Matiu 23:8 - Ata New Testament

⁸ Ia mamu so tamitema imo­xo'inge no anu uala lexe 'Tisa'. Xo anu vilesisi so Tisamengi. Xe ngingi la tavivingesi ane.

Matiu 23:8 Referans Kwoze

Tiemisi 3:1

Ioxe tavivilo, mamu so ngaxa­vutalanu lexe anu mi papaxe vitanisi kaio ngingi latala ngaxali tatisa no anu Mosinge vaikalaou. Xo voxosou Tatananenge utilovo­sou xaixai na'a nenge la utilovo pakia'u manina noxinge tamitema so talulusou vaikalaou.

1 Pita 5:3

Xe nga'itingengi noxi'a tamitemaou Mosinge ane mupilixunu no avonge ka ngapa­muxane'i so nga'uli laxune'i vitanisi mamu. Nga'uli noxi'a tasipisipi aloxo pikisa laixe so ane'i imaisinge kaio imulingengi no anu.

Luku 22:32

Ia eni epilixineni noxou Mosinge mukalu so lopala noxine ulapau avile uasi. Mo so axone xe naxiu nalivui la xavine so na'oxo pakia'a tavivine.”

Matiu 23:10

Mo mamu so tamitema imo­xo'inge no anu uala lexe 'Tatila'. Xo anu vilesisi so Tilasinge, anu ane Mosinge musosovosou lexe Kalaisiti.

Matiu 17:5

La Pita a uvikalasio sila sauma vile muvalukeasi musuasi'a. Laso xoli vile molu no sauma ne muvikala lexe, “Ano'o alixeli ane asexalaxu, eni a'osasou misevile. Ngingi ngalomuxu.”

Mupala'a 1:9

Ioxe, eni avivinge Tioni a xo nenge nenge'a taxolu noxou Iesua. Taxolu noxou laso nenge so taxolu no voxo loxo Mosinge molu u'uli laxune'i tamitemaou. Laso maixene nenge tatavulenu tu'utu'umaxusou ia taxolu se'isisi so taxomaiou. Xo eni elanu vaikalaou Mosinge mo ea'aloxu Iesua laso ane'i mikusailo xe mipalusilo so axoxolu no anu ailani Patimosi 'o.

Mupala'a 22:9

Ia anu muvikalaleli aloxo 'o, “Ai, na'oxo axone mamu. Eni kalumo amitema so xaixai aloxo ngingi ngoli'a tavivine tamitema so pela'a xe ane'i ane ilomuxu vaikala no anu lavuku 'o. Na'itileli uasi, na'itinu Mosingesi.”

Mupala'a 19:10

Muvikalaleli mukalu sila eni elalusi no tava'u so atangatuluou. Ia anu muvikala lexe, “Ai, na'oxo axone mamu. Eni kalumo amitema so xaixai aloxo ngingi ngoli'a tavivine ane ngekamakulunu vaikala laixe so Iesua. Na'itileli uasi, na'itinu Mosingesi. Xo loxo telavu, vaikala laixe so Iesua ne anu u'avutinoxu ulene'i tamitema so ilanu vaikala so pela'a.”

Epesusi 3:15

Mosinge anu Maminge xo anu tava'u laili mukalusi ane no tualasou xe no lialia 'o.

2 Kolini 4:5

La nexi 'o talavusou taa'aloxu ilixomexi uasi, nexi tavotovoto lexe Kalaisiti Iesua anu Tatananenge. Mo nexi tamolo tanexiu masaxa noxou Iesua so taxolu loxo tasilevi noxinge.

2 Kolini 1:24

Nexi tamasaxau lexe ta'uli laxungengi no anu lopala noxinge mamu. Anu masaxa noxixe lexe taxaxaisinge so ta'avutinoxu osa noxingesi. Xo nexi telavu lexe no anu lopala noxinge, la a ngatulu pumungenge no anu mukalu.

Matiu 26:49

Laso Iutasi mune'e muxali la alaxu vilesisi mumaxa'u sexela noxou Iesua mo muvikala lexe, “Olovoxo, Tisa.”

Matiu 10:25

Laso loxo xoluxoluxu itema usikulu uxali aloxo tisaou, xe noxou itema so xaixai uxali loxo tilasou la mi vile uasi, umomomo noxi'asi. Xo mosou tani la milemolu lexe Velisevuli laso loxo tasou tatemanu vitanisi la masi ilosi'a tu'umaxu kaini axovao?”

Matiu 23:7

Ane'i imasaxau so loxo ixixao no loxoloxomala la tamitema itaxane'i so ivikala aso noxi'a mo ileme'a no anu uala lexe 'Tisa'.

Matiu 26:25

La Iutasi e so upilixinu no avo'a tauluaou mutali'isou Iesua lexe, “Tisa, masi nini navika­lasilo? Uasi, ne?” Ia Iesua mukolinu lexe, “Aloxo nini mene nelemolu.”

Maki 9:5

Mimaisi'a axone la Pita muvikala lexe, “Tisao. Laixe so nenge taxolu aloxo 'osi. Nenge ta'alaxu tani tatalu. Vile sine xe vile noxou Mosisi xe vile noxou Elaitia.”

Maki 10:51

La Iesua muta­li'isou lexe, “Nini namasaxau lexe a'oxonu ma'ia noxine?” La itema iou selevenu ne mu'oxo lexe, “Tisa, eni amasaxa lexe ieli lamana so asaxila.”

Maki 11:21

Sila Pita muxavutalanu mo muvikalanu Iesua lexe, “Tisa, namalei. Nele­molu mamulosou ovu viki 'o la muxalo mukalu oe!”

Maki 14:45

Ioxe, Iutasi mune'e muxali la alaxu vilesisi musexelaxu Iesua mo muvikala lexe, “Tisa.”

Tioni 1:38

Xe Iesua muxiu mumaisi'a mi ne imulinu la mutali'isi'a lexe, “Ngilou ngaka­mu­linu mi ma'ia?” La ilou mivi­kalanu lexe, “Lavai, nini naxolu no tani aneva?” Vaikala Lavai ne laxu lexe Tisa.

Tioni 1:49

Sila Natanieli muvikala noxou lexe, “Tisa, manina, nini Mosinge Olu. Nini nakingi noxixe Ta'isilaeli.”

Tioni 3:2

La no olovoxo vile anu mune'e noxou Iesua ka muvikala lexe, “Tisao, nexi talavusine lexe nini mene noxou Mosinge nene'e so lexe natisa. Mi ne mupalasi noxixe xo telavu lexe loxo Mosinge uxolu noxou itema vile uasi la vote'i so u'oxonu sosovo so xavi aloxo 'o uasi.”

Tioni 3:26

Mipe­lesou ana­xa'a laso tatisai­peliou Tioni milai mivikalanu Tioni lexe, “Tisao, itema e muxolu noxine xalevile no lexa Tiotani olele, mosou e nelanu vaikalasou so napala'anixu, anu to a u'oxonu ilixo so kelele noxi'a tamitema. La ane'i latala e latala a ilalai noxousi.”

Tioni 4:31

Ine'ene'e ia ixali uao la tatisaipeli mitatali'i noxou lexe, “Axova Tisa, nini na'ani uasi? Ano'o, na'oui.”

Tioni 6:25

Ane'i milutu xe mixali xalevile no kupa sila mixalisou. Mixalisou la mitali'isou lexe, “Tisa, nexali lai 'o talu?”

Tioni 9:2

Xe tatisaipeliou Iesua mutali'isou lexe, “Tisa, ena'ei mususu kaio itema ano'o iou selevenu no mi ne nenu mivo'onu? Anu molu mususu o momu olie nenu?”

Tioni 11:8

La tatisaipeli milivuxu lexe, “Uo Tisao, mala'o se'osi Taiuta ne Iutea ne mika­mulinu vote'i so ileaxene no lavolavo'o so ivene nasoli. Ia nini na'oxo lexe nalivu nalaila?”

Tioni 20:16

Sila Iesua mumoxo'e lexe, “Malia.” Xe Malia la mixiu mulai noxou ka milemolu no anu vaikala Ipilu lexe, “Lavonai.” Vaikala ne laxu lexe Tisa.

Vilemoni 1:16

Ngaxolu ne la anu silevimeni ia silevi vitanisi to uasi, xo anu vivine so nasexelaxu manina. Noxilo la opoleli u'osasou axone ia loxo noxine la osa noxine masi utila noxou avile. Xo no anu vasimene la usu'ulineni xo anu silevimeni, xe noxou Kalaisiti la usu'ulineni kalumo xo anu vivine ane.