Matiu 5:19 - Ata New Testament

¹⁹ Laso loxo itema vile ulomuanu lo pa'usou ane tamitema i'oxo lexe mi vitanisi mo ulapune'i se'i so ilomuanu kalumo, la itema anene uxolu mi vitanisi no voxo loxo Mosinge molu u'uli laxune'i tamitemaou. Ia itema ane umulinu lo mo ulapune'i tamitema so imulinu kalumo, la no voxo so Mosinge molu u'uli laxune'i tamitemaou no tualasou, itema ne uxalisou uala tatila.

Matiu 5:19 Referans Kwoze

Matiu 28:20

Xe ngavotone'i lexe imulinu pelototo ane epilixinu noxinge mukalusi. Mo ngalomu, eni axolu noxinge utotomu xo mo ulai uxali avile no anu kaluxusou lialia 'o.”

Matiu 11:11

Eni avikalangengi manina aloxo 'o. No taine'i tatemanu lialia muka­lusi, la Tioni e itema so u'oxonu ilixo so kelele uua'ulixa'a avile. Ia no voxo so Mosinge molu u'uli laxune'i tamitemaou no tualasou xe ena'ei noxi'a ualasou vitanisi, la uua'u­lixu Tioni ane.

Taitusi 3:8

Vaikala ano'o manina e maninasi. Laso loxo nalemolu la amasaxau lexe xavineniou. Mo so axone la tamitema ane ilopalanu Mosinge la ilaxa'i laixe so i'oxonu ilixo laixesi. Xo axone la ane'i latala ino'u su'uli laixe no anu.

Mupala'a 2:20

Ia mi vile a'osasingexu uasi aloxo 'o. Sema e Ieseveli ixolu no taingengi mo ikalavoi lexe ane sema so pela'a. Ane i'unanu tane noxi'a tamitema so xaixai noxilo mo ilapune'i no anu susu so ilailai noxi'a tasema vitanisi mo i'ou misoposi ane tamitema milosi'a momosi'a kalavoi. I'oxo axone ia iengi si'isou ilixo noxie mo nga'apixe no anu to uasi.

Lomu 6:15

Ia axova, nenge taxolu no laxu lo uasi taxolu no anu iaiama, laso nenge tanava? Tasu­susi? Uasi to!

1 Timoti 6:11

Ia loxo nini, la namitemaou Mosinge laso na'umolu mo na'umesou mimi so mamulo ne. Na'umesou anene mo namulinu ilixo aloxo 'o. Xoluxoluxene ula­pusi mo ulovo no anu masaxa noxou Mosinge. Xe lopala noxine ututulu noxousi mo nasexelaxa'a tamenexine. Xe loxo tu'umaxu ma'ia uxalisine la natulu pakia'inesi mo oponeni lexasi noxi'a tamitema mukalusi.

Lomu 6:1

Laso axova? Nenge talavu lexe iaiama ne uua'ulixu susu axone. Laso nenge tasusu tasususi so u'oxonu iaiama noxou Mosinge utelai?

1 Pita 5:4

Loxo ngaxaxai axone la no voxo so Kisi'a tamitema so isaxila'a tasipisipi upala'a, la ngingi ngano'u palaisi ane lailaixe u'uli'uli mo umomomo so tasiauxu uasi.

Luku 11:42

Ia anu masua noxinge Tapalisi to! Xo mimi se ngatounu no xai so u'oxonu la'ilali tu'uaxu xe kamakala ma'ia ngaxalisou la sasaiengi so ngaxexenu pa'usou no anu 10 so lexe noxou Mosinge. Ia ilixo ulapu so nga'oxonu noxi'a tamenexinge mo sexela so nga'oxonu noxou Mosinge a tangengivulusiousi. Laso ngapilixinu lavuloto uasi ia mi ane so xavingengiousi a ilixo ulapu ilou sexela.

Matiu 19:28

La Iesua muvikalane'i lexe, “Eni avikala­ngengi manina aloxo 'o. No voxo loxo mimi uxiu uxali alavuala la Itema ane molu noxou Mosinge utalupexa no anu sia kingi iaxu noxou. Ioxe, laso no voxo anene ngingi ane ngemulileli 'o, ngingi ngatalupexa no anu sia kingi 12 kalumo. Ngatalupexa ne so ngato­ngonu ilixo noxi'a laili 12 noxi'a Ta'isilaeli.

Lomu 3:8

Ai, kalavoisi ane. Anene iou vilesisi no anu vaikala vile lexe, “Nenge tasusu mo so nene'axu laixe uxali.” Vaikala ne, tamitema se'i ikalavoi lexe eni melo elanu. La mi vile uasi, ane'i me'a ixalisou nene'axu ilixo noxi'a.

Ta'aposeli 1:1

Eni akaukavunu a'alo vilela ano'o so ulai noxine nini Tiopilusi. No anu a'alo noxilo tei la ea'aloxu xaixai mo pelototo noxou Iesua mukalusi.

Luku 9:48

La muvikalane'i lexe “Itema aneva usexelaxu molomolo soxu 'o so usu'ulinu no anu ualasilo, la anu loxo usexelaxu molomolo ano'osi uasi. Anu usexelaxo ane. Xe loxo usexelaxo axone, la enisisi uasi. Axone la anu usexelaxu Mamilo e mupalusilo kalumo ane. Xo itema ane uxolu loxo mi vitanisi no taingengi la anu so u'uli laxungengi ane.”

Luku 1:15

Xo anu ualasou utiatila no iou Tatananenge. Anu uiexu uaini o lexa pakia'u uasi. Mo loxo uxolu no anu nenu oponesio, ivo'onu uao, la Ulenu Laixe uxolu noxou lumamo.

Matiu 20:26

Ia mamu so ilixo anene uxolu no taingengi. Xo itema ena'ei noxinge so uxali tatila la vote'isou aloxo 'o. Anu ulu'enu mo so u'oxonu xaixai noxinge latala.

1 Tioni 3:4

Tamitema ta'ei loxo ilavusou isususi la ivila'isou lo noxou Mosinge ane. Ilixo so ivila'isou lo ne a no anu sususi.