Matiu 3:11 - Ata New Testament

¹¹ Eni alavusou a'oxonu ilixo so akelenixa'a tamitema no anu lexa so sosovo lexe ilamana no anu susu noxi'a. Ia itema ane une'e ili'i noxilo ne anu xavinu mutiatila noxilo. Anu itema mutiatila ia eni amitema vitanisi mo alaixe so atavulenu lasuou uasi. Anu itema xavinu mutiatila noxilo mo loxo u'oxonu ilixo so ukelenixa'a tamitema la anu u'oxonu no anu Ulenu Laixe xe navu.

Matiu 3:11 Referans Kwoze

Luku 3:16

Laso Tioni mukolinu tali'i noxi'a ne aloxo 'o, “Loxo eni la akeleningenge no anu lexasi. Ia Itema ane une'e ili'i noxilo ne anu xavinu mutiatila noxilo. Anu itema tila ia eni amitema vitanisi. Xaixai vile so loxo alulusou lamotasou lasuou ne eni alaixe umomomo so a'oxonu to uasi. Laso noxou la ukeleningenge noxou Ulenu Laixe xe no anu navu.

Ta'aposeli 1:5

Xo tei, la Tioni mukelenixa'a tamitema no lexa, ia voxo tavu'alo uasi la Mosinge molu ukeleningenge noxou Ulenu Laixe so anu uxolu noxinge.

Taitusi 3:5

Sila maixene anu mupamaulinenge. Mupamauli­nenge ia tava'u noxinge uasi xo nenge ta'oxonu mi vile ulapu uasi. Mi ne, mi so alauna noxou xo ukolinu susu noxinge uasi. Anu mu'ulosinge mo muxalinenge ta'olu ta'alavua noxou Ulenu Laixe.

1 Kolini 12:13

Xo Ulenu Laixe e vilesisi ne, muke­leninenge mupitanenge vilesisi so texali vasimolu Kalaisiti. Loxo nenge Taiuta xe Takiliki xe tami­tema so xaixai vitanisi xe nenge ane taxolu lalavulusi, nenge muka­lusi ne tepita no anu vasimolu. Mo nenge mukalusi loxo teie no anu Ulenu vilesisi ne xo anu a uxolu noxinge mukalusi.

Matiu 3:6

Mine'ene'e noxou xe ane'i ta'ei milamana no anu susu noxi'a la milemolu. Laso Tioni mu'oxo ilixo anene so mukelenixa'a no lexa Tiotani ne.

Ta'aposeli 19:4

La Polu muvikala lexe, “Tatei la Tioni mu'oxonu ilixo so lexa noxi'a tamitema ane mixiunu opone'i so susu noxi'a mo mi'isalilinoxu noxou Mosinge. Mo muvikalane'i lexe ane'i ilopala noxou itema ane uili'i noxou. Itema e Tioni mulemolu ne, anu Iesuasi.”

Luku 1:17

Anu uno'u xavi mo umulinu ilixo loxo polopeti Elaitia xo anu uxiunu opone'i tamitema uxali vilesisi noxi'a ta'ili'a. Xe tamitema ane ilomuanu Mosinge vaikalaou la vaikalaou itema 'o uxiunu opone'i mo so ilavu a loxo tamalemalenga. La anu u'oxo axone mo so loxo Tatananenge une'e la ane'i ixolu ilalaxi laixe lumamo.”

Tioni 1:30

Anu itema e elemolu mukalu lexe, 'Itema e une'e ili'i noxilo anu u'uli'uli noxilo xo loxo eni axali uao la anu a uxoxolu.'

Maki 1:4

Laso maixene Tioni itema so u'oxonu ilixo so kelele muxali no xale lia esi'esi. Muxali la mulanu vaikala noxi'a tamitema lexe ixiunu opone'i mo i'isalilinoxu no anu Mosinge vaikalaou. Mo i'oxonu ilixo so kelele so imaxa'u lexe Mosinge muiasou susu noxi'a.

Epesusi 3:8

Ai, eni amitema vitanisi no taine'i tamitemaou Mosinge u'isa­lili a. Ia anu muiaiama noxilo so musosovosilo so avotone'i tami­tema noale'ale. Avotone'i no anu vaiakala laixe e mu'asi'asi so Kalaisiti.

1 Pita 5:5

La ngingi tamaulu kalumo, ngalu'engengi noxi'a tamitema so isaxila'inge ne. Mo ngingi muka­lusi ngalu'engengi so nga'oxonu xaixai noxinge ngato'o. Aloxo Mosinge vaikalaou ulemolu lexe, “Noxi'a tamitema ane me'a i'itine'i la Mosinge uxililiie'i ia noxi'a ane'i ane ilu'ene'i la uiaiama noxi'asi.”

Tioni 1:15

Tioni mulanu vaikala so mupa­la'anixu la mu'a­va'ava lexe, “Anu ano'o itema e evikalasou lexe, 'Anu ane une'e ili'i noxilo la u'uli'uli noxilo xo loxo eni axali uao la anu a uxoxolu.'”

Luku 3:3

Laso Tioni mulai no xale tuatuala muxolu no pa'upa'umolu lexa Tiotani. La mulanu vaikala noxi'a tamitema lexe ixiunu opone'i mo i'isalilinoxu no anu Mosinge vaikalaou. Mo i'oxonu ilixo so kelele so imaxa'u lexe Mosinge muiasou susu noxi'a.

Ta'aposeli 8:36

La ane'i a ilalai no vote'i xe mixali no lexa la itema tila ne muvikalanu Pilipi lexe, “Namalei, lexa ano'o. Mi vile u'apinenge so na'oxonu ilixo so kelele noxilo uasi, ne?”

Ta'aposeli 8:38

Laso itema tila ne muvikalanu voiou ne lexe upamu­xanu osi so kali utulusi. La Pilipi ilou itema tila ne milu'elai no lexa. Milu'elai no lexa mukalu laso Pilipi mu'oxonu ilixo so kelele noxou.