Matiu 4:23 - Ata New Testament

²³ La Iesua muxixao no xale lia ne Xalili mukalusi mo loxo uxali no tuala ne'ei la ulavusou u'unalai no tasou lavuloto noxi'a so uvotovo­tone'i. Muvotone'i la mulanu vaikala laixesou voxo so Mosinge anu molu u'uli laxune'i tamite­maou. Xe tamitema ta'ei mitavu­lenu tu'utu'umaxu no vasime'a o siki iouiou mukasi'a la anu mupaipoune'isi.

Matiu 4:23 Referans Kwoze

Matiu 9:35

Ioxe, no voxo ne Iesua mumo­moxu taotaoni xe tuatuala mo mu'una'una so uvotovoto no tata­sou lavuloto noxi'a. La mulanu vaikala laixe so voxo ane Mosinge molu u'uli laxune'i tamitemaou. Xe mupaipoune'i tamitema no anu tu'utu'umaxu mitavulenu no vasime'a mo no anu siki iouiou.

Maki 1:39

Laso muxixausou tuatuala no xale lia ne Xalili mukalusi. La muvotone'i nonano no tatasou lavuloto noxi'a. Xe muxalixalisi'a ta'ei ane ta'angelo tamasua mika­si'a la mukusakusai'a no anu vasi­me'a tamitema ne.

Ta'aposeli 10:38

Ngingi ngelavu lexe Mosinge musosovosou Iesua so Nasaleti. Musosovosou no anu mi ne Ulenu Laixe muxolu noxou mo mulosou xavi. Mo anu muxixao so u'oxone'i tamitema laixe mo upamauline'i tamitema ane Uluaou mukasi'a. Anu mumaxa'u axone lexe Mosinge a muxolu noxou.

Luku 7:22

La Iesua mukoline'i tatisaipeliou Tioni aloxo 'o, “Ngilou ngalivu la ngaa'alou Tioni no anu mimi e ngemaisou mo ngelomusou 'o. Xo tamitema ane ie'i mutomu la imaleila. Xe ane'i ane tava'a musoisoli la imuamua'isi. Xe tamitema so siki lepelesi la vasime'a malemalengala. Xe ane'i ane sangali'a mutomu la ilolomula. Xe se'i ane misoisoli la itulutulu imaulila. Xe tamitema ta'oloxola la ilomusou votovotosou vaikala laixe.

Matiu 11:5

Xo tamitema ane ie'i mutomu la imaleila. Xe ane'i ane tava'a musoisoli la imua­mua'isi. Xe tamitema so siki lepelesi la vasime'a malemalengala. Xe ane'i ane sangali'a mutomu la ilolomula. Xe se'i ane misoisoli la itulutulu imaulila. Xe tamitema ta'oloxola la ilomusou votovotosou vaikala laixe.

Matiu 13:54

Mulai la muxali avile no nunisou mo musoko'u so uvotovoto no anu tasou lavuloto noxi'a. Xe ane'i milomusou vaikalaou la mikulu­kemolu mo mi'oxo lexe, “Iu, itema ano'o muno'u lavulavuou a ne'eio? Xe sosovo so xavi u'oxonu axova?

Maki 1:21

Xe mune'e la oli'a milai no tuala ne Kapeniamu. La mixolu xe Voxo so Ma'ila muxali la anu mu'unalai no anu tasou lavuloto. Mu'unalai la musoko'u so uvotovoto.

Lomu 10:15

Ia laixe, xo Mosinge upalupalusi'a se'i so ivotovoto. Loxo ulemolu no anu vaikalaou, “Tamitema i'osasi'a ane'i ane ine'enu Vaikala e so mimi lailaixe.”

Luku 8:1

Ioxe, Iesua muxolu xe maxuveni uasi la musoko'u so muxixao no taotaoni xe tuatuala so ulanu vaikala laixe so voxo ane Mosinge molu u'uli laxune'i tamitemaou. La tatisaipeliou 12 a oli'a mixixao mikei.

Maki 6:2

Ane'i mixolu xe Voxo so Ma'ila la anu muvotovoto no tasou lavuloto. Muvotovoto la tamitema tavu'alo milomu la mikuluke mo mi'oxo lexe, “Iu, itema ano'o muno'u vaikalaou a ne'ei? Mo axova no anu lavulavu noxou 'o? Xe sosovo so xavi u'oxonu axova?

Matiu 24:14

Xe vaikala laixe so voxo ane Mosinge u'uli'uli avile ne ula no lialia loloni mo so tatemanu xale tuatuala mukalusi ilomusou. Laso ane, kaluxusou voxovoxo ne uxali.

Matiu 12:9

Ioxe, Iesua muxexesou apu ne xo la mulai muxali no taoni vile mo mu'unalai no tasi'a so lavulavu no anu lavuloto.

Tioni 18:20

La Iesua mukolinu aloxo 'o, “Vaikala ma'ia elemolu la no tani keakeasi. Utotomu eni evotovoto no tanitanixu e Taiuta ilavusou ine'e ipipita no anu loxo no tatasou lavuloto xe no anu tasou Mosingesi. Atalume no mailu'a kaio alemolu vaikala vile uasisi.

Luku 13:10

Ioxe, mune'e xe no Voxo so Ma'ila la Iesua muxolu muvoto­voto no anu tasou lavuloto vile.

Luku 9:11

Ia tamitema latala loxo milavu lexe anu a mulai ne'ei la mimulinu. Mimulinu xo xe mixalisoui la anu mumaxa'u osa noxousi'a so mine'e axone. La anu muvotone'i so voxo ane Mosinge molu u'uli laxune'i tamitemaou xe mupaipoune'i ta'ei ane imasaxau su'uli noxou.

Luku 5:17

Ioxe, mune'e xe voxo vile la Iesua a muvotovoto. La ane'i Tapa­lisi oli'a tatisa so lavuloto a mixolu milolomu ne. Ane'i me'a ne Ielusa­lemo xe no anu tuatuala no xale lia ne Xalili mo ne Iutea. La xavi noxou Tatananenge muxolu noxou Iesua so upaipoune'i tami­tema isiki iouiou.

Maki 6:6

La anu tanu­lilii'a tatemanu tualasou ne xo ane'i opone'i mamalaxu so ilopalanu uasisi. La anu mulutu muxixao no tuatuala no xale lia ne so uvoto­voto.

Maki 3:10

Ikapikapinu axone xo anu mupaipoune'i tamitema pipiena iouiou mukalu. Laso ane'i tapipiena ane upaipoune'i uao la isousoune'i ngato'o so itovonu ikasi noxou.

Maki 1:14

Xe mune'e xe Tioni mukalavusui la Iesua mulivu mu'una no xale lia ne Xalili so ulanu vaikala laixe noxou Mosinge.

Ta'aposeli 20:25

Laso tavivilo ngalomu. Tatei eni exolu no taingengi so epela'ingexu voxo ane Mosinge molu u'uli laxune'i tamitemaou. Ia vaimomo 'o eni alavu lexe ngingi mukalusi ngamaisou ielila uasi.

Ta'aposeli 18:4

Polu muxoxolu ne mo no anu Voxo so Ma'ila utotomu anu mu'unalai no tasou lavuloto noxi'a Taiuta. Mu'unalai so upalasinoxu Mosinge vaikalaou laxulaxu noxi'a Taiuta oli'a Takiliki.

Tioni 6:59

Vai­vaikala ano'o Iesua mulemolu loxo muxolu muvotovoto no tasou lavuloto ne Kapeniamu.

Luku 10:9

Xe ngapaipoune'i tapipiena ta'ei no taoni ne. Mo ngalanu vaikala noxi'a lexe, 'Voxo so Mosinge molu u'uli laxune'i tamitemaou a mune'e alai noxinge mukalu 'oe.'

Luku 6:17

Xe mukalu la oli'a Iesua milivu milu'e no la'olu mo anu mutulu no anu apu latia vile. La oli'a tatisaipeliou tavu'alo mukalusi xe tamitema se'ila e lapilai uasisi a mixolu mipita ne. Ane'i tatemanu xale lia ne Iutea xe so taoni Ielusalemo xe so luaki pa'umolu no taoni Taili mo Saitoni.

Matiu 14:14

Laso loxo Iesua so usua la mumaisi'a tamitema latala a mixolu mukalu. La anu tanuxa'a mo mupaipoune'i tapipiena noxi'a.

Matiu 13:19

Aloxo 'o. Tamitema mose'i ilomusou vaikala laixe so Mosinge u'uli laxune'i tamite­maou no tuala­sou. Ilomusou ia upalasi noxi'a uasi laso Uluaou upalea utokinu vaikala ne uxexe. Anu loxo uiti ngiaxu ane mulapau no vote'i so xai.

Matiu 3:2

La anu muvivikala lexe, “Ngaxiunu opon­gengi so susu noxinge mo nga'isa­lilinoxu no anu Mosinge oponu. Xo voxo so Mosinge molu u'uli laxune'i tamitemaou no tualasou a alaimanasi.”

Tioni 7:1

Ioxe, voxovoxo mulai xo xe ili'i la Iesua muxixao no xale lia ne Xalili. Anu umasaxau uxixao no xale lia ne Iutea uasi xo Taiuta ne mikakamulinu vote'i so ivau usoli.

Luku 20:1

Mune'e xe voxo vile la Iesua muvotone'i tamitema so vaikala laixe nonano no vimelusou tasou Mosinge. La tatiatila noxi'a tapilisiti xe tamitema so lavulavu no anu lavuloto xe tatiatila noxi'a Taiuta mine'ene'e noxou.

Luku 4:14

Ioxe, Iesua mulivu mulai ne Xalili la no anu xavi noxou Ulenu Laixe. Mulivu xe muxali la a'alosou muiaveiave no anu xale tuatuala no apu ne.

Luku 6:6

Xe mune'e no Voxo so Ma'ila vile la Iesua mu'unalai no tasou lavuloto mo a muvotovoto. La itema vile avolu tema musoli a muxolu ne.

Luku 7:21

No voxo loxo mine'e mitali'i noxou la anu a upaipoune'i tamitema tavu'alo ane mitavulenu siki mo navunavu iouiou no vasime'a. Mo a mukusai'a ta'angelo tamasua noxi'a tamitema se'i xe ane'i tavu'alo loxo ie'i mutomu la mupaipounu so mimaleila.

Luku 9:60

“Ia Iesua muvikanu lexe, “Tamitema ane misoli mukalu la me'a i'asixa'a tamenexi'a isoisoli. Ia loxo nini la naxixao no tuatuala so navikala lamana no anu voxo ane Mosinge molu u'uli laxune'i tamitemaou.”

Luku 16:16

Vaikala so lo xe vaikalai'a tapolopeti tamitema milanu mune'e muxali noxou Tioni. Xe musoko'u noxou la votovoto no anu vaikala laixe so voxo loxo Mosinge molu u'uli laxune'i tamitemaou, a uxolu upalasi. La tamitema mukalusi xavine'iou so lexe i'unalai no anu.

Ta'aposeli 28:31

Oli'a ivivikala la anu u'ume uasi so ulanu vaikala so voxo ane Mosinge molu u'uli laxune'i tamitemaou. Mo anu muvotovoto so Tatananenge Iesua Kalaisiti la evile u'apixu uasi.