Matiu 5:16 - Ata New Testament

¹⁶ La anu axonesi, lamanangenge utalo­sou ie'i tamitema mo so imaisou ilixo laixe noxinge. Imaisou laso ane'i i'itinu ualasou Maminge ane uxolu no tualasou lailaixe.

Matiu 5:16 Referans Kwoze

1 Pita 2:12

Muamua'ingenge ulapusi no taine'i tamitema so isivoxo. Xo masi ikalavoisinge lexe ngingi tamitema so susu 'o, ia loxo ilixomengi laixe upala'a no ie'isi la no anu voxo loxo Mosinge une'e 'o la i'itinu ualasouxu.

Taitusi 2:7

No anu xoluxolu noxine la mi ma'ia na'oxonu ne u'isalili mo so loxo ane'i imaisou la imulinusi. Xe loxo nalulusou Mosinge vaikalaou la napolo va'axu sevile uasi. Mo no anu ilixo noxine la naxolaxola uasi mo so ane'i itaxaneni.

Tioni 15:8

Loxo ngingi ngaxalixu nene'axu ulolutu la anu umaxa'u lexe ngingi tatisaipelixeli. La anene vote'i so Mamilo ualasou utilasi.

Epesusi 5:8

Xo tei la ngingi tamitema so isivoxo ia vaimomo 'o ngaxolu noxou Tata­nanenge. Ngingi ta'olu, laso ngamuamua'i no anu lamanaxu.

1 Pita 3:16

Ia loxo ngakoline'i la ngataxane'i laixe so ngavikala se'isisi noxi'a. Xe nga'oxonu ilixo ulapusi mo so tangengi uai se'isisi mo uto'omengi uasi. Xo loxo nga'oxonu ilixo laixesi so ngamulinu Kalaisiti kaio ipupuie­ngixu la anu upalasi no ie'i tamitema mole ane'i ane ito'o­menge ne itavulenu mailasousi.

1 Pita 4:14

Loxo tamitema ipupuiengixu ualasou Kalaisiti la anu mi so nga'osasousi, xo Ulenu Mosinge lailaixe misevile mo xavinu a uxolu noxinge ne.

1 Pita 2:9

Ia loxo ngingi ne, Mosinge muilongengi so ngexali laili noxou mu'isalili. Xe ngaxolu tapilisitisou tasou kingi mo lasilili ane malemalengasi mo tamitema ane musosovosinge lexe tanoxou mu'isalili. Laso ngingisi a so ngapala'anixu ilixo lailaixe mu'u­li'uli avile noxou e mu'a­valinge ngela no anu isivoxo so nge'una no anu lamanaxu lailaixe ne.

Taitusi 3:14

Xe napelototosi'a tamitema­menge so ilavu laixe no anu vote'i so su'uli. Laso loxo tamitema isoti no anu mi ma'ia xe isu'uline'i la uxalixu nene'axu laixe ane.

1 Timoti 6:18

Mo napelototosi'a lexe i'oxonu ili'ilixo laixe so isu'uline'i tamenexi'a. Mo voxo­voxo utotomu ipilipilixinu avo'a noxi'a ane'i ane mimi uasi. Mo loxo ivelevelunui'a la itukala uasi, avo'a temanusi so ilosi'a.

2 Kolini 9:13

Laso no anu su'uli noxinge ne la upala'anixu ilixo laixe noxinge no ie'i tamitema. Xo anu upalasi noxi'a lexe anene nene'axu vaikalamengi ngalemolu lexe ngelomuxu vaikala laixe so Kalaisiti. Xe ane'i imaisou avonge temanu ulai noxi'a xe noxi'a leviani ne la ane'i i'itinu Mosinge ualasou noxinge.

Epesusi 2:10

Xo xoluxolu noxinge 'o ne Mosinge molu muxalixu noxou Kalaisiti Iesua. Muxalixu so tamuamua'i no anu ili'ilixo laixe e mulalaxinu tatei so lexe tamulinu.

Ipilu 10:24

Xe takamulinu vote'i so ta'avuti­nixinge ngato'o so tasexela mo ta'oxonu ili'ilixo laixesi.

1 Pita 4:11

Laso loxo vile noxinge muno'u lavulavu laixe so ulanu vaikala la ulanu u'isalili no anu Mosinge vaikalaousi. Xe loxo vile xaixai noxou so usu'uli la u'oxonu no anu xavi e Mosinge upilixinu noxou. Mo so axone la tamitema imaisou xaixai noxinge ne la i'itinu Mosinge no anu ualasou Iesua Kalaisiti. Xo Iesua Kalaisitisi laixe so ualasou utila mo u'uli laxunu mimi mukalusi ulai ulai kaluxu uasisi. Vaikala ano'o maninasi.

1 Tesalonaika 2:12

Tetatama noxinge lexe muamua'i noxinge la laixe mo ulovou ilixo noxou Mosinge. Xo anu molu mu'avalinge lexe no anu voxo so anu molu u'uli laxune'i tamitemaou la ngingi ngaxoxolu ne no anu iaxusi.

1 Pita 3:1

Mo axone kalumo noxinge tasema itaula'i. Ngalu'engengi noxi'a tamulumengi mo so loxo se'i noxi'a ilomuxu vaikalaou Mosinge uasi la xoluxolungenge ulapune'i ane. Xo manina, ngato'ome'a no anu vaikala vile uasi,

Ta'aposeli 9:36

Ioxe, no tuala vile ne Iopa la sema vile ualasie lexe Tavita a mixoxolu. Io no anu vaikala Kiliki la ilemolu ualasi lexe Tokasi. No anu xoluxolu noxie ane milavusou i'oxonu ilixo laixe so isu'uline'i tamitema ane la'ilalixa'a ilou mimii'a uasi.

1 Timoti 5:25

La anu axone kalumo no anu ilixo laixe. Se'i ne upala'a avile xe se'i utalume. Ia umomomo so utalume avile uasi ane, ulai la upala'a kalumo.

Matiu 5:45

Xo ngingi ne ngaxolu ta'olu Maminge e uxolu no tualasou lailaixe. Anu ulavusou u'oxonu aso noxou uieisi'a tamitema tamasua xe tamitema talaixe. Mo anu ulavusou u'oxonu la'iua usilisi'a tamitema talapusi xe tamitema so ili'ilixo ukilikalu.

Taitusi 2:14

Anu mu'italonu maulixu so mulotonu lakolisou ili'ilixo noxinge mukalusi ane muxolaxola'u lo noxou Mosinge. Xe mu'ulosinge so texali tamitemaou malemalenga mu'isa­lili. Laso maixene oponenge utata­ma so ta'oxonu ili'ilixo ane laixesi.

1 Timoti 5:10

Xe ilixo noxie aloxo 'o. Sema ane tamitema ivikalasie lexe ane sema so xaixai laixe mo ane misaxila'a tailie laixe. Xe ane milavusou misexelaxa'a mo mitavalixa'a taasila xe loxo talopala me'a no tuala vile mixali la mi'uinu tava'a. Xe loxo tamitema ane mitata­vulenu tu'umaxu la misu'uline'i mo opone mututuluou xaixai aneva lailaixe manina.

1 Timoti 2:10

Xo loxo sema vile ivikala lexe ane imulinu masaxa noxou Mosinge la opone ututuluou mimi so vasimele uasi, ututuluou xaixai noxou Mosingesi.

Xalesia 1:24

Milomusou a'alo­sou mimi ane Mosinge muxalixu noxilo axone la mi'iti'itinu Mosinge ualasouxu.

Taitusi 3:4

Texolu axone ia Mosinge anu mosou pamauli tanunenge misevile la sexela noxou singe tamitema mupala'a.

1 Kolini 14:25

Mo mimi ane italumeu no opone'i la upala'asi. La ane'i ilu'ene'i mo imama'u noxou Mosinge. Mo ivi­kala lamana lexe, “Manina mise­vile, Mosinge molu uxoxolu no taingengi 'o!”

Luku 11:2

Laso anu muvikalane'i lexe, “Loxo ngaxolu ngavikala noxou Mosinge la ngavikala aloxo 'o, 'Mamixe, ualasine ukalipala uxolu malemalengasi. Mo voxo so nini mene na'uli laxune'i tamitemameni une'e 'osi.

Matiu 9:8

Xe tamitema latala ne mimalei axone la mama'u mukasi'a mo mi'iti'itinu Mosinge ualasou xo anu molu mupilixinu xavi anene noxi'a tamitema.

Matiu 23:5

Mo mi ma'ia i'oxonu la i'itine'i no anu no ie'i tamitemasi. Xo laletisou lavuloto e isakinu so ivikala noxou Mosinge la i'oxonu tiatila. Xe no anu lavulutii'a veveni la lamolamota so telexu la veveveni kena.

Matiu 6:16

Xe muvikalala lexe, “Loxo voxo mose'i nga'oxonu ilixo so nga'apingengi no anu la'ilali avile la mamu so nga'oxonu iengi masua aloxo tamitema so kalavoi ilavusou i'oxonu. Xo ane'i ilavusou i'oxo ie'i masua toxonesi mo so tamitema ilavu lexe ane'i a i'apixa'a no anu la'ilali ne. La avikalangengi manina lexe tamitema ane xo ne mino'u lapei'a se anesi, ixalisou mi vilela uasi.

Matiu 23:9

Mo mamu so ngamoxo'u vile noxi'a no lialia 'o lexe anu maminge. Xo anu vilesisi so Maminge, anu ane uxoxolu no tualasou lailaixe.

Matiu 6:9

Loxo ngingi ngavikala noxou Mosinge la no anu vote'i aloxo 'o. 'Mamixe, nini so tualasine lai­laixe, ualasine ukalipala uxolu malema­lengasi.