Matiu 26:27 - Ata New Testament

²⁷ Xe muno'u kapusou uaini mo muvikala laixe noxou Mosinge. Mukalu xe mulosi'a la muvikala lexe, “Ngingi mukalusi ngaiexu ano'o.

Matiu 26:27 Referans Kwoze

1 Kolini 10:16

Loxo nenge tasoso­vosou Kalaisiti sialuxu no anu lexa la tavikalasou laixe noxou Mosinge tei. Ukalu xe taiexu la nenge oponenge vilesisi mo nenge vilesisi no anu sialuxu Kalaisiti. Mo axone kalumo no anu pileti. Loxo tase'i­nenge mo ta'ou la anu upitanenge vilesisi xo nenge vilesisi no anu vasimolu Kalaisiti.

1 Kolini 11:28

Laso laixe loxo tatilovosou oponenge tei kaio ta'ou pileti mo taie no anu kapu.

Luku 22:20

Ioxe, mi'ou pileti mukalu la mu'oxo axone no anu kapu so uaini. La muvikala lexe, “Kapu so uaini 'o anu so konitalaki alavua a axalixu no anu sialuxo 'o xo unixinixi so ngaxalisou mauli no anu.”

Matiu 15:36

La anu muno'u pileti 7 xe tasinana moso ne mo muvikala laixe noxou Mosinge. Mukalu la anu muse'ise'inu mo mulosi'a tatisaipeliou so ivelunuxa'a tami­tema.

Matiu 26:26

Ane'i i'ani'anisio la Iesua muno'u pileti vile xe muvikala laixe noxou Mosinge. Mukalu la muse'inu mo muvelunuxa'a tatisai­peliou la muvikala lexe, “Ngingi ngano'u mo nga'ani, ano'o eni vasimelo.”

Matiu 26:28

Xo ano'o sialuxo. Anu usosovosou konitalaki alavua. Eni asoli la sialuxo unixi so ulotonu tina'u so susu noxi'a tamitema tavu'alo.