loxo ngasexe­laxa'a tamitema ane isexelangengesi la ngaxalisou lakolisou axovao? Ai, ane'i tamitema so itaxusou taxisi ilavusou i'oxo axone to kalumo.

Matiu 23:13

La Iesua musolonu aloxo 'ola, “Anu masua noxinge ngingi tamitema so lavulavu no anu lavuloto xe ngingi Tapalisi. Ngingi tamitema so vaikalamengi tamaxu vilemo no anu ilixomengi to ne. Xo ngingi ngatatuxa'a tamitema laso vote'i uasi so i'unalai ixolu no voxo so Mosinge molu u'uli laxune'i tamitemaou no tualasou. Ngingi menge nga'unalai uasi xe loxo tamitema a so i'unae la ngatanutanuxa'a to!

Matiu 6:9

Loxo ngingi ngavikala noxou Mosinge la no anu vote'i aloxo 'o. 'Mamixe, nini so tualasine lai­laixe, ualasine ukalipala uxolu malema­lengasi.

Ipilu 2:1

Ioxe, Mosinge Olu u'uli'uli avile axone laso vaikala laixesou e telomusou mukalu la takamakulunu pakia'u. Talaxa'i laixe xo loxo 'o io masi tasasalo taxexesou.

Ipilu 11:26

Xo loxo axolu ne Isipi 'o la masi axolu no latanu mimi. Mo loxo a'una noxi'a olele la atavulenu maila no anu ualasou Itema Mosinge musoso­vosou. Ia mi vile uasi, xo lakolisou ane so axalisou ili'i ne lailaixe mo uua'ulixu ano'o avile.”

Matiu 16:27

Xo Itema ane molu noxou Mosinge une'e ili'i no anu iaxu Momu. Une'e la oli'a ta'angelou so ukoline'i tamitema u'isalili no anu ilixo noxi'a.

Ta'aposeli 3:12

Pita mumaisi'a milasi mine'ene'e axone, la anu muvikala lexe, “Ngingi Ta'isilaeli, ngakuluke molu mi 'o xo ma'ia? Mo loxova so ngamatakisixe loxo ne? Xo nge'oxo lexe nexi mexe xavinexi o nexi tamitema malema­lenga no iou Mosinge laso tepai­pounu itema umuamua'i 'o? Ne? Uasi to. Nexi mexe uasi.