Matiu 5:11 - Ata New Testament

¹¹ Laixe noxinge loxo ngatavu­lenu navuna­vusou ualasilo. Loxo tamitema ipupuiengi mo ilosinge tu'umaxu mo ikalavoisinge no anu vaikala masua iouiou.

Matiu 5:11 Referans Kwoze

1 Pita 4:14

Loxo tamitema ipupuiengixu ualasou Kalaisiti la anu mi so nga'osasousi, xo Ulenu Mosinge lailaixe misevile mo xavinu a uxolu noxinge ne.

Luku 21:17

Mo ane'i tamitema latala mukalusi imatapiangengi xo ngingi a ngatavulenu ualasilo ne.

Maki 13:13

Xe loxo ngingi, la tamitema opone'i umatapiangengi xo ngingi tamitemaxeli. Ia ngingi ngaxolu pakia'inge xo mo uxali no anu voxo kaluxusou xo ngingi ngaxalisou pamauli ane.

Matiu 24:9

Xe ngingi, la taxilili ilosinge navunavu mo tu'umaxu mole se'i noxinge la ivenge ngasoli. Mo tatemanu xale tuatuala mukalusi opone'i umatapiangengi xo ngingi a ngatavulenu ualasilo.

Luku 6:22

Laixe noxinge ngingi a so tamitema imatapiangengi. Xo ngingi ngatavulenu ualasou Itema ane molu noxou Mosinge laso tamitema ikalitotongengi xe ivi­kala masuainge xe ixililiou ualasinge.

1 Pita 2:23

Mo loxo tamitema mipupuiou la anu ukoline'i no anu vaikala axone uasi. Xe anu a utatavulenu navunavui ne la uvavaxa'a no anu mamulo uasi. Anu mupilipilixinu noxou anu ane so Tiasi e latilovo noxou ulapusi.

Tioni 15:21

Ia ane'i la ilavusou anu ane mupalusilo ene'e 'o uasi, laso maixene i'oxonu mimi masua noxinge axone xo ngingi ane so ngatatavulenu ualasilo.

Matiu 10:22

Xe loxo ngingi, la tamitema opone'i umatapiangengi xo ngingi tamitemaxeli. Ia ngingi ngaxolu pakia'inge xo mo uxali no anu voxo kaluxusou xo ngingi ngaxalisou pamauli ane.

Matiu 10:39

Loxo itema vile ulaxa'inu maulixu lexe mi noxou mo, la maulixu ne usu'a vitanisi ane. Ia loxo itema vile upilixinu maulixu xo tanu u'oxoxo la anu maulixu uxalixu nene'axu laixe.

Mupala'a 2:3

La ngata­vulenu tu'umaxusou ualasilo xo tamitema ito'omengexu ia ngatulu pumu­ngenge mo kalakalangenge uasi.

Matiu 19:29

Xe noxi'a ta'ei ane mipilixinu tasi'a xe tavimovimo'a tamulu xe tasema xe tamami'a xe taneni'a xe ta'ili'a xe xaixa'a xo no anu ualasilo la ixalisou lakolisou upita no latanu e lapilai uasisi. Mo ane'i ixalisou mauli kaluxu uasi kalumo.

2 Kolini 4:11

Xo nexi tamolo tanexiu masaxa noxou Iesua laso tamitema utotomu itovonu so ivexexu. Nexi tapilixinu vasimexe no anu soli axone so mauli noxou Iesua upalasi no anu.

1 Kolini 4:10

No ie'i ne ngingi ngexali loxo tami­tema so lavulavu no anu vaikalasou Kalaisiti ia nexi 'o la loxo taxo­vulaulausi. Ngingi loxo xavingengi ia nexi pelesixesi. Ngingi loxo tamitema ane uala tatila ia nexi la tamitema itaxanexi uasi.

Lomu 8:36

Loxo Mosinge Vaikala ulemolu, tu'utu'umaxu masi uxalisinge. Anu uvikala aloxo 'o, “Nexi taxolu tamitemameni laso voxovoxo utotomu tamitema imolo soli noxixe. Nexi loxo tasipisipi ane tamitema so ive'ave'a isoli.”

Luku 21:12

Ia tei no anu mimi anene la i'oxongengi aloxo 'o. Ane'i iteteli­singe mo ilosinge tu'umaxu. Xe ikotingenge no anu tatasou lavu­loto ka ipilixingengi no lakalavusu. Mo tava'u xo ngingi ngatavulenu ualasilo laso itulusinge no laxune'i taxamani xe takingi.

Luku 9:24

Xo aloxo 'o. Loxo itema vile u'apisou maulixu lexe noxoumo, la maulixu usu'a vitanisi ane. Ia loxo itema vile upilixinu maulixu so umulileli, la anu maulixu uxalixu nene'axu lailaixe.

Maki 8:35

Xo aloxo 'o. Loxo itema vile u'apisou maulixu lexe noxoumo, la maulixu usu'a vitanisi ane. Xe loxo itema vile upilixinu maulixu so ua'aloxo mo uxalixu ualasilo utila, la anu maulixu uxalixu nene'axu laixe.

Matiu 10:25

Laso loxo xoluxoluxu itema usikulu uxali aloxo tisaou, xe noxou itema so xaixai uxali loxo tilasou la mi vile uasi, umomomo noxi'asi. Xo mosou tani la milemolu lexe Velisevuli laso loxo tasou tatemanu vitanisi la masi ilosi'a tu'umaxu kaini axovao?”

Ta'aposeli 9:16

La eni alosoiou lexe ua'aloxo axone mo utavulenu tu'umaxu xe navuna­vusou.”

Maki 13:9

Mo Iesua musolonu aloxo 'ola, “Ia ngingi ngalaxa'i laixe. Xo ane'i itulusinge so ikotingenge mo ipua­pua­singe no anu tatasou lavu­loto. Mo tava'u xo ngingi ngaa'aloxo laso itulusinge no laxune'i taxa­mani xe takingi. Itulu­singe laso ngingi ngaa'aloxo noxi'a.

Matiu 27:39

La tamitema ane milai mine'e no apu ne milulu kisi'a mo misukunu Iesua lexe,

Maki 4:17

Ia opone'i ukasou manina uasi. Anu loxo uiti ngiaxu ane uleme sevile ia uli'u so ulu'elai no lia uasi. Xo loxo tamitema isu'anu anaxa'a noxi'a mo ixililiie'ixu vaikalaou Mosinge ne, la ane'i i'umesou palea.

Matiu 10:18

Mo tava'u xo ngingi nga'aloxo laso itulusinge no laxu­ne'i taxamani xe takingi. Itulu­singe laso ngingi nga'aloxo noxi'a xe noxi'a tamitema noale'ale.

Tioni 9:28

Xe ane'i Tapalisi mipupuiou mo mi'oxo lexe, “A ninisisi natisai­peliou ane, ia nexi 'o ne tatisaipeliou Mosisi a.

Pilipai 1:29

Ai ngalomu, Mosinge mu'alaunasinge xo mu'italongengi so nga'oxonu xaixai noxou Kalaisiti. Ia so ngalopalasi uasi, anu so ngatavulenu navunavu no anu ualasou kalumo.