Matiu 4:19 - Ata New Testament

¹⁹ La Iesua muvikalane'i ilou lexe, “Ngingi ngolou ngane'e ngamu­lileli. Xo vaimomo 'o ngingi ngataxusi'a tasinana, ia eni alo­soiengi so ngataxusi'a tamitema.”

Matiu 4:19 Referans Kwoze

Tioni 12:26

Loxo itema ena'ei so u'oxonu xaixai noxilo la anu masi umulilelisi, mo so loxo eni axolu ne'ei la itema so xaixai noxilo ne uxolu kalumo. Mo loxo itema so u'oxonu xaixai noxilo la Maminge u'itinu itema ne ualasouxu.”

Matiu 16:24

Mukalu la Iesua muvikalane'i tatisaipeliou lexe, “Loxo itema umasaxa so umulileli la upilixinu masamasaxa noxou. Upilixinu ukalu la ulalaxinu oponu so lexe loxo umulileli xe uxalisou tu'u­maxu o mailasou, la u'ume uasi. Anu loxo u'itinu ovu valautu so usoli no anu mo utavulenu so umulilelisi.

Luku 9:59

Xe Iesua muvikala noxou itema vile lexe, “Nane'e namulileli.” Ia anu muvi­kalanu lexe, “Tatilao, na'italoleli so alai a'asixu mamilo teio, ukalu laso amulineni.”

Tioni 21:22

La Iesua mulivuxu lexe, “Loxo no anu masaxa noxilo itema ne uxolu avile uxali no anu lailivu noxilo la anu mi na'a nini uasi. Loxo nini, la namulilelisi.”

Tioni 1:43

Ioxe, no voxo loxo ne'ielala la Iesua mulalaxinu oponu lexe ulai no xale lia Xalili. La muxalisou itema vile ualasou lexe Pilipi ka muvikalanu lexe, “Nane'e namu­lileli.”

Luku 5:27

Mune'e xe ili'i la Iesua mumua­mua'i xo la musaxisou itema so utaxusou taxisi vile a muxolu no tasou taxisi. Itema ne ualasou lexe Livai. La Iesua muvikalanu lexe, “Nane'e namulileli.”

Maki 2:14

Muvotone'i xe mumua­mua'i xo la muxalisou Livai e Alipiusi olu. Livai ne anu itema so utaxusou taxisi la no voxo anene anu a muxoxolu no tasou taxisi. Iesua muxalisou la muvikalanu lexe, “Nane'e namulileli.” Sila Livai mumulinusi.

Matiu 19:21

La Iesua mukolinu lexe, “Loxo namasaxau lexe ilixomeni uxali laixe loloni la na'oxo aloxo 'o. Nalai nasalimunu mimimeni mukalusi xe lamolisou, la naitii'a tamitema ane lamolixa'a uasi. Laso axone la naxalisou mimi lailaixe no tualasou Mosinge. Naitii'a ukalu la nane'e namulileli.”

Matiu 9:9

Ioxe, ili'i la Iesua mumuamua'i mulai xe mumaisou itema vile ualasou lexe Matiu a uxoxolu no tasou taxisi. La muvikalanu lexe, “Nane'e namulileli.” Sila Matiu mu'avuti mumulinusi.

Matiu 8:22

Ia Iesua mukolinu lexe, “Tami­tema ane misoli mukalu la me'a i'asixa'a tamenexi'a isoisoli, ia loxo nini la namulilelisi.”

2 Kolini 12:16

Ia masi se'i no taingengi ivika­lasilo lexe, “Ani, anu ulingau mimimenge no tani keakea uasi. Ia anu ukalavoi so uxilisinenge mo uto'omolu kusinengesi ane.”

Matiu 4:18

La voxo vile Iesua mumua­mua'i no pa'umolu kupa toxoxu ne Xalili. Mumuamua'i la muxalisi'a Saimoni e ilemolu lexe Pita ilou vimou Anitilu a i'oxo so isu'anu uveni no kupa ne xo anene xaixai noxi'a so ikaine'i tasinana.

Matiu 4:20

Sila alaxu vilesisi ilou mi'italonu uvenixa'a la mimulinu.