Matiu 24:6 - Ata New Testament

⁶ Mo ili'i loxo ngalomusou a'alo so oto tatila mo sivo lexe oto tatila so uxali no tuatuala la ngakuluke no anu uasi. Mimi anene uxali, ia kaluxusou voxo a uao.

Matiu 24:6 Referans Kwoze

Luku 21:9

Mo ili'i loxo ngalomusou a'alo so oto tatila xe tu'utu'umaxu la ngakuluke mo na'olo'olo no anu uasi. Mimi anene so uxali tei, ia kaluxusou voxo a uao.

Tioni 14:1

La Iesua muvikala aloxo 'ola, “Ngingi opongengi tu'umaxu mo tangengilili uasi. Ngingi ngalopala noxou Mosinge mo ngalopala noxilo kalumo.

2 Tesalonaika 2:2

Masi no anu vaikala so pela'a o no anu votovoto o lapasi vile ikalavoi lexe noxilo la vaikala muxali noxinge lexe voxo noxou Tatananenge muxali mukalu. Tapela'inge lexe loxo vaikala axone muxali la opongengi u'avuti mo usasalo uasi.

Tioni 14:27

Eni loxo a'italongengi la apili­xinu xoluxolu lalavulusi noxinge. Apilixinu la anene xoluxolu lalavulusi noxilomo, anu kaini ane loxo tatemanu lialia i'oxe ilosinge 'o uasisi. Laso ngapili­xingengi so tangengi uavuavuti mo kalaua mamu.

Matiu 24:14

Xe vaikala laixe so voxo ane Mosinge u'uli'uli avile ne ula no lialia loloni mo so tatemanu xale tuatuala mukalusi ilomusou. Laso ane, kaluxusou voxovoxo ne uxali.

Luku 21:19

Laso ngatulu pumungenge mo so ngaxolu ngapamauli ane.”

Luku 22:37

Xo no anu lavukuou Mosinge la vaikala vile mukaukavu no anu aloxo 'o, 'Ane'i tamitema isaxisou lexe anu vile noxi'a tamitema tamasua.' La avikalangengi lexe tamitema i'oxo axone noxilo xo vaikala ma'ia ulemolu silo la uxalixu nene'axu ane.”

Matiu 26:54

Ia loxo a'oxo axone la vaikalasou mimi so uxalisilo e muai no lavukuou Mosinge, la uxalixu nene'axu axova? Xo anu muvikala lexe anu uxali no anu vote'isou aloxo 'osi.”

Matiu 2:3

Xe Kingi Eloti mulomusou tali'i noxi'a la anu mukuluke la tanulili. Mo tamitema ne Ielusalemo ane'i tane'ilili kalumo.

Mupala'a 6:4

Sila osi vilela mupa la vasimolu lauoinu loxo navu latoxonu. La noxou ane mutalu­pexa no anu la milosou xavi so umamulonu xoluxolu lalavulusi. Mo so axone la tamitema ive'ave'a tamenexi'a isoisoli. La milosou laviso so oto toxoxu so uxalixu mi ne.