Matiu 26:29 - Ata New Testament

²⁹ Ia avikala manina noxinge lexe eni aiexu uaini aloxo 'ola uasi. Ulai umomomo no anu voxo so Mamilo molu u'uli laxune'i tamitemaou, laso ane, nenge nenge'a taiexu.”

Matiu 26:29 Referans Kwoze

Mupala'a 7:17

Xo Sipisipi Ilie uxolu nonixi manina no anu sia kingi. La anu usaxila'a a loxo itema usaxila'a tasipsipi. Mo upamuxane'i so ilai iie no anu lexa so mauli no luxu. Xe ie'i lexaxu la Mosinge uiasou mo so itamala uasi.

Ipilu 12:2

Tasaxi noxou Iesuasi xo anusi tava'u lopala na'a nenge mo anusi uxalixu nene'axu mi e talopalanu taxomaiou. Anu ne mutavulenu maila ia uxavutalanu uasi xe no ovu valautu la mu'italonu so musoli no anu xo oponu mu'oxoxu osa ane uxalisou ili'i 'o. Laso maixene anu a utalupexa no anu sia kingi noxou Mosinge no avolu tema.

Maki 14:25

Eni avikala manina noxinge lexe eni aiexu uaini aloxo 'ola uasi. Ulai umomomo no anu voxo so Mosinge molu u'uli laxune'i tamitemaou, laso ane, aiexula.”

Ta'aposeli 10:41

Mosinge mutulusou ia anu umaxa'u noxi'a tamitema latala uasi. Anu mumaxa'u noxixe nexi ane Mosinge molu musosovosixe so taa'aloxu. Xo ili'i no anu soli noxou la nexi noxi'a tepita xe te'ani mo teie, laso maixene nexi taa'aloxu.

Tioni 17:13

Eni a ane'e noxine la alemolu vaikala ano'o loxo axolu no lialiasio xo amasaxau lexe ixamulinu osa noxilo uxolu ulomotele no tane'i.

Matiu 13:43

Xe noxi'a ane'i ane ixolu nonano so Mami'a molu u'uli laxune'i la lamanaxa'a a loxo aso 'osi. Itema loxo sangalou la ulomuxu vaikala ano'o.”

Mupala'a 14:3

La ane'i latala ne mitulu no laxunu sia kingi noxou Mosinge xe no laxune'i tamimi tami'a oli'a tatiatila 24 olele. Mitulu la milexenu lexe vile alavua. Tamitema 144,000 e Mosinge molu mulotone'i so mu'umene'i no lialia ne, ane'isi imomomo so ilavusou lexe ne, evilela uasi.

Luku 15:32

Ia vaimomo 'o nenge ta'osa mo takekesi. Xo vivine soxu 'o musoli mukalu ia a mumaulila, mo anu mulusi ia a muxali noxinge 'oe.'”

Luku 12:32

Iesua muvikalane'i tatisaipeliou aloxo 'ola, “Ngingi tasipisipi se 'o nga'ume uasi. Maminge oponu ututulu lexe no voxo loxo anu molu u'uli laxungengi tamitemaou la upilixinu mimiou noxinge.

Tioni 15:11

Elemolu mimi ano'o noxinge xo amasaxau manina lexe osa noxilo uxolu noxinge mo so osa noxinge uxali loloni avile.

Matiu 28:20

Xe ngavotone'i lexe imulinu pelototo ane epilixinu noxinge mukalusi. Mo ngalomu, eni axolu noxinge utotomu xo mo ulai uxali avile no anu kaluxusou lialia 'o.”

Matiu 18:20

Xo loxo tamitema tamei o tatalu ine'e ipita no anu ualasilo la eni axolu no taine'i to ne.”

Matiu 16:28

Eni avikalangengi manina aloxo 'o. Se'i noxinge ane nenge'a tatulu 'o, isoli uao la imaisou Itema ane molu noxou Mosinge une'e mo upala'a no anu tanixu kingi.

Tioni 16:22

Anu axone kalumo noxinge laso maixene opongengi tu'umaxu 'o. Ia ili'i la eni amaisingela, mo no voxo ne opo­ngengi u'osa'ila la vote'i so evile u'umenu osa noxinge ne uasisi.

Matiu 25:34

Laso anu kingi uvikalane'i ane'i ane no avolu tema lexe, 'Ngingi ane Mamilo mulosinge xoluxolu laixe, ngane'e 'o. Ngane'e mo ngaxolu so eni melo akingi noxinge mo a'uli laxungengi. Xo mi ne mulalaxisinge tatei no voxo loxo Mosinge mukoinu lialia.

Matiu 26:28

Xo ano'o sialuxo. Anu usosovosou konitalaki alavua. Eni asoli la sialuxo unixi so ulotonu tina'u so susu noxi'a tamitema tavu'alo.

Matiu 26:30

Mukalu laso ane'i milexenu lexesou Mosinge. Milexenu mukalu la milutu milai mixali no la'olu Olivi.