Matiu 5:44 - Ata New Testament

⁴⁴ Ia eni avikalangengi aloxo 'o. Ngasexe­laxa'a tauluamengi xe ane'i ane ilosinge tu'umaxu la ngalingau su'ulisi'a noxou Mosinge.

Matiu 5:44 Referans Kwoze

Lomu 12:14

Mo loxo tamitema i'oxongengi masua la ngavikalasi'a noxou Mosinge so u'oxone'i laixe. Ani manina, ngalingau su'ulisi'asi, ngalingau mamulosi'a uasi.

1 Pita 3:9

Xe loxo tamitema isusunixinge la ngasu­sunixi'a so ngakoline'i uasi. Xe loxo ivikalasinge masua la ngakoline'i no anu vaikala masua uasi. Ngakoline'i aloxo 'o. Nga­lingau su'ulisou xoluxoluxa'a noxou Mosinge, xo mi e mu'ava­lingexu a so ulosinge xoluxolu laixe.

Luku 23:34

Mililixu Iesua mukalu la muvikala lexe, “Papao, oponeni ulu'e so susu noxi'a tamitema 'o xo ane'i ilavusou mi ma'ia i'oxonu 'o uasi.” La ta'ami mitaxusou lavulutiou ka mi'oxonu ilixo so uala so lexe ena'ei uno'u aneva.

1 Pita 2:23

Mo loxo tamitema mipupuiou la anu ukoline'i no anu vaikala axone uasi. Xe anu a utatavulenu navunavui ne la uvavaxa'a no anu mamulo uasi. Anu mupilipilixinu noxou anu ane so Tiasi e latilovo noxou ulapusi.

Ta'aposeli 7:60

La anu muxo­lasou tava'u mo muvikala tatila lexe, “Tatanaleli, nakolinu susu ane i'oxonu noxilo 'o uasi.” Muvi­kala axone mukalu la musoli.

Tioni 13:34

Ano'o voto alavua so apilixinu noxinge aloxo 'o. Ngingi ngasexelangenge nga­to'o. Iou vilesisi aloxo eni esexelangengi la ngingi ngasexela­ngenge ngato'o axone.

1 Tesalonaika 5:15

Mo loxo vile noxinge ususu­nixine la nini nasusunoxu so nakolinu uasi. Xavingengiou ilixo laixe no taingengi xe noxi'a tamitema mukalusi.

Ta'aposeli 16:28

Ia Polu mu'ava tatila lexe, “Navila'isine mamu, xo nexi a taxoxolu 'o.”