Matiu 3:10 - Ata New Testament

¹⁰ Laixe so ngingi ngamama'u, xo Tatananenge anu loxo itema a utatavulenu lapemu. Anu a mula­laxi so uxetasou ovuovu aneva ulavusou uxalixu temanu laixe uasi. Uxeta­sou ukalu laso upeinu no navu.

Matiu 3:10 Referans Kwoze

Tioni 15:6

Xe loxo evile uxolu utoxo avile noxilo uasi la uxexe usu'asi aloxo tamitema ixexenu isu'anu ovu avo'avolu ane unene'a uasi. Isu'anu xo xe uxaloe la ipitanu kaio ipeinu u'una no navusi mole u'ela avile.

Luku 3:9

Mo anu laixe kalumo so ngingi ngamama'u xo Tatananenge anu loxo itema a utatavulenu lapemu. Anu a mulalaxi so uxetasou ovuovu aneva ulavusou uxalixu temanu laixe uasi. Uxetasou ukalu laso upeinu no navu.”

Matiu 7:19

Laso ovu mukalusi aneva uxalixu nene'axu laixe uasi la uxeta usu'a no navusi.

Tioni 15:2

Laso loxo avo'avolu noxilo ane unene'a uasi la anu uxotosou uxexe mukalusi. Io anu ane uxaxalixu nene'axu la Mamilo avo'avolusou xo upe'esou malusou mo so uxolu malemalengasi xo axone la nene'axu ulolutusi.

Ipilu 6:8

Ia loxo lialia uxalixu lamota ana'anaxu xe mi ane uleme vitavitanisi la anu nene'axu uasi, lia masuasi. Anu axone la Mosinge uvikalasou lexe masuasi mo ulai ili'i la isexeteluxusi.

Matiu 21:19

Musolixu la mumaisou ovu viki vile muxolu no vote'i pa'umolu. Laso anu mulai alai no anu ia uxalisou temanu vile no anu uasi, mumaisou lexe anu volovoloxusi. La anu muvikalanu ovu ne lexe, “Nini nene'axene la uasi manina.” Sila alaxu vilesisi ovu viki ne muxalosi.

Luku 23:31

Xo loxo ane'i i'oxonu aloxo 'o no anu ovu mi ne umaulisio la masi i'oxo axova no anu ovu loxo uxalo mukalu?”

Ipilu 12:25

Laso ngalaxa'i laixe mo mamu so ngaxiunu tumalingeou vaikalaou Mosinge ane a upilixinu noxinge. Xo ane'i tatei loxo milomusou xolinu no lialia xe milomuanu, la vote'i so i'umesou lakolisou uasi. Ioxe, loxo vaimomo 'o vaikalaou molu no tualasou ulu'e la vote'i uasi e uasi manina so ta'umesou lako­lisou loxo talomuanu.