Matiu 5:18 - Ata New Testament

¹⁸ Xo avikalangengi manina aloxo 'o. Vaimomo 'o ulai avile uxali no anu kaluxusou loxotolo ilou lialia 'o la vaikala sevile utuxu no anu lo tasiauxu vitanisi uasisi. Anu uxolu axonesi xo mo nene'axu mimi mukalusi uxali.

Matiu 5:18 Referans Kwoze

Luku 16:17

Ia avikalangengi lexe loxotolo ilou lialia tasiauxu ane, io vaikala sevile kitua no anu lo noxou Mosinge ulapau vitanisi uasisi manina.”

1 Pita 1:25

Ia vaikalaou Tatananengesi uxolu avile kaluxusou uasisi.” Vaikalaou nesi a vaikala laixe e mivoto­ngengixu.

Maki 13:30

Mo avikalangengi manina aloxo 'o. Laili ano'o ixolu mo ixalisou mimi ne, isoisoli tei uasi.

Mupala'a 20:11

Ioxe, ieli muka loxo 'o la emaisou sia vile noxou kingi. Anu kea mo toxoxu e toxoxu. La emaisou evile muxolu no anu sila lialia ilou loxotolo mi'umolu mo tasiauxu avilesi.

Tioni 5:19

La no anu vaikalai'a tatiatila noxi'a Taiuta ne la Iesua mukolinu aloxo 'o, “Eni avikalangengi mani­na e maninasi, Mosinge Olu umomomo so u'oxonu mi vile no anu masaxa na'umo uasi. Anu u'oxonu mi ane usaxisou Maminge u'oxonu xo mi ma'ia Maminge u'oxonusi la Olu umulinu u'isa­lilisi.

Matiu 17:20

La anu mukoline'i lexe, “Ngingi ngalopala malaxo uasi, laso maixene ngamomomo uasi ne. Xo eni avikalangengi manina lexe loxo lopala noxinge manina ia isusu'a se aloxo masiteti ngiaxu se isusu'a ne, la ngingi ngamomomo so ngavikalanu la'olu 'o lexe, “Navula nalai olele,” la anu uvula ane. Axone la ngamomomo no anu xaixai mukalusi.

Matiu 16:28

Eni avikalangengi manina aloxo 'o. Se'i noxinge ane nenge'a tatulu 'o, isoli uao la imaisou Itema ane molu noxou Mosinge une'e mo upala'a no anu tanixu kingi.

Matiu 13:17

Xo avikalangengi manina lexe tatei tapolopeti oli'a tamitema talapu tapiena mimasaxau manina so imaisou mimi ane a ngasaxisou 'o, ia ane'i imaisou to uasi. Xe ane'i opone'i mutatama so ilomusou vaikala e a ngalolomusou 'o, ia ilomusou to uasi.”

Matiu 10:23

Xe loxo tamitema so taoni vile ilosinge tu'umaxu la nga'ume ngasuku ngalai no taoni vile. Xo avikala­ngengi manina lexe, ngakalusou xaixai noxinge so ngamomoxu taotaoni ne Isilaeli uao ia Itema ane molu noxou Mosinge ulivu une'e tei.

Matiu 6:2

Laso loxo ngingi a so ngapilixinu mi so su'uli noxi'a tamitema ta'oloxola la mamu so ngapalusi'a se'i i'uli laxungengi so itausou piuka. Xo se'i i'oxo axone no anu tatasou lavuloto xe no votevote'i. Ia ane'i ikalavoisi, i'oxonu so tamitema imaisi'a mo i'itine'i no anu. La avikalangengi manina lexe tamitema ane xo ne mino'u lapei'a se anesi, ixalisou mi vilela uasi.

Matiu 5:26

Avikalaneni manina lexe loxo axone la nini naxolu nakalavusu xo mo nalotonu lamoli umomomo u'isalili loxo misosovo­sousi ane.”

Tioni 21:18

Xe Iesua muvikala noxou aloxo 'ola, “Eni avikalaneni manina e maninasi. Loxo nini namaulusio la nini mene nasakinu lavalava kaio namuamua'i nalai no anu masaxa na'a ninisi. Ia ulai xo xe namitema tilae la nini natolosou avone so evilala usakineni kaio ulaixine no anu ane namasaxau so nalai no anu uasi.”

Tioni 16:23

No voxo anene la ngalingau mi vile noxilo u'isalili uasi. Xo avikalangengi manina e maninasi, loxo ngalingau mi vile noxou Maminge no anu ualasilo la anu ulosinge ane.

Tioni 16:20

Eni avikalangengi manina e maninasi. Maxuveni uasi la ngingi iengi lexaxu unixinixi mo ngaiele so tama ia tatemanu lialia la i'osa'ilasi. Ngingi opongengi tu'u­ma­xu ia ili'i la mi vile uxali so uxiunu mole nga'osa'ilasi.

Tioni 14:12

Eni avikalangengi manina e maninasi, itema ena'ei ulopalaleli la anu kalumo u'oxonu xaixai aloxo eni a'oxonu 'o. Ani, mo u'oxonu xaixai uua'ulixu ane noxilo 'o xo eni a so alai noxou Mamilo.

Tioni 13:38

Xe Iesua mukolinu lexe, “Nini nelalaxi so napilixinu maulixene silo, ne? Eni avikalaneni manina e maninasi, koko'a vile u'ava uao ia tei la nini nasingisilo alaxu tatalu.”

Tioni 13:16

Eni avikalangengi manina e maninasi, uokuvoi tanixu uua'ulixu ane noxou tilasou uasi. Xe itema ane loxo ulai no anu xaixai vile la u'uli laxunu anu e mupalusouxu uasi.

Tioni 12:24

Eni avikalangengi manina e maninasi. Loxo uiti ngiaxu vile uxolu vitanisi, ulapau uasi so u'una no lia mo usoli, la anu anusisi uxolu ane. Ia loxo usoli la anu uxalixu nene'axu tavu'alo ane.

Tioni 10:7

Ioxe, Iesua muvikalane'i aloxo 'ola, “Eni avikalangengi manina e maninasi. Aitengasi'a tasipisipi a eni 'osi.

Tioni 10:1

Xe Iesua musolonu mu'oxonu latilovo aloxo 'ola, “Avikalangengi manina e maninasi. Itema loxo u'una u'isalili no anu aitengaxu vimelusi'a tasipisipi uasi ia uili'esou vimelu u'una no anu vote'i vile, la anu itema so pakali mo anu lasikelisi ane.

Tioni 8:58

La Iesua mukoline'i aloxo 'o, “Eni avikalangengi manina e maninasi, no mi ne Apala'amu uxali uao la eni Melo Axoxolumo.”

Tioni 8:51

Eni avikala­ngengi manina e maninasi, itema ena'ei ulomuxu vaikalaxeli la uxalisou soli uasisi.”

Tioni 8:34

La anu muko­line'i lexe, “Eni avikala manina e maninasi, tamitema mukalusi ane i'oxonu susu la ane'i tasileviou sususi ane.

Tioni 6:53

Laso Iesua muvikalane'i lexe, “Avikalangengi manina e maninasi. Loxo nga'ani no anu vasimolu Itema ane molu noxou Mosinge uasi mo ngaie no anu sialuxu uasi la mauli uxolu noxinge uasisi.

Tioni 6:47

Avikala­ngengi manina e maninasi, ena'ei ane ulopalasi la uxalisou mauli kaluxu uasi.

Tioni 6:32

La Iesua muvikalane'i lexe, “Avikalangengi manina e maninasi. Mosisi ulosinge pileti e molu no tualasou Mosinge uasi, anu Mamilo ne molu so ulosinge pileti maninasou ane molu no tualasou.

Tioni 6:26

La Iesua mukoline'i lexe, “Eni avikalangengi manina e maninasi, ngingi ngemaisou sosovo so xavi ia laxu upalasi noxinge to uasi. Anene tava'u so ngakamulileli uasi. Ningi ngakamulileli xo nge'ou la'ilali mo ngepulapusi ane.

Tioni 3:11

Eni avikalaneni manina e maninasi, nexi talemolu mimi ane telavusou, mo talanu vaikala so tapala'anixu mimi ane tesaxisou mukalu. Tapala'anixu ia ngingi nga'osasou vaikalamexi so ngalo­muxu to uasi.

Tioni 3:5

La Iesua mukolinu lexe, “Eni avikalaneni manina e maninasi, loxo itema vile uvo'ola no anu lexa xe Ulenu Laixe uasi, la anu umomomo uasi so u'una uxolu no voxo ane Mosinge u'uli laxune'i tamitemaou.

Tioni 3:3

La Iesua mukolinu lexe, “Eni avikalaneni manina e maninasi, loxo itema vile uxalisou lavulo'o alavua uasi, la vote'i uasi so anu uxolu umaisou voxo ane Mosinge molu u'uli laxune'i tamitemaou.

Tioni 1:51

Mo musolonu aloxo 'ola, “Avikala­ngengi manina e maninasi, ili'i la ngamaisou tualasou Mosinge ukisi mo ta'angelou Mosinge ilulu'e itetelo noxou Itema ane molu noxou Mosinge.”

Luku 23:43

La Iesua mukolinu lexe, “A avika­laneni manina aloxo 'o. Masi 'osi nengei taxolu no tualasou Mosinge lailaixe.”

Luku 18:29

La Iesua mukolinu lexe, “Eni avikalangengi manina aloxo 'o. Itema aneva oponu ututuluou voxo so Mosinge molu u'uli laxune'i tamitemaou xe u'umesou tualasou mo semau mo tavimovimou mo momu olie nenu mo ta'olu, la uxalisou nene'axu aloxo 'o.

Luku 18:17

Xo avikala manina aloxo 'o. Tamolomolo ano'o ilopalane'i uasi, ipilixine'isi. Ioxe, loxo itema vile ulopala mo upilixinu axone uasi la no voxo so Mosinge molu u'uli laxune'i tamitemaou la anu itema anene uxolu nonano to uasi.”

Luku 13:35

Laso ngingi tatemanu tuala ne ngalomu. Tualasinge umamulo mo uxolu vitanisi ane. Mo avikalangengi lexe ngingi ngamaisilo la uasi umomomo no anu voxo ili'i so ngavikala lexe, 'Mosinge u'oxo laixe noxou anu ane une'e no anu ualasou Tatana­nenge.'”

Luku 12:37

Laixe manina noxi'a tamitema so xaixai ane ixolu ilo laixe no voxo loxo tilasi'a ulivu uxali. Xo avikalangengi manina lexe no voxo anene la anu usinixu lavalava laixe mo uvikalane'i tamitema so xaixai noxou lexe italupexa so i'ani no latevolo. Mukalu la anu molu uveluvelu­nuxa'a no anu mi ma'ia imasaxau.

Luku 11:51

Xo sialu musoko'u munixi noxou Aveli mune'e xo mo muxali noxou Sekelaia. Anu ane mivau no tainu tanixu navu xe tasou Mosinge. Ani manina, eni avikalangengi lexe tava'u susu anene mukalusi upita noxinge ngingi laili so vaimomo 'o.

Maki 14:30

La Iesua mukolinu lexe, “Avikalaneni manina aloxo 'o. Masi no olovoxo nini navikalane'i tamitema lexe nini nalavusilo uasi. Nalemolu alaxu tatalusou xe ukalu la nalo­musou koko'a u'ava alaxu tameisou.”

Maki 14:25

Eni avikala manina noxinge lexe eni aiexu uaini aloxo 'ola uasi. Ulai umomomo no anu voxo so Mosinge molu u'uli laxune'i tamitemaou, laso ane, aiexula.”

Maki 14:18

Mixali mukalu la mixolu mixixaosou latevolo mo a mi'ani'ani. Ane'i a i'ani'ani la Iesua muvikalane'i aloxo 'o, “Eni avika­la­ngengi manina lexe vile no tainenge 'o anu so upilixileli no avo'a tauluaxeli. Anu itema ne a nenge'a ta'ani'ani 'o.”

Maki 14:9

La avikalangengi manina aloxo 'o. Ili'i la tamitema ilai no xalexale tuatuala so ia'aloxu vaika­lasilo laixe. Mo axone la ane'i kalumo ilemolu mi e sema mi'o­xonu noxilo 'o, tane'ivulusie uasi.”

Maki 12:43

La Iesua mu'avali'a tatisaipeliou mine'e la muvikalane'i lexe, “Ngamaisie sema oloxola e mulue musolisie olele. Avikala­ngengi manina axo', ane'i tamitema tavu'alo mipilixinu lamoli no kesi 'o. Ia se noxie sema ne, uua'ulixu noxi'a avile.

Maki 11:23

Avikala­ngengi manina aloxo 'o. Loxo itema vile uvikalanu la'olu ano'o lexe uvula mo utulu no luaki olele, xe loxo itema ne oponu tamei uasi ulopala noxou Mosingesi, la anu uxali loxo ulemolu.

Maki 10:29

La Iesua mukolinu lexe, “Eni avikala manina aloxo 'o. Itema aneva u'italonu tasou oli'a tavimovimou xe nenu ilou momu xe ta'olu xe xaixu so umulileli mo ulanu a'alosilo laixe, la uxalisou nene'axu aloxo 'o.

Maki 10:15

Xo avikala manina aloxo 'o. Tamolomolo ano'o ilopalane'i uasi, ipilixine'isi. Ioxe, loxo itema vile ulopala mo upilixinu axone uasi la no voxo so Mosinge molu u'uli laxune'i tamitemaou la anu itema anene uxolu to uasi.”

Maki 9:41

Loxo itema vile tanungenge xo ngingi tavaitamixeli eni ane so Kalaisiti 'o, mo utaungenge lexa so ngaiexu la avikalangengi manina aloxo 'o. Itema ne uxalisou lakolisou su'uli mu'oxonu ne.”

Maki 9:1

Ioxe, mo muvikalane'ila lexe, “Eni avikalangengi manina aloxo 'o. Se'i noxinge ane nenge'a tatulu 'o, isoli uao la imaisou voxo so Mosinge molu u'uli laxune'i tamitemaou uxali no anu xavisi.”

Maki 8:12

Mivikalanu axone la anu muemuaxu xo oponu tu'umaxu. La mu'oxo lexe, “Ai, loxova so tamitema vaimomo 'o imasaxau isaxisou sosovo no ie'i 'o? Eni avikala manina lexe tamitema ano'o imaisou sosovo vile uasi e uasi manina.”

Maki 6:11

Xe loxo ngaxali no tuala aneva xe i'osasinge mo ilomungenge uasi la nga'umesou tuala ne. Xe loxo so ngalutu no iouxalengae la ngapu­panu tava'inge so io'isou tuala ne uxexe. Mo so axone la anu latilovosou ilixo masua noxi'a ane.”

Maki 3:28

Ia ngalomu xo avikalangengi manina aloxo 'o. Loxo susu ma'ia o vaikala masua ma'ia tamitema ilemolu, la anu vote'i uxolu so Mosinge uiasou susu anene.

Matiu 25:45

Laso anu ukoline'i lexe, 'Avikalangengi manina aloxo 'o. Mi ma'ia nga'o­xonu noxi'a tanoxilo 'o e tatiatila o tami vitanisi uasi, la nga'oxonu noxilo kalumo uasi ane.'

Matiu 25:40

Laso kingi ukoline'i lexe, 'Avika­langengi manina aloxo 'o. Mi ma'ia nge'oxonu noxi'a tavivilo tatiatila o tami vitanisi, la nge'o­xonu noxilo ane.'

Matiu 25:12

Ia anu mukoline'i lexe, 'A avikalangengi manina lexe eni alavusinge to uasi.'”

Matiu 24:47

Xo avikalangengi manina lexe tila ne utulusou uokuvoi ne so usaxila'u mimiou mukalusi.

Matiu 24:2

Ia anu mulemolu vaikala ano'o noxi'a, “Ngingi ngamaisou ngiongiou laixe ano'o ia avikalangengi manina lexe ili'i la lavo'o vile utoxo no anu menexu uasi, upaxele mukalusi. Tani ano'o ne umamulosi.

Matiu 23:36

Eni avikalangengi manina lexe lakolisou susu mukalusi ne upita utuvu noxinge laili so vaimomo 'o.”

Matiu 21:31

Ioxe, noxi'a ta'olu tamei ne, la ena'ei noxi'a mumulinu masaxa noxou momu?” La ane'i mikolinu lexe, “A, anu ane tei.” La Iesua muvikalane'i aloxo 'o, “Avikalangengi manina lexe tamitema so itaxusou taxisi oli'a tasema so vote'i masi i'una ixolu no voxo so Mosinge molu u'uli laxune'i tamitemaou, ia ngingila uasi.

Matiu 21:21

La Iesua mukoline'i lexe, “Avikalangengi manina aloxo 'o. Loxo lopala noxinge manina mo tangengi tamei uasi la ngingi ngamomomo no anu mi aloxo e'oxonu no anu ovu viki 'o. Mo kalumo ngingi ngamomomo so ngavikalanu la'olu 'o lexe, 'Navula nalai nasu'a lu'e no luaki,' la anu uxali ane.

Matiu 19:28

La Iesua muvikalane'i lexe, “Eni avikala­ngengi manina aloxo 'o. No voxo loxo mimi uxiu uxali alavuala la Itema ane molu noxou Mosinge utalupexa no anu sia kingi iaxu noxou. Ioxe, laso no voxo anene ngingi ane ngemulileli 'o, ngingi ngatalupexa no anu sia kingi 12 kalumo. Ngatalupexa ne so ngato­ngonu ilixo noxi'a laili 12 noxi'a Ta'isilaeli.

Matiu 19:23

Mulai laso Iesua muvikalane'i tatisaipeliou lexe, “Avikalangengi manina aloxo 'o, anu ialuxu manina noxi'a tamitema lamolo­molixa'a so i'unalai ixolu no voxo loxo Mosinge molu u'uli laxune'i tamitemaou.

Matiu 18:18

Eni avikalangengi manina lexe mi ma'ia ngingi ngasakinu no lialia la Mosinge usakinu no tualasou kalumo. Xe mi ma'ia ngalulusou no lialia la Mosinge ululusou no tualasou kalumo.

Matiu 18:3

La muvikala lexe, “Eni avikalangengi manina aloxo 'o. Loxo ngaxiu avile so ngaxali aloxo tamolomolo uasi, la vote'i uasi so ngingi nga'una ngaxolu no voxo so Mosinge molu u'uli laxune'i tamitemaou no tualasou.

Matiu 11:11

Eni avikalangengi manina aloxo 'o. No taine'i tatemanu lialia muka­lusi, la Tioni e itema so u'oxonu ilixo so kelele uua'ulixa'a avile. Ia no voxo so Mosinge molu u'uli laxune'i tamitemaou no tualasou xe ena'ei noxi'a ualasou vitanisi, la uua'u­lixu Tioni ane.

Matiu 10:42

Mo loxo itema vile u'oxo lexe usu'uline'i tatisaipelixeli xe utau lexa lelemesou so ulosi'a ta'aliku moso 'o, la avikalangengi manina lexe uxalisou lapesou laixe ane.

Matiu 10:15

Ia eni avikalangengi manina aloxo 'o. No anu voxo so Mosinge ukolinu susu olele la tu'umaxu ane uxalisi'a tatemanu taoni ne la uua'ulixu anene so uxalisi'a Tasotomu oli'a Taxomola.”

Matiu 8:10

Iesua mulo­mu­sou vaikala noxou itema ne la mukisikula. Mo muvikalane'i tamitema latala ane mimulinu ne lexe, “Avikalangengi manina aloxo 'o. No taingengi Ta'isilaeli la axalisou itema vile lopala noxou laixe aloxo itema ano'o to uasi.

Matiu 6:16

Xe muvikalala lexe, “Loxo voxo mose'i nga'oxonu ilixo so nga'apingengi no anu la'ilali avile la mamu so nga'oxonu iengi masua aloxo tamitema so kalavoi ilavusou i'oxonu. Xo ane'i ilavusou i'oxo ie'i masua toxonesi mo so tamitema ilavu lexe ane'i a i'apixa'a no anu la'ilali ne. La avikalangengi manina lexe tamitema ane xo ne mino'u lapei'a se anesi, ixalisou mi vilela uasi.

Luku 4:24

Mo musolonu muvikala aloxo 'ola, “Eni avikalangengi manina. Loxo polopeti vile ulanu vaikala no anu tualasou u'isalili, la tate­manu ilomuxu to uasi.