Matiu 4:18 - Ata New Testament

¹⁸ La voxo vile Iesua mumua­mua'i no pa'umolu kupa toxoxu ne Xalili. Mumuamua'i la muxalisi'a Saimoni e ilemolu lexe Pita ilou vimou Anitilu a i'oxo so isu'anu uveni no kupa ne xo anene xaixai noxi'a so ikaine'i tasinana.

Matiu 4:18 Referans Kwoze

Matiu 10:2

La ualaualasi'a ta'aposeli 12 ne aloxo 'o. Saimoni ane ualasou vile lexe Pita xe vimou e Anitilu xe Tiemisi ilou vimou Tioni e Sepeti ta'olu.

Luku 6:14

La tamitema 12 ane musoso­vosi'a ne ualaualasi'a aloxo 'o. Saimoni ane Iesua mulemolu lexe Pita. Xe Pita vimou Anitilu. Xe Tiemisi mo Tioni mo Pilipi mo Patolomiu.

Matiu 16:18

Mo kalumo eni avikalaneni lexe nini Pita ane, la no anu lavo'o anenesi eni atulusou pita noxilo. Atulusou la xavi no anu Tanixu soli uua'ulixu pita ne uasisi.

Matiu 15:29

Ioxe, Iesua mulutu no tuala ne la mumuamua'i mulai no pa'umolu kupa Xalili. Ka mutelai no la'olu vile mo muxolu mutalupexa ne.

Tioni 6:1

Xe mune'e ili'i la Iesua mulai xalevile no kupa Xalili ane ualasou vilela lexe kupa Taiveliasi.

Tioni 21:1

Ioxe, ili'ila la Iesua mupala'a­nixula noxi'a tatisaipeli no kupa Xalili, e ilemolu kalumo lexe kupa Taiveliasi. La mupala'anixu noxi'a no anu vote'i aloxo 'o.

Tioni 6:8

Ioxe, tisaipeliou vile ualasou lexe Anitilu e Saimoni Pita vimou, mune'enu molomolo vile noxou Iesua la muvikala lexe,

Maki 7:31

Xe mukalu la Iesua mulutu mu'umesou xale lia ne Taili la mulai no xale lia ne Saitoni. Xe mupolo no apu ne Tekapolisi la mulai muxali avile no kupa Xalili.

Matiu 4:19

La Iesua muvikalane'i ilou lexe, “Ngingi ngolou ngane'e ngamu­lileli. Xo vaimomo 'o ngingi ngataxusi'a tasinana, ia eni alo­soiengi so ngataxusi'a tamitema.”