Matiu 4:10 - Ata New Testament

¹⁰ La Iesua mukolinu lexe, “Uluaou, Nalai! Xo Mosinge vaikalaou lexe, 'Naitinu Mosinge anu Tatananeni ualasousi, mo nalomuxu anusisi.'”

Matiu 4:10 Referans Kwoze

Luku 4:8

Ia Iesua mukolinu aloxo 'o, “Vaikalaou Mosinge uvikala aloxo 'o, 'Nama­xa'u mama'u so naitinu Mosinge anu Tatananenge, mo nalomuxu anusisi.'”

Tiemisi 4:7

Laso ngalu'engengi mo ngaxolu no laxu Mosingesi. La nga'apixu Uluaou mo so anu u'umesinge.

1 Pita 5:9

Ia ngaxolu pumu­ngenge no anu lopala noxinge ka nga'apixusi. Mo ngalavu no opongengi lexe tavivinge talopala no xale lia mukalusi a itavulenu tu'umaxu iou vilesisi aloxo ngingi nesi.

Matiu 16:23

La Iesua muxiu mo mulavixu Pita lexe, “Nini Uluaou a navikala ne. Na'apixo uasi, nalai no tumalilo. Oponeni ulovou Mosinge oponu uasi, nini a namulinu masamasaxa noxi'a tamitemasi ane.”

Maki 1:13

Xale lia esi'esi ne so tanixa'a tamisoposi tavovasi. Muxolu ne voxo 40 mo Uluaou mutovotovonu. Mutovoto­vonu xo xe mukalu laso ta'angelo talaixe mine'e misu'ulinu Iesua.

Luku 10:18

La Iesua muvi­kalane'i lexe, “Eni emaisou Uluaou mulapau no tualasou Mosinge mupisikei mulu'e loxo lele'e mupau.

Luku 11:18

Xe loxo Uluaou oli'a laili noxou ikalipala mo ixililiie'i ngato'o, laso anu pakia'u so u'uli laxunu laili noxou? Uasi to! Ia ngingi nga'oxo lexe eni akusai'a ta'angelo tamasua no anu xaviou Velisevuli.

Luku 13:16

Ngingi ngasu'uline'i tami vitanisi mo ane. Ia sema ano'o, ne Apala'amu ilusunu. Mo Uluaou mukasie mumomomo no anu tau ie 18 'oe. Laso axova, anu laixe so alulusie no anu mi e musakine no Voxo so Ma'ila 'o uasi?”

Luku 22:3

La Uluaou mu'unalai noxou Iutasi e ilemolu lexe Isikalioti. Anu vile noxi'a tatisaipeli 12.

Luku 22:31

Xe ili'i la Iesua muvikala lexe, “Saimonio, Saimoni, nalomu. Uluaou mulinga lexe utovonu lopala noxine. Utovoneni la loxo itema umu'umunu uiti so sosou uxexe xe temanusi a uxolu.

Tioni 13:27

Ioxe, Iutasi muno'u pileti mato­vinu ne mukalui, sila Uluaou mu'unanu tanu noxou so upamu­xanu. Laso Iesua muvikalanu Iutasi lexe, “Mi ane so na'oxonu, la napaleanusi.”

Ta'aposeli 5:3

Mulosi'a la Pita muvikala aloxo 'o, “Ananaiasi, loxova so ne'italo­neni mo Uluaou mupamuxaneni? Mo nini ne'oxo lexe nakalavoinu Ulenu Laixe mo netalumeu lamoli pa'usou so lia.

Ta'aposeli 26:18

Apalusine nalai noxi'a so nalemolu vaikalaxeli manina mo so ie'i uka mo ixiunu tumali'a no anu isivoxo xe ine'e no anu lamana. Laso axone la xavi noxou Uluaou ne ukamakulune'i uasi, ane'i ivula mo ixolu no anu xavi noxou Mosinge. Mo tina'u so susu noxi'a uiasi la ane'i ixali tamitemaxeli u'isalili. Ane'i oli'a tamitema mukalusi ane ilopala noxilo.'”

1 Kolini 5:5

Opoleli aloxo 'o. Ngapilixinu itema ne no avolu Uluaou so loxo no anu xoluxolu so vasimolu la uxalisou mamulo. Vasimolu uxalisou mamulo axone ia itema ne ulenusi uxalisou pamauli no voxosou Tatananenge Iesua.

1 Kolini 7:5

Laso ngingi sema xe mulu ta'ei ngataula'i mukalu la mamu so nga'apisou vasimenge noxinge ngolou. Ia loxo oponengi vilesisi lexe ngaxolu sevile mo so ngavivikala noxou Mosingesi la anu laixe. Ngaxolu xo xe voxo se'i ukalui laso ane, ngapitala. Ngaxolu maxuveni avile uasi xo loxo 'o io Uluaou utovo­ngengi no anu susu.

2 Kolini 2:11

E'oxo axone mo so vote'i noxou Uluaou so uua'ulinenge uasisi. Xo nenge ienge selevenuou lolo noxou uasi, anu upalasi noxinge ane.

2 Kolini 11:14

Ia anu mi so takuluke no anu uasi xo Uluaou kalumo uxiunu so usaxi loxo angelo so lamana.

2 Kolini 12:7

Ioxe, mimi ane Mosinge muma­xa'uieli ne lailaixe manina misevile xe mane la a'itileli no anui. Laso Mosinge mu'italonu tu'umaxu vile so uxalisilo la loxo mi anaxu uxolu no vasimelo mo uto'otomolu. Mi ne molu noxou Uluaou ka mu'otu'otuleli mole vote'i so a'itileli uasi.