Matiu 28:6 - Ata New Testament

⁶ Anu uai 'o uasi, anu mutulu mumauli a loxo molu mulemolu mala'o. Xo ngane'e mo ngamalei, tanixu muai no anu a.

Matiu 28:6 Referans Kwoze

Maki 16:6

Mikuluke ia anu muvikalane'i lexe, “Ngakuluke uasi. Eni alavu lexe ngingi ngene'e so ngakamulinu Iesua so Nasaleti e mililinu no ovu valautu. Anu uxolu 'o uasi. Anu mumaulila. Ngamaisou, ano'o tanixu mimulaxu.

Matiu 12:40

Xo Iona ne anu muxolu no anu sinana tanu aso tatalu xe olovoxo tatalu. La anu axone kalumo noxou Itema ane molu noxou Mosinge, xo anu uxolu no anu lialia tanu aso tatalu xe olovoxo tatalu.

Matiu 16:21

Ioxe, no voxo ne Iesua usoko'u so upela'a tatisaipeliou lexe anu a so ulai ne Ielusalemo so utavulenu tu'umaxu iouiou no avo'a tatiatila noxi'a Taiuta oli'a tapilisiti xe noxi'a tamitema so lavulavu no anu lavuloto. Ukalu la ane'i ivau usoli ia no anu voxo tatalusou la anu utulu umaulila.

Luku 24:23

Milai ia imaisou Iesua vasimolu uai uasi. Xe milivu mine'e la mivikalanexi lexe ane'i mimaisou mi vile loxo no anu ai saxi. Xo ta'angelo mipa noxi'a mo mivikala lexe anu a mumaulila ne.

Luku 24:44

Mukalu la anu muvikalane'i lexe, “Mala'o loxo nenge'a texolusio la epela'inge lexe vaikalasilo e mukaukavu muai no anu lavuku so lo noxou Mosisi xe tapolopeti xe no anu Lexelexe la uxalixu nene'axu ane.”

Matiu 27:63

Milutu xe mixali la mivikala lexe, “Tatila, nexi texavutalanu vaikalaou itema so kalavoi olele e mulemolu loxo muxoxolusio. Mu'oxo lexe, 'Voxo tatalu upolo ukalu la eni atulu amaulila.'

Tioni 2:19

La Iesua mukoline'i lexe, “Aloxo 'o. Ngingi ngamamulonu tasou Mosinge ano'o laso no anu voxo tatalusousi la eni atulusoula.”

Maki 8:31

Xe mukalu la Iesua musoko'u so mupela'a tatisaipeliou lexe ili'i la usoli. Muvikalane'i lexe, “Itema ane molu noxou Mosinge utavu­lenu tu'utu'umaxu tavu'alo ili'io. Mo tatiatila noxi'a Taiuta xe noxi'a Tapilisiti xe tamitema so lavulavu no anu lavuloto ixililiiou. Ixililiiou la ipilixinu noxi'a tamitema so ivau usoli. Usoli mo uai voxo tatalu ka umaulila.”

Tioni 10:17

Mamilo usexelaxo misevile xo eni melo a'italonu maulixo kaio ano'u atulu no anula.

Luku 24:12

Ia Pita mu'avuti muiave mulai no lulu. Mulai xe muxali la mukelele muia'ili so usaxi ulai nonano la mumaisou lavalava keasi a muta'olu. Mukalu la mulivu no tani mo tanulili manina no anu mi e muxali ne.

Matiu 20:19

La ane'i i'italonu noxi'a tamitema noale'ale so ane'i imolo sukusou xe ipuapuasou. Ukalu la ililixu no anu ovu valautu so usoli. Usoli ia no anu voxo tatalusou la utulu umaulila.”

Matiu 17:23

Laso ane'i ivau usoli ia no anu voxo tatalusou la anu utulu umaulila.” Xe ane'i tatisaipeli milomu axone la opone'i tu'umaxu misevile.

Matiu 17:9

Ioxe, oli'a milutu no la'olu mo a ilulu'e la anu muvikalane'i pakia'u aloxo 'o, “Mimi ngesaxisou 'o ngapala'anixu noxou evile uasi, ulai xo mo Itema ane molu noxou Mosinge utulu no anu soli, laso ane.”

Ta'aposeli 2:24

Ia Mosinge mutulu­sou mu'umenu no anu soli mo no anu navunavu so soli. Xo soli umomomo so utetelisou itema anene uasi.