Matiu 23:7 - Ata New Testament

⁷ Ane'i imasaxau so loxo ixixao no loxoloxomala la tamitema itaxane'i so ivikala aso noxi'a mo ileme'a no anu uala lexe 'Tisa'.

Matiu 23:7 Referans Kwoze

Tioni 1:38

Xe Iesua muxiu mumaisi'a mi ne imulinu la mutali'isi'a lexe, “Ngilou ngaka­mu­linu mi ma'ia?” La ilou mivi­kalanu lexe, “Lavai, nini naxolu no tani aneva?” Vaikala Lavai ne laxu lexe Tisa.

Tioni 1:49

Sila Natanieli muvikala noxou lexe, “Tisa, manina, nini Mosinge Olu. Nini nakingi noxixe Ta'isilaeli.”

Tioni 20:16

Sila Iesua mumoxo'e lexe, “Malia.” Xe Malia la mixiu mulai noxou ka milemolu no anu vaikala Ipilu lexe, “Lavonai.” Vaikala ne laxu lexe Tisa.

Tioni 6:25

Ane'i milutu xe mixali xalevile no kupa sila mixalisou. Mixalisou la mitali'isou lexe, “Tisa, nexali lai 'o talu?”

Tioni 3:26

Mipe­lesou ana­xa'a laso tatisai­peliou Tioni milai mivikalanu Tioni lexe, “Tisao, itema e muxolu noxine xalevile no lexa Tiotani olele, mosou e nelanu vaikalasou so napala'anixu, anu to a u'oxonu ilixo so kelele noxi'a tamitema. La ane'i latala e latala a ilalai noxousi.”

Tioni 3:2

La no olovoxo vile anu mune'e noxou Iesua ka muvikala lexe, “Tisao, nexi talavusine lexe nini mene noxou Mosinge nene'e so lexe natisa. Mi ne mupalasi noxixe xo telavu lexe loxo Mosinge uxolu noxou itema vile uasi la vote'i so u'oxonu sosovo so xavi aloxo 'o uasi.”

Maki 10:51

La Iesua muta­li'isou lexe, “Nini namasaxau lexe a'oxonu ma'ia noxine?” La itema iou selevenu ne mu'oxo lexe, “Tisa, eni amasaxa lexe ieli lamana so asaxila.”

Maki 9:5

Mimaisi'a axone la Pita muvikala lexe, “Tisao. Laixe so nenge taxolu aloxo 'osi. Nenge ta'alaxu tani tatalu. Vile sine xe vile noxou Mosisi xe vile noxou Elaitia.”

Matiu 23:8

Ia mamu so tamitema imo­xo'inge no anu uala lexe 'Tisa'. Xo anu vilesisi so Tisamengi. Xe ngingi la tavivingesi ane.

Matiu 11:16

La Iesua muvikala aloxo 'ola, “A'oxonu latilovo so apala'anixu ilixone'i tamitema so vaimomo 'o axova? E aloxo 'o. Ane'i loxo tamolomolo ixoxolu no loxomala mo i'ava noxi'a tamenexi'a lexe,

Matiu 26:25

La Iutasi e so upilixinu no avo'a tauluaou mutali'isou Iesua lexe, “Tisa, masi nini navika­lasilo? Uasi, ne?” Ia Iesua mukolinu lexe, “Aloxo nini mene nelemolu.”

Matiu 26:49

Laso Iutasi mune'e muxali la alaxu vilesisi mumaxa'u sexela noxou Iesua mo muvikala lexe, “Olovoxo, Tisa.”

Maki 11:21

Sila Pita muxavutalanu mo muvikalanu Iesua lexe, “Tisa, namalei. Nele­molu mamulosou ovu viki 'o la muxalo mukalu oe!”

Maki 12:38

Xe Iesua musolonu votovoto aloxo 'o, “Ngingi masi ngalaxa'i laixe noxi'a tamitema so lavulavu no anu lavuloto. Ane'i ilavusou imulaxu lavuluti veveni lailaixe so ixixao no loxoloxomala mo so tamitema itaxane'i mo ivikala kakau aso noxi'a.

Maki 14:45

Ioxe, Iutasi mune'e muxali la alaxu vilesisi musexelaxu Iesua mo muvikala lexe, “Tisa.”

Luku 11:43

Ngingi Tapalisi anu masua noxinge xo nga'itingengi to! Ngingi ngaxolu u'uli no ie'i tamitema no anu tatasou lavuloto. Mo ngama­saxau lexe tamitema loxo ixalisinge no loxomala la itaxangengi mo ivikala aso noxinge.

Tioni 4:31

Ine'ene'e ia ixali uao la tatisaipeli mitatali'i noxou lexe, “Axova Tisa, nini na'ani uasi? Ano'o, na'oui.”

Tioni 9:2

Xe tatisaipeliou Iesua mutali'isou lexe, “Tisa, ena'ei mususu kaio itema ano'o iou selevenu no mi ne nenu mivo'onu? Anu molu mususu o momu olie nenu?”

Tioni 11:8

La tatisaipeli milivuxu lexe, “Uo Tisao, mala'o se'osi Taiuta ne Iutea ne mika­mulinu vote'i so ileaxene no lavolavo'o so ivene nasoli. Ia nini na'oxo lexe nalivu nalaila?”