Matiu 26:18 - Ata New Testament

¹⁸ La anu mupela'axu itema vile mukalu la muvikalane'i lexe, “Ngingi ngalai ne Ielusalemo la ngaxali noxou itema ne ka ngavikalanu lexe, 'Tisamexi u'oxo lexe voxosou a mune'e alai mukalu mo anu umasaxau so oli'a tatisaipeliou ine'e no tasine so i'ou lavilelu so Mualasi'a.'”

Matiu 26:18 Referans Kwoze

Tioni 7:6

La Iesua mulivuxa'a lexe, “Uasi, eni voxosilo a uxali uao, ia anu voxo mukalusi ne laixe noxingesi.

Tioni 17:1

Ioxe, mimi anene Iesua mule­molu mukalu la mutala mutelai aloxo no tualasou Mosinge. La muvikala aloxo 'o, “Papao, voxo olele a muxali 'oe. Laso na'itinu ualasou Iline u'uli'uli mo so Iline u'itinu ualasine u'uli'uli avile.

Tioni 13:1

Ioxe, voxo vile a uxolusi kaio lavilelu so Mualasi'a uxali. La Iesua mulavu lexe voxo so anu uxexesou lialia mo ulai noxou Maminge a muxali 'oe. Anu mu­sexelaxa'a tanoxou ane mixolu no lialia mo musexelaxa'a axonesi mumomomo avile no anu telexu xoluxolu noxou no lialia 'o.

Tioni 7:30

Muvikala axone laso ane'i mi'oxo lexe itetelisou avile ia mipune'isi, vile noxi'a umomomo so ukasi noxou uasi xo voxosou uxali u'isalili uao.

Tioni 7:8

Ngingi ngalailai no anu lavilelu ne Ielusalemo, eni alai ne uasi xo voxosilo uxali avile uao.”

Tioni 12:23

La Iesua mukoline'i ilou lexe, “Voxo so Itema ane molu noxou Mosinge utulu no anu tanixu u'uli'uli a muxali 'oe.

Luku 22:53

Xo no voxo­voxo loxo exolu no tasou Mosinge la axova so ngapitanu avonge so ngatetelisilo ua? Ia mi vile uasi, xo xavi no anu isivoxo uxoxolu noxinge laso anu voxo­singe se 'osi.”

Tioni 11:28

Ioxe mivikala axone mukalu la milivu mi'avalie vimoe Malia. La mivikala se'isisi noxiesi lexe, “Tisamenge muxali mo anu a u'avaline lexe nalai noxou.”

Maki 5:35

Ioxe, Iesua a uvikalanesio la se'i so laili noxou tatila no anu tasou lavuloto a mixali. La mivi­kalanu itema ne lexe, “Iline ne misoli mukalu. Laso tava'u so na'au'ausou Tisamenge la uasi, vote'i so usu'ulinela uasi.”

Matiu 26:2

“Ngingi nge­la­vu, voxo tameisi a uxolu so lavilelu so Mosinge Mualasi'a uxali. La ane'i ipilixinu Itema ane molu noxou Mosinge no avo'a tauluaou ka ililixu no ovu valautu so usoli.”

Matiu 23:10

Mo mamu so tamitema imo­xo'inge no anu uala lexe 'Tatila'. Xo anu vilesisi so Tilasinge, anu ane Mosinge musosovosou lexe Kalaisiti.

Matiu 23:8

Ia mamu so tamitema imo­xo'inge no anu uala lexe 'Tisa'. Xo anu vilesisi so Tisamengi. Xe ngingi la tavivingesi ane.

Matiu 21:3

Xe loxo itema vile utali'isinge la ngavi­kalanu lexe, 'Tatananenge umasaxi'a so mi vile. Ukalu la upalea so ulivunixi'ala.'”

Tioni 20:16

Sila Iesua mumoxo'e lexe, “Malia.” Xe Malia la mixiu mulai noxou ka milemolu no anu vaikala Ipilu lexe, “Lavonai.” Vaikala ne laxu lexe Tisa.

Matiu 26:49

Laso Iutasi mune'e muxali la alaxu vilesisi mumaxa'u sexela noxou Iesua mo muvikala lexe, “Olovoxo, Tisa.”

Matiu 26:19

Laso tatisaipeli milai milalaxinu la'ilali so Muala­si'a aloxo Iesua mupela'axu.