Matiu 3:6 - Ata New Testament

⁶ Mine'ene'e noxou xe ane'i ta'ei milamana no anu susu noxi'a la milemolu. Laso Tioni mu'oxo ilixo anene so mukelenixa'a no lexa Tiotani ne.

Matiu 3:6 Referans Kwoze

Ta'aposeli 19:18

La tavu'alo noxi'a ane milopala la mipala'anixu ili'ilixo masua noxi'a no ie'i tamitema.

1 Tioni 1:9

Ia loxo tapala'anixu susu noxinge noxou Mosinge la anu u'oxonu ilixo mulapu aloxo talo­palanuxu. Anu oponu ulu'e no anu mi ne so utulu la uasi, kaio u'uinenge no anu nusou susu ne mukalusi.

Ipilu 9:10

Xo ili'ilixo e mi'oxonu ne anu mi so i'ou xe iiexu mo mi loxo ulo'ulo. Ia lavuloto axone anu so vasimengesi, anu so upamuxane'i xo mo Mosinge uxiunu mimi uxali alavua laixe.

Matiu 3:11

Eni alavusou a'oxonu ilixo so akelenixa'a tamitema no anu lexa so sosovo lexe ilamana no anu susu noxi'a. Ia itema ane une'e ili'i noxilo ne anu xavinu mutiatila noxilo. Anu itema mutiatila ia eni amitema vitanisi mo alaixe so atavulenu lasuou uasi. Anu itema xavinu mutiatila noxilo mo loxo u'oxonu ilixo so ukelenixa'a tamitema la anu u'oxonu no anu Ulenu Laixe xe navu.

Ipilu 6:2

Mo kalumo mi loxo lavuloto so ili'ilixo no anu ulo'ulo mo ane so tamulaxu avonge xe vaivaikalasou voxo so tatulu tamauli no anu soli mo voxo so tamitema ixalisou nene'axu ilixo noxi'a kaluxu uasi ne, mimi axone ta'oso'oso no anu uasi.

Kolosi 2:12

Xo ngingi ngekelele ngepita noxou Kalaisiti laso no voxo so mi'asixu la anu loxo ngingi kalumo ngeai ne. Xe ngelopala no anu xaixai noxou Mosinge so mutulusou Kalaisiti no anu soli laso anu loxo ngingi kalumo ngetulu ngemauli.

1 Kolini 10:2

La no anu vote'i anenesi la anu loxo latilovo so ilixo so kelele. Xo Mosisi mu'uli laxune'i so mikelele no sauma ilou luaki laso no anu vote'i anene la mupitane'i tamitema mukalusi xe anu oli'a vilesisi.

Ta'aposeli 22:16

Laso nini naxo­maiou mi ma'ia? Natulu mo so a'oxonu ilixo so kelele noxine. Xe nini, la navikala noxou Tata­nanenge so anu uiasou susu noxine.'”

Ta'aposeli 11:16

Laso eni exavutalanu vaikalaou Tatananenge mulemolu lexe, 'Tioni mukelenixa'a tamitema no lexa, ia Mosinge molu ukeleningenge noxou Ulenu Laixe so anu uxolu noxinge.'

Ta'aposeli 1:5

Xo tei, la Tioni mukelenixa'a tamitema no lexa, ia voxo tavu'alo uasi la Mosinge molu ukeleningenge noxou Ulenu Laixe so anu uxolu noxinge.

Luku 3:16

Laso Tioni mukolinu tali'i noxi'a ne aloxo 'o, “Loxo eni la akeleningenge no anu lexasi. Ia Itema ane une'e ili'i noxilo ne anu xavinu mutiatila noxilo. Anu itema tila ia eni amitema vitanisi. Xaixai vile so loxo alulusou lamotasou lasuou ne eni alaixe umomomo so a'oxonu to uasi. Laso noxou la ukeleningenge noxou Ulenu Laixe xe no anu navu.

Maki 1:5

La tamitema Taiutea oli'a tatemanu tuala Ielusalemo milailai noxou Tioni. Milailai xe tamitema ta'ei mipa­la'anixu susu noxi'a la anu mukelenixa'a no lexa Tiotani.

1 Pita 3:21

La anu axone kalumo ilixo so kelele anu latilovosou pamauli e muxa­lisinge. Anu mi so uxexenu mi masua no anu vasimenge uasi. Anu vavalima noxou Mosinge lexe nenge taxolu tanenge malemalenga no iou, la tava'u xo anu mutulusou Iesua Kalaisiti no anu soli.

Tiemisi 5:16

Laso ane, ngingi vilevilesi ngalu'engengi no iengi ngato'o so ngapala'anixu susu noxinge. Mo ngapilixingengi ngato'o noxou Mosinge so upaipoungengi xo anu ulomuxu vaikalai'a tamitema talapu mo linga noxi'a uxalixu nene'axu tavu'alo.

Luku 1:16

La anu itema ne ulivunixi'a tamitema Ta'isilaeli tavu'alo ilai noxou Tatananenge anu Mosi'a.