Matiu 4:25 - Ata New Testament

²⁵ La tamitema tavu'alo e tavu'alo so Xalili xe xale lia ne Tekapolisi xe ne Ielusalemo xe ne Iutea xe no xale lia ane muxolu xalevile no lexa Tiotani a mimulimulinu Iesua.

Matiu 4:25 Referans Kwoze

Luku 6:17

Xe mukalu la oli'a Iesua milivu milu'e no la'olu mo anu mutulu no anu apu latia vile. La oli'a tatisaipeliou tavu'alo mukalusi xe tamitema se'ila e lapilai uasisi a mixolu mipita ne. Ane'i tatemanu xale lia ne Iutea xe so taoni Ielusalemo xe so luaki pa'umolu no taoni Taili mo Saitoni.

Maki 5:20

Laso itema ne mulai no tualasou ne Tekapolisi. La anu mua'aloxu su'uli lailaixe noxou Iesua muxali noxou. Xe tamitema latala milomusou la tane'ilili.

Maki 7:31

Xe mukalu la Iesua mulutu mu'umesou xale lia ne Taili la mulai no xale lia ne Saitoni. Xe mupolo no apu ne Tekapolisi la mulai muxali avile no kupa Xalili.

Luku 6:19

La ane'i tamitema latala mitovonu so ikasi noxou xo anu xaviou a mulutu noxou mo mupaipoune'i.

Maki 6:2

Ane'i mixolu xe Voxo so Ma'ila la anu muvotovoto no tasou lavuloto. Muvotovoto la tamitema tavu'alo milomu la mikuluke mo mi'oxo lexe, “Iu, itema ano'o muno'u vaikalaou a ne'ei? Mo axova no anu lavulavu noxou 'o? Xe sosovo so xavi u'oxonu axova?

Matiu 19:2

Mulai la tamitema tavu'alo e tavu'alo a mimulimulinu laso anu mupaipoune'i ane'i ane mipipiena.

Matiu 12:15

Ia Iesua mulavusou xavutalai'a Tapalisi ne laso anu muxexesou tuala ne. Xe tamitema latala mimulimulinu la anu mupai­poune'i tapipiena noxi'a mukalusi.

Matiu 8:1

Ioxe, Iesua mulutu no la'olu so mulu'elai la tamitema latala e latala mimulimulinu.

Matiu 5:1

Ioxe, Iesua mumaisi'a tamitema latala milasi mine'ene'e laso anu mutelai no la'olu vile mo mutalupexa. Mutalupexa mukalu la tatisaipeli mine'ene'e noxou.

Matiu 4:15

“Liaxa'a laili noxou Sevuluni xe noxou Napitali ne muxolu alai no vote'i tatila e ulai no luaki. Anu uxolu xalevile no anu lexa Tiotani. La anene xale lia ne Xalili ane. Ane'i tamitema noale'ale tavu'alo italupexa ne.