Matiu 24:4 - Ata New Testament

⁴ La Iesua mukoline'i lexe, “Nga­laxa'i laixe, xo loxo 'o io tamitema ikalavoingengi ane.

Matiu 24:4 Referans Kwoze

1 Tioni 4:1

Tamaula, tamitema masi ine'e mo ivikala lexe, “Eni eno'u vaikala ano'o noxou Ulenu a.” Ia ngalopala noxi'a avile uasi, ngatilovosou vaikalai'a lexe molu noxou Ulenu Mosinge o uasi. Xo tamitema so pela'a kalavoi to a ixixaoxao no xale tuatuala mukalusi.

2 Tesalonaika 2:3

Mamu so ngapele masaxa noxou itema vile so ukalavoingengi. Xo ngalomu, voxo olele uxali vitanisi uasi. Taimu so tamitema ipupuiou vaikalaou Mosinge uxali xe mosou xilili upala'a teio. Anene uxalisou mamulo ili'i.

Kolosi 2:8

La ngalaxa'i laixe xo loxo 'o io evile masi ukalavusungengi no anu lavulavu noxi'a takeleva mo vaivaikala ane temanu uasi. Tamitema ane xo ne ilomuxu vaikalaou Kalaisiti uasi. Ane'i ilavusou imulinu ilixo noxi'a tatiatila tatei xe pakia'a no anu mimi tavatava'u so upamuxanu xoluxolu so lialiasi.

Epesusi 5:6

Laso ngalaxa'i laixe xo masi tamitema se'i ivikala aloxo 'o, “Ai nenge tamulinu masaxa noxingesi xo Mosinge la'iaxuinge uasi.” Vaikala axone kalavoisi, xo la'ia noxou Mosinge utuvu noxi'a tamitema ane ilomuanu vaikalaou.

Maki 13:22

Xo Takalai­siti kalavoi se'i mo tamitema so pela'a kalavoi se'i itulu no voxo anene. Itulu mo i'oxonu sosovo so xavi so itovonu so ilapune'i tamitema ane Mosinge mososo­vosi'a lexe tanoxou.

Epesusi 4:14

Xo tamolomolo ilavu­sou ilomuxa'a tamitema vitanisi. Ia nenge ta'oxo axone uasi, tatilovo laixe. Xo tamitema se'i masi ilalaxinu xavutalai'a so ixilisinenge mo i'oxo lolonenge. Laso loxo talomuxa'a vitanisi, la taxali loxo uaxa ane xasi ilou sivo upamupamuxanu vuluvulusi.

Luku 21:8

La Iesua mukoline'i lexe, “Ngalaxa'i laixe, xo loxo 'o io tamitema ikalavoingengi ane. Tamitema tavu'alo ine'ene'e xe ilemolu ualasilo mo ivikala lexe, 'Eni amitema ane melo noxou Mosinge a.' Mo ivikala lexe, 'Voxo a mune'e alai mukalu.' Ia ngalomu­xa'a so ngamuline'i to uasi.

Kolosi 2:18

Mo loxo evile u'itinu no anu mi vile u'oxo lexe umaisou no anu aisaxi ka uvikala lexe ngalu'e­ngengi mo ngamaxa'u mama'u noxi'a ta'angelo la mamu so ngalomuxu. Itema loxo umalo­xo'inge axone la anu umulinu xavutala no anu vasimolusi so u'itinu vitanisi axone.

Xalesia 6:3

Xo loxo itema vile uxavutalanu lexe anu mi lailaixe ia loxo manina anu mi vitanisi, la anu molu mukakalavoinu moe!