Matiu 5:12 - Ata New Testament

¹² Loxo i'oxo noxinge axone la nga'osa'osasi xo ngaxalisou lapesou lailaixe no tualasou Mosinge. Mo ngalavu lexe tatei noxi'a tapolopeti ane mi'uli noxinge la tamitema milosi'a tu'umaxu iou vilesisi axone.”

Matiu 5:12 Referans Kwoze

Luku 6:23

Ia loxo mi axone uxali noxinge la nga'osa mo opongengi ulei. Xo ngalomu, palaisimengi la'oluxu to a uai ulalaxi no tualasou Mosinge. Mo ngalavu aloxo 'ola, tatei ta'ilusune'i mi'oxo axone noxi'a tapolopeti kalumo.

Tiemisi 1:2

Ioxe tavivilo, no voxo loxo tu'utu'umaxu iouiou uxalisinge la ngasaxisou lexe anu mi so nga'osa­sousi.

Kolosi 3:24

Mo mi so tangengiou aloxo 'o. Ili'i la Tatananenge ulosinge lapemenge no voxo loxo uvelu­velunu mimi lailaixe e musoso­vosou lexe noxi'a tamitemaou. Xo ngingi ngaxolu tamitema so xaixai noxou Kalaisiti, xe anusi a Vosimengi manina.

1 Pita 4:13

Ngingi a nge'una no anu navunavu e Kalaisiti mutavulenu laso loxo navunavu ne utila la osa noxinge kalumo utilasi. Mo so no voxosou Kalaisiti upala'a no iaxu avile la osa'ila noxinge ulolutusi.

Kolosi 1:24

Ioxe, vaimomo loxo atavulenu navunavu so asu'ulingengi la a'osasousi. Xo Kalaisiti a utata­vulenu navunavu so vasimolu e pita noxousio. Laso eni a'una ava'isu no anu xo opoleli ututulu lexe usivita avile.

Lomu 5:3

Ia ta'osasou voxo anenesi uasi, ta'osasou tu'utu'umaxu ane tatavulenu 'o. Ta'osasou xo ma'ia? Ta'osasou xo tu'utu'umaxu anene so u'oxonu pakia'inge.

Matiu 16:27

Xo Itema ane molu noxou Mosinge une'e ili'i no anu iaxu Momu. Une'e la oli'a ta'angelou so ukoline'i tamitema u'isalili no anu ilixo noxi'a.

Ipilu 11:6

Xo loxo no anu lopala uasi la umomomo uasi manina so Mosinge u'osasou itema. Laso loxo itema umasaxau ulavusou Mosinge la masi ulopala tei lexe Mosinge uxolu. Mo ulopala lexe tamitema ta'ei tane'i u'oxoxu Mosinge la anu ukolinu mo u'oxone'i laixe.

1 Tesalonaika 2:15

Xe noxou Tata­nanenge Iesua la ane'i Taiuta mivau. Xe mive'ave'a tapolopeti mo mipalenenexe so ikusaixe. Tami­tema anene ixililiou masaxa noxou Mosinge mo imatapiane'i tamitema mukalusi.

Pilipai 2:17

Laso loxo tava'u maulixo 'o so unixi ula la anu loxo usiali upita ilou mi e ngepilixinu no anu lopala noxinge lexe noxou Mosinge. Eni a'osa so uxali axone mo amasaxau lexe ngingi kalumo ngaxamulinu osa noxilo 'o.

2 Kolini 4:17

Xe tu'utu'umaxu ane tatavulenu 'o taxamulinu lexe anu papaxesi mo anu so uxolu maxuveni uasi. La anu ne so usu'ulinexi xo anu uxalixu mi ane lailaixe mo mutiatila so uxolu kaluxu uasi. Mi ne talulusou axova, xo mi vile so talemolu ka tatilovosou no anu uasisi?

Ta'aposeli 5:41

Ane'i mila la mivikalane'i ngato'o lexe, “Ai, aloxo 'o laixe xo Mosinge muilonenge so tatavulenu tu'umaxu mo maila no anu ualasou Iesua.”

Matiu 6:16

Xe muvikalala lexe, “Loxo voxo mose'i nga'oxonu ilixo so nga'apingengi no anu la'ilali avile la mamu so nga'oxonu iengi masua aloxo tamitema so kalavoi ilavusou i'oxonu. Xo ane'i ilavusou i'oxo ie'i masua toxonesi mo so tamitema ilavu lexe ane'i a i'apixa'a no anu la'ilali ne. La avikalangengi manina lexe tamitema ane xo ne mino'u lapei'a se anesi, ixalisou mi vilela uasi.

1 Kolini 3:8

Ioxe, no anu xaixai noxou anu ane so utapu'u xe anu ane so unixi'u lexasou la anu iou vilesisi. Vile noxi'a utila noxou vile uasi. Ia Mosinge molu ulosi'a lakolisou umomomo no anu xaixai noxi'a vilevilesi.

Luku 6:35

Ia ngingi nga'oxo aloxo 'o. Ngasexelaxa'a taulua­mengi mo nga'oxonu alauna noxi'asi. Mo loxo tamitema ixalixu tina'u noxinge la mi vile uasi, ngalosi'a mi ma'ia imasaxau io opongengi ututuluou lakolisou uasi. Xo ngingi ngaxalisou lakolisou lailaixe ili'i ane. Mo ngaxolu Anu U'uli'uli ta'olu xo anu ilixo noxou alaunasi noxi'a tamitema tamasua ane ivikala laixe so su'uli noxou uasi.

Ta'aposeli 16:25

Ioxe, no olovoxo lixinu la ilou mixolu mivivikala noxou Mosinge xe milexenu lexe so i'itinu ualasou. La ane'i takalavusu se'i ne mixolu milomusi'a.

Luku 13:34

O Ielusalemo, Ielusalemo. Nini nalavusou nave'ave'a tapolopeti isoisoli mo ane'i tamitemaou Mosinge ane upalusi'a ine'e noxine la napalexa'a no lavo'o so isoisoli. Alaxu tavu'alo emasaxau apitane'i ta'iline a loxo kokoa ipitane'i ta'ilie no laxu vivisie. Ia ane'i imasaxau to uasi.

Ipilu 11:26

Xo loxo axolu ne Isipi 'o la masi axolu no latanu mimi. Mo loxo a'una noxi'a olele la atavulenu maila no anu ualasou Itema Mosinge musoso­vosou. Ia mi vile uasi, xo lakolisou ane so axalisou ili'i ne lailaixe mo uua'ulixu ano'o avile.”

Pilipai 1:29

Ai ngalomu, Mosinge mu'alaunasinge xo mu'italongengi so nga'oxonu xaixai noxou Kalaisiti. Ia so ngalopalasi uasi, anu so ngatavulenu navunavu no anu ualasou kalumo.

Ipilu 10:34

Xe loxo mikalavusune'i se'i noxinge la tangengixa'a mo nge'oxone'i laixe. Xe loxo taxilili mi'umenu mimi noxinge la nga'apisou uasi. Nge'osa so ngepi­lixinusi xo ngelavu lexe mimi­menge lailaixe ane kaluxusou uasi a mulalaxisinge.

Ipilu 11:33

Xo no anu lopalasi laso ane'i tamitema ane xo ne la miua'ulixa'a takingi oli'a ta'amii'a xe mi'oxonu xaixai mutiatila mo mulapusi mo mixalisou vavalima noxou Mosinge mo mitanuxu talaioni anaxa'a.

Tiemisi 5:10

Xo tangengiou so ngamu­linu ilixo noxi'a tapolopeti e milalanu vaikala no anu ualasou Tatananenge tatei. Tavivilo, ane'i ne mitavulenu tu'umaxu no avo'a taxilili ia mi'oxonu opone'i pumuxu so mixolu se'isisi no anusi.