Matiu 3:15 - Ata New Testament

¹⁵ Ia Iesua mukolinu lexe, “Uasi, ta'oxonu loxo elemolu. Ta'oxonu axone so tamulinu mimi mukalusi no anu masaxa noxou Mosinge.” Laso Tioni mumulinu vaikalaou.

Matiu 3:15 Referans Kwoze

Tioni 4:34

Xe Iesua muvika­lane'i lexe, “Eni la'ilalixo ane so amulinu masaxa noxou anu ane mupalusilo ene'e 'o, xe so amo­momoxu xaixai noxou e mupilixinu noxilo.

Tioni 15:10

Eni 'o la emulinu voto noxou Mamilo mukalusi mo a atalupexa avile no anu sexelasilo noxou. La anu axonesi noxinge, ngingi ngamulinu voto noxilo mo so ngatalupexa avile no anu sexelasinge noxilo 'o.

Tioni 13:15

Xo mi e e'oxonu noxinge 'o la anu so pikisa mo so ngingi kalumo ngamulinu ilixo axonesi.

1 Tioni 2:6

Loxo evile u'oxo lexe “Eni epita axolu nonano noxou Mosinge a,” la anu masi muamua'i noxou aloxo muamua'ixu Kalaisitisi.

Luku 1:6

La ane'i ilou xoluxoluxa'a malemalenga no iou Mosinge xo ilixo noxi'a mulapusi so mimulinu lavuloto u'isalili no anu masaxa noxou Tatananenge.

Tioni 8:29

Xe anu ane mupalusilo ene'e 'o ne a uxoxolu noxilo. Anu uxexesilo so enisisi axolu uasi xo utotomu eni a'oxonu mi ane u'osasousi.”

Ipilu 7:26

Laso ane, Iesua anu laixe umomomo so anu uxolu no anu tanixu pilisiti tatila na'a nenge. Xo anu malemalenga mo ulapu no iou Mosinge. Mi vile nuni'u noxou uasi, uxolu ukalipala avile noxi'a tamitema so susu mo a uxolu teitexi no tualasou Mosinge.

Matiu 3:14

Ia Tioni mutovonu so lexe u'apixu mo muvikala lexe, “Loxova so nene'e noxilo? Laixe loxo nini mene na'oxo ilixo so nakelenixilo ane.”