Matiu 24:3 - Ata New Testament

³ Xe ili'i la Iesua mutalupexa no la'olu Olivi la tatisaipeli ane'isisi mine'e noxou mo mitatali'i noxou lexe, “Nini napala'anixu noxixe lexe voxosou mi e nelemolu a talu? Axova, sosovo vile so nexi talavu lexe nini a so nalivu nane'e mo talavu lexe lialia 'o so ukalu?”

Matiu 24:3 Referans Kwoze

Ta'aposeli 1:7

La anu muko­line'i lexe, “Anene mi na'a ngingi so ngalavusou uasi. Mamilo molu musosovosou mo mulavusou mimi anene no anu xavi noxousi.

Matiu 24:37

Xo voxo so Itema ane molu noxou Mosinge uxali la aloxo voxo so Noa muxoxolu.

Matiu 13:49

La anu uxali iou vilesisi axone no anu kaluxusou lialia 'o. Xo ta'angelo talaixe ine'e ikaline'i tamitema tamasua e ixolu no taine'i tamitema talapu.

Luku 21:7

Xe mukalu la ane'i mivikalanu lexe, “Tisa, napala'anixu noxixe lexe voxosou mi e nelemolu a talu? Axova, sosovo vile tei mo so nexi talavu lexe nene'axu mi ne a so uxali?”

Matiu 21:1

Ioxe, Iesua oli'a tatisaipeli milutu xo mo a so ixali ne Ielusalemo. La mixali no tuala ne Petivaxe a muxolu no la'olu Olivi. Mukalu la Iesua mupalusi'a tatisaipeliou tamei mi'uli.

Matiu 24:39

La ane'i ilavu lexe mi ma'ia uxali uasi. La xoluxoluxa'a axonesi xo mole anipa muxali sika mukalusi'a tamitema anene avile. Ioxe, loxo Itema ane molu noxou Mosinge uxali la anu axonesi.

Matiu 24:27

Xo ngelavu, lele'e lamixu ukelele no loxotolo ulutu no isiti ka upisikei uxali avile no anu uesiti. La Itema ane molu noxou Mosinge upala'a axone no anu voxosou loxo uxali.

Ipilu 9:26

Xo axone la anu masi utavulenu tu'umaxu utotomu musoko'u no voxo loxo Mosinge mukoinu lialia xo mo muxali vaimomo 'o. Ia uasi, xo vaimomo 'o mi ne kaluxusou voxovoxo a mune'e alaisi 'oe la Kalaisiti muxali mupala'a. Muxali alaxu vilesisi so upilixinu mauli noxou mo so uxexenu susu.

Matiu 28:20

Xe ngavotone'i lexe imulinu pelototo ane epilixinu noxinge mukalusi. Mo ngalomu, eni axolu noxinge utotomu xo mo ulai uxali avile no anu kaluxusou lialia 'o.”

Matiu 17:19

Mukalu xe ili'i ane'isisi mixolu la tatisaipeli mitali'isou Iesua lexe, “Axova so nexi tamomomo so takusaou angelo masua ne uasio?”

Matiu 24:43

Xo loxo ngelavu, loxo mosou tani ulavusou aso iou u'isalili no olovoxo so lasikeli une'e upakali, la anu ulo laixe ane. Vote'i uasisi so itema lasikeli ne upakisi u'unalai no tasou.

Matiu 15:12

Xe ili'i la tatisaipeli mine'e mitali'isou lexe, “Axova, nini nelavu lexe Tapalisi milomusou vaikalameni ne la opone'i tu'uma­xuou?”

Matiu 13:36

Mukalu la Iesua muxexesi'a tamitema latala ka mu'unalai no tani. La tatisaipeliou mine'e noxou mo mivikalanu lexe, “Nalulusou laxu latilovo e so laxalasi masua muleme no xai.”

Matiu 16:27

Xo Itema ane molu noxou Mosinge une'e ili'i no anu iaxu Momu. Une'e la oli'a ta'angelou so ukoline'i tamitema u'isalili no anu ilixo noxi'a.

Matiu 16:28

Eni avikalangengi manina aloxo 'o. Se'i noxinge ane nenge'a tatulu 'o, isoli uao la imaisou Itema ane molu noxou Mosinge une'e mo upala'a no anu tanixu kingi.

Matiu 24:30

Mukalu la sosovosou Itema ane molu noxou Mosinge upa no loxotolo la tatemanu xale lialia mukalusi itatama. La ane'i imaisou Itema ane molu noxou Mosinge une'e no anu sausauma. La une'e no anu xavi mo iaxu tatila.