Matiu 26:13 - Ata New Testament

¹³ La avikalangengi manina aloxo 'o. Ili'i la tamitema ilai no xalexale tuatuala so ia'aloxu vaikalasilo laixe. Mo axone la ane'i kalumo ilemolu mi e sema mi'oxonu noxilo 'o, tane'ivulusie uasi.”

Matiu 26:13 Referans Kwoze

Maki 14:9

La avikalangengi manina aloxo 'o. Ili'i la tamitema ilai no xalexale tuatuala so ia'aloxu vaika­lasilo laixe. Mo axone la ane'i kalumo ilemolu mi e sema mi'o­xonu noxilo 'o, tane'ivulusie uasi.”

Matiu 24:14

Xe vaikala laixe so voxo ane Mosinge u'uli'uli avile ne ula no lialia loloni mo so tatemanu xale tuatuala mukalusi ilomusou. Laso ane, kaluxusou voxovoxo ne uxali.

Ipilu 6:10

Xo loxo Mosinge utilovosinge la ukilikalu uasi. Xaixai noxinge mo sexela noxinge nge'oxonu no anu ualasou ne anu tanuvulusiou uasi. Sexela anene a mupala'a no anu su'uli loxo nge'oxonu noxi'a tamitemaou u'isalili. Mo mi ne a nga'oxonusio.

Mupala'a 14:6

Ioxe, mukalu la emaisou angelo vilela muvava no tainu loxotolo. La anu muvotovotosou vaikala laixe ane uxolu avile. Muvotovoto mulai noxi'a tatemanu lialia xe noxi'a tamitema so xale tuatuala mukalusi xe noxi'a lailaili muka­lusi xe vaikalai'a vilevilesi xe vasime'a iouiou.

1 Timoti 2:6

Xo anu mupi­lixinu lape umomomo noxi'a tamitema mukalusi. Lape ne, mauli noxousi. Mu'oxo axone xe no voxo loxo Mosinge musosovosou, la a'alosou mupala'a.

Kolosi 1:23

Laso ngingi la ngatulu pumungenge no anu lopala so ngasasalo uasi. Xo ngelomusou vaikala laixe mo mupela'ingexu mi e so ngalopalanu ngaxomaiou, laso ngaxexesou mamu. No anu vaikala laixe nesi eni Polu 'o exali amitema so axaixaisou. Mo votovotosou a mulala muxali no anu xale tuautala mukalusi.

Kolosi 1:6

Vaikala laixe ne uxaxalixu nene'axu mo a ususuku no xale tuatuala mukalusi. Anu iou vilesisi aloxo musoko'u no taingengi no voxo tei ngelomusou mo ngelavu no anu iaiama noxou Mosinge manina.

2 Kolini 10:18

Laso itema ane molu u'itinu, la loxo manina anu ualasou uasisi. Ia loxo Tata­nanenge u'itinu itema, la anu ualasou ane.

Lomu 15:19

Xe e'oxonu sosovo so xavi iou iou so uvalaxu vaikala ne ia eni uasi. Ulenu molu mulosilo xavi so a'oxonu. Mi ne musoko'u ne Ielusalemo so elanu vaikala laixe so Kalaisiti. Elanu elanu la exixao nopaxapaxa mo exali avile ne Ililikumi polovinisi.

Lomu 10:18

Mo nenge talavu lexe Ta'isilaeli milomusou Vaikala ne mukalu, utalume noxi'a uasi. Xo loxo Mosinge mulemolu no vaikalaou, “Xoline'i tamitemaxeli mulailai no xale tuatuala mukalusi. Mo vaikalai'a muxali no anu teletelexu muka­lu.”

Luku 24:47

Xe no anu ualasou la ane'i tamitemaou ilanu vaikala noxi'a tamitema so xale tuatuala mukalusi. Ilanu vaikala lexe ane'i ixiunu mo i'isalilinoxu opone'i laso Mosinge uiasou tina'uxa'a so susu. Laso ane, xaixai anene ngasoko'u ne Ielusalemo 'o.

Maki 16:15

La muvika­lane'i lexe, “Ngingi ngalailai no xale tuatuala mukalusi mo ngavotone'i tamitema no anu vaikala laixe noxou Mosinge.

Maki 13:10

Ia loxo vaikalasilo laixe uxali noxi'a tamitema no anu lailaili no tuatuala mukaluasi uao, la anu voxo kaluxusou 'o umomomo so uxali uasi.

Matiu 28:19

Laso ngingi ngalai no xale tuatuala mukalusi mo ngalapune'i tamitema mukalusi so ixali tatisaipelixeli. Mo nga'oxonu ilixo so kelele noxi'a no anu ualasou Maminge xe Olu xe Ulenu Laixe.

Ta'aposeli 10:4

La Koniliasi mumatakisou la iou ne so umexusi la mukolinu lexe, “Tatila, ma'ia ne?” La angelo muvikalanu Koni­liasi aloxo 'o, “Mosinge mulomu­sou vaikalameni e nelemolu noxou mo mumaisou su'uli ane ne'oxonu noxi'a tamitema ta'oloxola. Anu mulavusou mi anene mo anu tanuxene.