Matiu 26:14 - Ata New Testament

¹⁴ Xe no voxo anene vile noxi'a tatisaipeli 12 e ualasou lexe Iutasi Isikalioti mulai noxi'a tatiatila noxi'a tapilisiti.

Matiu 26:14 Referans Kwoze

Matiu 10:4

Mo Saimoni anu so laili noxi'a Taseloti xe Iutasi Isikalioti e itema ane so upilixinu Iesua no avo'a tauluaou.

Ta'aposeli 1:16

“Tavivilo tatei Ulenu Laixe mulosou Teviti vaikala se'i la mukaukavunu mo a uxolu no anu lavukuou Mosinge. Vaikala ne so Iutasi e mulosoie'i tauluaou Iesua vote'i so mitetelisou. Teviti mukau­kavunu tatei la temaisou muxali axone.

Tioni 13:30

Anu Iutasi muno'u pileti matovinu ne mukalu sila alaxu vilesisi mula. La anu a olovoxo mukalu.

Tioni 13:2

No anu olovoxoe la Iesua oli'a tatisaipeli mixolu so i'ani. La no voxo ne Uluaou mu'unanu xavutalaou noxou Iutasi tanu mukalu so lexe upilixinu Iesua no avo'a tauluaou. Iutasi ne anu Saimoni Isikalioti olu.

Matiu 27:3

Xe Iutasi e mupilixinu Iesua no avo'a tauluaou mumalei lexe tatiatila noxi'a tapilisiti oli'a tatiatila noxi'a Taiuta misakinu vaikala no lakoti lexe ivau Iesua usoli. Mumalei axone xe muxa­mulinu lexe oponu muto'omolu laso mulivunoxu lamoli siliva 30 olele noxi'a tatiatila ne.

Matiu 26:47

Iesua a uvivikala axonesio la Iutasi e vile noxi'a tatisaipeli 12 oli'a tamitema latala mine'ene'e mixali. Ane'i a mitetelisou lavilaviso so oto ilou kulukulue. Ane'i tatiatila noxi'a tapilisiti xe tatiatila noxi'a Taiuta mipalusi'a mine'e axone soitetelisou Iesua.

Tioni 18:2

La Iutasi e so upilixinu Iesua no avo'a tauluaou mulavusou tanixu anene xo Iesua oli'a tatisaipeliou milavusou ipita ne lalaxu.

Matiu 26:25

La Iutasi e so upilixinu no avo'a tauluaou mutali'isou Iesua lexe, “Tisa, masi nini navika­lasilo? Uasi, ne?” Ia Iesua mukolinu lexe, “Aloxo nini mene nelemolu.”

Tioni 12:4

Ia anu tisaipeliou vile e ualasou lexe Iutasi Isikalioti, anu ane so upilixinu Iesua no avo'a tauluaou, muvikala aloxo 'o,

Tioni 13:26

La Iesua mukolinu lexe, “Eni ano'u peleti matovinu 'o mo akelenixu no anu supu xe alosou itema ena'ei, la anusi e elemolu ane.” Laso anu muno'u pileti matovinu mo mukelenixu no anu supu kaio mulosou Iutasi e Saimoni Isikalioti olu.

Ta'aposeli 1:18

Ia anu mu'oxonu ilixo masua mo muxalisou lamolisou. La mulotonu xale lia sevile no anu lamoli ne. Xe ili'i la anu mulapau no xale lia se ne mo oponu mupau la tamusinu mula.