Matiu 4:24 - Ata New Testament

²⁴ Ioxe, a'alosou muxixaousou xale lia ne Silia mukalusi. Laso mine'ene'i tamene­xi'a ta'ei pipiena iouiou mukasi'a xe mitavulenu tu'umaxu xe ta'angelo tamasua mikasi'a xe ane'i ane i'olo'olo sika ilapau xe ane'i ane xixine'i musoisoli. Mine'ene'i noxou Iesua laso mupamauline'i.

Matiu 4:24 Referans Kwoze

Matiu 17:15

“Tatilao, naiaiama noxou alixeli xo xovulaulau ukasou utotomu mo mi ne uvila'isou vasimolu. Xo alaxu tavu'alo anu usu'anu u'una no navu xe alaxu tavu'alo usu'anu u'una no lexa.

Matiu 8:6

Muvikala lexe, “Tatilao, eni voixeli vile pipiena mukasou mo a muai no tani. Anu vasimolu musoisoli la utavulenu navunavusou e lapilai uasisi.”

Luku 5:15

Ia a'alosou mimi ane Iesua mu'oxonu muia­veiave mulai nopaxapaxasi. La tamitema latala e latala mine'ene'e so ilomusou vaikalaou mo so upaipoune'i no anu siki noxi'a.

Luku 2:2

Anene alaxu tei so mi'oxonu senisisi no voxo loxo Kuiniliusi muxolu tatila no anu xamani no anu polovinisi ne Silia.

Matiu 17:18

Xe Iesua mulavixu angelo masua ne sila alaxu vilesisi muxexesou molomolo ne sika laixenusi.

Matiu 15:22

La sema vile so laili noale'ale e ne Kenani ane mila­vusou ixoxolu ne mine'e noxou. Mine'e la mi'ava'ava lexe, “Tatilao, nini Ilusunu Tevitio, naiaima noxilo. Xo angelo masua mukasie alixeli mo i'oxone masua manina.”

Matiu 12:22

La no voxo anene ane'i mine'enu itema vile ane angelo masua mukasou. Angelo masua mu'oxonu itema ne iou ilou anaxu mutomu. Mine'enu noxou Iesua xe mupaipounu laso muvivikala mo mumaleila.

Ta'aposeli 10:38

Ngingi ngelavu lexe Mosinge musosovosou Iesua so Nasaleti. Musosovosou no anu mi ne Ulenu Laixe muxolu noxou mo mulosou xavi. Mo anu muxixao so u'oxone'i tamitema laixe mo upamauline'i tamitema ane Uluaou mukasi'a. Anu mumaxa'u axone lexe Mosinge a muxolu noxou.

Ta'aposeli 15:23

Ilou milai la mino'u lapasi vile ane ne muvikala aloxo 'o, “Nexi ta'apo­seli xe tamitema so saxila'u, nexi ane tavivinge 'o. Nexi takau­kavunu lapasi ano'o ulai noxinge talopala so noale'ale no tuala ne Anitioki xe ne Silia xe ne Silisia. Aso noxinge.

Maki 2:3

Anu a uvotone'i la tamitema tami'a mitavulenu itema vile ane xixinu musoisoli. La mitavulenu no anu lu so mine'enu noxou Iesua no tani ne.

Maki 1:32

Mixolu xo xe aso mu'una la ane'i tatemanu tuala mine'ene'i tapipiena oli'a tamitema ane ta'angelo tamasua mikasi'a noxou Iesua.

Matiu 4:23

La Iesua muxixao no xale lia ne Xalili mukalusi mo loxo uxali no tuala ne'ei la ulavusou u'unalai no tasou lavuloto noxi'a so uvotovo­tone'i. Muvotone'i la mulanu vaikala laixesou voxo so Mosinge anu molu u'uli laxune'i tamite­maou. Xe tamitema ta'ei mitavu­lenu tu'utu'umaxu no vasime'a o siki iouiou mukasi'a la anu mupaipoune'isi.

Ta'aposeli 15:41

Mi'italone'i mu­kalu laso ane'i ilou milutu milai no xale lia ne Silia xe ne Silisia. Milai xe mixali no anu pitapita no tuala aneva la mixolu mo Polu mu'oxonu pakia'a no anu vaika­laou Mosinge.

Luku 4:14

Ioxe, Iesua mulivu mulai ne Xalili la no anu xavi noxou Ulenu Laixe. Mulivu xe muxali la a'alosou muiaveiave no anu xale tuatuala no apu ne.

Maki 1:28

La alaxu vilesisi a'alosou mimi ane Iesua mu'oxonu ne muiaveiave no tuatuala no xale lia ne Xalili.

Matiu 14:1

Ioxe, no voxo ne la tila no anu xamani e Eloti mulomusou a'alosou Iesua.

Tioni 10:21

Xe leviani mi'oxo lexe, Uasi to! Loxo angelo masua uxolu noxou itema vile la umomomo so ulanu vaikala aloxo 'o uasisi. Xe angelo masua upaipounu tamitema ie'i mutomu aloxo anu u'oxonu 'o uasisi.”

Matiu 9:35

Ioxe, no voxo ne Iesua mumo­moxu taotaoni xe tuatuala mo mu'una'una so uvotovoto no tata­sou lavuloto noxi'a. La mulanu vaikala laixe so voxo ane Mosinge molu u'uli laxune'i tamitemaou. Xe mupaipoune'i tamitema no anu tu'utu'umaxu mitavulenu no vasime'a mo no anu siki iouiou.

Matiu 9:26

La a'alo so mi e Iesua mu'oxonu ne muia­veiave musu'asou xale lia ne mukalusi.

Matiu 8:28

Ioxe, Iesuaena milutu xo la mixali xalevile no kupa la misua no lia xa'a Taxatala. La tamitema tamei ta'angelo tamasua mikasi'a me'a no lamatimati mine'e mixa­lisou. Ilou ne mixolu mivovasi la tamitema imuamua'i ipolo no vote'i ne uasisi.

Matiu 8:33

Xe tamitema e misaxila'a tameme ne mimalei axone la mi'ume'ume mo mixali avile no taoni. Milai mixali la mia'aloi'a tatemanu no anu mimi ne mo mipala'anixu mi e muxali noxi'a tatamei e ta'angelo tamasua mikasi'a olele.

Maki 2:4

Mine'enu ia tamitema miveli mo vote'i so i'unalaixu noxou Iesua uasi. Laso ane'i mitavulenu mitelaixu teitexi no laxa'u tani ane Iesua muxolu no anu. Mitelaixu mukalu la milokenu tani laxa'u mu'isalili no kisou Iesua so tanixu itema pipiena ne. Milokenu mukalu laso ane'i mili­lixu itema no lu mulu'elai nonano no tani.

Maki 2:9

Ma'ia ane ialuxu so alemolu noxou itema pipiena 'o? Ialuxu so avikala lexe tina'uxu so susu mukalu o ialuxu so avikala lexe utulu mo uno'u lusou ka umuamua'i?

Luku 4:38

Mukalu la Iesua muxexesou tasou lavuloto la mulai mu'unalai no tasou Saimoni. Saimoni ne semau nenie mitavulenu tu'umaxu no vasimele xo pipiena a muka­siesi. Iesua mu'unalai la ane'i milingau su'ulisie noxou.

Luku 5:24

Ia eni emasaxa lexe ngingi ngalavu lexe Itema ane molu noxou Mosinge uxoxolu no lialia mo xavinu so ukalusou tina'u so susu.” Anu muvikalane'i tami­tema so lavulavu axone mukalu la muvikalanu itema e xixinu musoi­soli ne lexe, “Nini natulu mo nano'u lusine mo nalai no tasine.”

Ta'aposeli 8:7

Anu mu'oxonu sosovo so xavi so mukusai'a ta'angelo tamasua noxi'a tamitema se'i. Mukusai'a la mi'ava tatila ka mixexesou vasime'a tamitema ne. Xe tamitema ane xine'i musoisoli o tava'a mukilikalu ne laixene'isi.

Luku 7:17

Xe a'alosou mi e Iesua mu'oxonu la muiaveiave musu'asou xale lia ne Iutea mo mulai avile no tuatuala no pa'upa'umolu.

Ta'aposeli 28:9

Anu mu'oxo axone laso ane'i tamitema mipi­piena no xale lia ne mine'ene'e noxou Polu so upamauline'i.