Matiu 5:6 - Ata New Testament

⁶ Laixe noxi'a ane'i ane opone'i ututuluou ilixo mulapusi aloxo itema usolixu la'ilali ilou lexa. Xo opone'i ututuluou ilixo malemalenga axone la uxali u'isalili no anu masaxa noxi'a ne.

Matiu 5:6 Referans Kwoze

Tioni 4:14

Ia itema ena'ei uie no anu lexa ane eni aitixu la usolioula uasi. Xo lexa aitixu ne uxolu nonano noxou loxo lexa luxu mo u'opu'opu so ulosou mauli kaluxu uasi.”

Tioni 6:27

Mamu so ngaxaxai so ngaxa­lisou la'ilali ane ukalu paleasi. Ngaxaxai so ngaxalisou la'ilali ane uxoxolu avile umomomo no anu mauli kaluxu uasi. La'ilali anene ngaxalisou noxou Itema ane molu noxou Mosinge, anu e Mosinge anu Maminge musosovosou lexe u'osasou.”

Tioni 7:37

Ioxe, mune'e xe muxali no anu voxo kaluxusou e mutiatila so lavilelu ne. La Iesua mutulu ka mu'ava lexe, “Loxo itema vile usoliou lexa, la anu une'e noxilo mo uiesi.

Mupala'a 7:16

Laso ane'i isolixa'a so la'ilali o lexala uasi. Mo aso uve'a uasi mo mi vile u'oxonu sasaie'ila uasi.

Luku 6:21

Laixe noxinge ngingi a ngasolingenge vaimomo 'o xo ili'i la ngakalusou masaxa avile. Laixe noxinge ngingi a ngatatama vaimomo 'o xo ili'i ngingi nga'osa mo ngakekesi ane.

Luku 1:53

Tamitema ane misolixa'a la mu'itixa'a la'ilali xo la mikalusou masaxa avile. Ia ane'i ane mixolu no latanu mimii'a la mukusai'a milai mixaxasi.

Luku 6:25

Masua noxinge ngingi ane nga'ani laixe vaimomo 'o xo ili'i la ngasolingenge ane. Masua noxinge ngingi ane ngakeke vaimomo 'o xo ili'i la ngatatama mo iengi lexaxu upeipei.