Matiu 26:26 - Ata New Testament

²⁶ Ane'i i'ani'anisio la Iesua muno'u pileti vile xe muvikala laixe noxou Mosinge. Mukalu la muse'inu mo muvelunuxa'a tatisai­peliou la muvikala lexe, “Ngingi ngano'u mo nga'ani, ano'o eni vasimelo.”

Matiu 26:26 Referans Kwoze

Ta'aposeli 20:7

Texolu xo xe no anu voxo tei la tepita noxi'a talopala so tavelunu pileti. La Polu muvotovoto noxi'a tamitema xo voxo loxo ne'iela la anu so ulai. Muvotovoto muvoto­voto xo la muxali no olovoxo lixinu.

1 Kolini 10:4

Mo ane'i mukalusi miie no anu lexa Mosinge Ulenu mulosi'a no lavo'o. Ia lavo'o ne anu lavo'o vitanisi uasi xo Ulenu mu'oxonu latilovo so Kalaisiti no anu. Mo Kalaisiti molu muxolu no taine'i ne kalumo.

Ta'aposeli 2:46

Mo no voxo utotomu ane'i mipita no mataunaxu tasou Mosinge. Xe ane'i mipita so i'ani no tatasi'a la opone'i laixe mo mi'osasi'a ngato'o.

Luku 24:30

Mixolu mo ane'i a so i'ani la anu oli'a mixolu mipita so i'ani no latevolo. Xe anu muno'u pileti ka muvikalasou laixe noxou Mosinge. Mukalu la anu muse'inu mo muvelunuxa'a.

Maki 6:41

Mukalu la Iesua muno'u pileti ta'uve xe sinana tamei ne. La anu mutala telo no loxotolo mo muvikala laixe noxou Mosinge so la'ilali ne. Mukalu la anu muse'ise'inu pileti ilou sinana tamei ne mo mulosi'a tatisaipeliou so ivelunuxa'a tamitema.

Matiu 14:19

Ioxe, Iesua muvikalane'i tami­tema lexe ita'ota'olu no lia no laxalasi ne. Mukalu la muno'u pileti ta'uve ilou sinana soxu tamei ne. La anu mutala telo no loxotolo mo muvikala laixe noxou Mosinge so la'ilali ne. Mukalu la anu muse'ise'inu pileti ne mo mulosi'a tatisaipeliou so ivelunuxa'a tami­tema latala.

Matiu 26:27

Xe muno'u kapusou uaini mo muvikala laixe noxou Mosinge. Mukalu xe mulosi'a la muvikala lexe, “Ngingi mukalusi ngaiexu ano'o.

Luku 22:17

Muvikala axone mukalu laso anu muno'u kapu so uaini mo muvikalasou laixe noxou Mosinge. Mukalu la mulosi'a mo muvikala lexe, “Ngano'u mo ngavelungenge ngato'o.