Matiu 26:41 - Ata New Testament

⁴¹ Ngingi ngaxomaieli mo ngavikala noxou Mosinge mo so ngalapau no anu tovotovo uasi. Opongengi umasaxau lexe ngaxolu pakia'inge ia vasimenge umomomo to uasi.”

Matiu 26:41 Referans Kwoze

Luku 22:46

Xe muvikalane'i lexe, “Axova so ngai aloxo 'o? Ngatulu mo ngapilixingengi noxou Mosinge xo loxo 'o io ngalapau no anu tovotovo.”

Maki 14:38

Ngingi ngaxomaieli mo ngavikala noxou Mosinge mo so ngalapau no anu tovotovo uasi. Opongengi umasa­xau lexe ngaxolu pakia'inge ia vasimenge umomomo to uasi.”

Epesusi 6:18

Xe mimi mukalusi e elemolu 'o ne ngapitanu no anu vaikalamengi ane ngalemolu noxou Mosinge. Ulenu usu'ulingengi so ngavikala mo ngalingau su'ulisinge noxou. Mo ngalaxa'i laixe, ngatalo uasi. Utotomu ngalingau su'uli noxou Mosinge si'a tamitemaou mu'isa­lili.

Matiu 6:13

Mo na'oxonu latolosixe mo so tovotovo ukasixe uasi. Na'ume­nexi no anu susu. Xo nini naxolu na'uli laxunu mimi muka­lusi xe xavineni misevile xe ualasine utiatila avile ulai ulai xo mo kaluxu uasisi. Vaikala ano'o manina.

Luku 21:36

Ia ngingi la iengi uka laixe voxovoxo utotomu. Mo ngalingau xavi noxou Mosinge so loxo vote'i la mimi anene uua'ulingengi uasi. Mo so axone la ili'i ngingi ngatulu no laxunu Itema ane molu noxou Mosinge.”

Mupala'a 16:15

La Tatananenge vaikalaou aloxo 'o, “Ai ngalomu. Ane'e la tamitema ikulukemelo aloxo ikulukemolu itema so pakali. Laso ngingi la ngaai uasi, ngasakinu lavalava so ngaxolu ngalalaxi. Mo so axone la ngaxalisou osa. Xo loxo uasi la ngingi loxo itema ane ukuluke xe ula mo uxalisou maila no ie'i tamitema xo pangapanga'usi.”

1 Kolini 16:13

Ngingi ngalaxa'i laixe. Ngatulu pumungenge no anu lopala noxinge. Xoluxolungenge loxo tamitema ane tane'i mukalu, nga'ume uasi.

1 Pita 5:8

Ngingi ngaxolu xavutalamengi lamanasi mo ngalo laixe. Xo Uluaou Mosinge anu uluamengi kalumo, la anu loxo misoposi vova e laioni. Talaioni ixixao i'unga'unga so ikakamuline'i tami ma'ia so ii'a, la Uluaou anu axonesi xo uxixao ukakamuline'i tamitema so uma­mulone'i.

1 Kolini 10:13

Tovotovo ma'ia uxalisine la ninisisi uasi, anu uxalisi'a tami­tema latala ane. Ia Mosinge uxiunu oponu noxinge nenge ta'olu uasi. Anu tanunexene mo anu umo­momo so upilixineni so tototovo vile uua'ulixene uasi. Loxo tovotovo aneva uxalisine la anu molu u'oxonu vote'isine so nama­xalexu. Anu molu ulosine xavi mo so tovotovoto ne upalusine no anu susu uasi.

2 Pita 2:9

Laso ane, anu upalasi lexe Tatananenge ulavusou vote'i so u'umene'i tamitemaou Mosinge no anu tovotovo loxo uxalisi'a. Xe anu ulavusou vote'i so ukolikolinu susu noxi'a tamitema so kilikalu xo mo uxali avile no anu voxo so Lakoti noxou.

Matiu 24:42

Laso ngingi ngalo laixe xo ngalavusou voxo so Tatanangengi uxali uasi ane.

Mupala'a 3:10

Ia loxo ngingi la vaikalaxeli muxolu no alaiengi laso tu'utu'u­maxu muxalisinge ia pakia'ingesi. Laso eni a'oxonu latolosinge no anu voxo so tovotovo ane so uxali. Eni apilixinu tu'umaxu no lialia muka­lusi so atovone'i tatemanu, ia ngingi la uxalisinge uasi.

1 Pita 4:7

Ioxe, kaluxusou mimi mukalusi a so uxali 'oe. Laso ngatilovo laixe mo ngapamuxanu ilixomengi laixe mo so axone la ngaxolu se'isisi so ngavivikala noxou Mosinge.

Luku 22:40

Mulutu xo xe muxali no apu ne la anu muvikalane'i lexe, “Ngingi ngaxolu ngavikala noxou Mosinge mo so ngalapau no anu tovotovo uasi.”

Xalesia 5:24

Xo ane'i tanoxou Kalaisiti, la mino'u vasime'a xe masamasaxa ilou mimi ane upalu­palusi'a no anu ka mililinu no ovu valautu mole musoli mukalu.

1 Kolini 9:27

Xe asolonu latilovo ne aloxo 'o. Loxo ane'i, la i'oto so iua'ulixu menexi'a. Ia eni 'o, la atovonu so aua'ulixu masamasaxa no anu vasimelo mo so u'uli laxuleli uasi. Xo loxo a'oxo axone uasi la masi alanu vaikala laixe noxi'a tamitema latala ia Tatana­nenge utilovosilo mo uxexeleli no anu xaixai noxou ne.

Matiu 25:13

La Iesua muvikala lexe, “Anu axone. Ngingi ngalo laixe xo ngalavusou voxo so Tatanangengi uxali uasi ane.”

Matiu 26:38

Anu muxamuli axone la muvikalane'i ane'i tatalu ne lexe, “Opoleli tu'umaxu e tu'umaxu. Ukasilo mo axamuli lexe umomomo no anu soli. Ngaxolu 'o mo ngaxomaieli laixe.”

Lomu 8:3

Xo lo noxou Mosinge umomomo so ukalusou xavi no anu susu uasi. Xo susu tava'u no vasimenge xavinu musuku. Ia Mosinge mupalusou Olu mune'e mo muxali vasimolu loxo nenge tamitema so susu 'o. Laso noxou Iesua la Mosinge muxalixu vote'i so ukalusou xavi no anu susu tava'u no anu tamitema vasime'a.

Luku 11:4

Mo oponeni ulu'e so susu noxixe a loxo nexi ta'oxonu noxi'a tamenexixe 'o. Mo na'oxonu latolosixe mo so tovotovo ukasixe uasi.'”

Luku 8:13

Xe tamitema se'i ne ane'i ilomusou vaikala ia anu ulapau no opone'i loxo uiti ngiaxu mulapau no lavolavo'o taitainu. Loxo ilomusou vaikala la i'osasou ia loxo uli'u ulu'elai so pumuxu uasi. Anu loxo ilopala se ia maxuveni uasi xe tovotovoto uxalisi'a sila isasalo mo ilapau ixexesi.