Matiu 23:5 - Ata New Testament

⁵ Mo mi ma'ia i'oxonu la i'itine'i no anu no ie'i tamitemasi. Xo laletisou lavuloto e isakinu so ivikala noxou Mosinge la i'oxonu tiatila. Xe no anu lavulutii'a veveni la lamolamota so telexu la veveveni kena.

Matiu 23:5 Referans Kwoze

Tioni 12:43

Xo mi ane opone'i mu'oxoxu a so tamitema i'osasi'asi, ia ane so Mosinge oponu u'osasi'a la ixavutalanu malaxo uasi.

Pilipai 2:3

Mamu so nga'oxonu mi vile no anu masaxa noxingemo o so ngaxalixu ualasinge utila no anu. Ngingi vilevilesi ngalu'engengi no anu opongengi mo ngasaxisinge lexe ngingi tami vitanisi no taine'i tamenexinge.

Tioni 5:44

Ngingi nga'osa so nga'itinu ualasinge ngato'omo, ia no anu vote'i e so Mosinge anu vilesisi molu u'itinu ualasinge la ngaxavu­talanu uasisi. Laso ngingi ngalo­pala axovae?

Luku 16:15

Ia anu muvikalane'i lexe, “Ngingi ngale­molu vaikala so utalumeu mi ane no opongengi xo ngamasaxau lexe tamitema ikala­voi lexe ngingi talapusi, ia Mosinge ulavusou opongengi to. Mi ane tamitema i'itinu no taine'i lexe laixe manina la anu mi nuni'u manina no iou Mosinge.

Luku 20:47

Mo loxo sema vile mulue usoli la i'oxo loloxe so isalimunu tasie, ia lamolisou la ane'i me'a ino'u. Mo itoxa'a no anu lakilaka so ivikala veveni musuku. Tamitema axone, no voxo loxo Mosinge utilovo mo ukolinu ili'ilixo la itavulenu tu'umaxusou ilixo noxi'a u'oki avile.”

Pilipai 1:15

Xo manina, se'i iisuxo mo opone'i tu'umaxuilo so ivotovo­tosou Kalaisiti. Ia leviani la masaxa no opone'i mulovo laixesi so ilanu vaikala ne.

Tioni 7:18

Anu ena'ei loxo ulanu vaikala ane molu muxa­lixusi, la anene anu molu umasaxau u'itinumo ane. Ia ena'ei ane umasaxau u'itinu ualasou anu ane mupalusou mune'e, la anu ne anu maninasi mo mi vile ukilikalu uxolu noxou uasisi.

Matiu 9:20

Ioxe, mulai la sema vile ane sialuxe munixinixe mumomomo no anu tau ie 12 mine'e alai no tumalou Iesua. Mine'e laso mika­sou lasio­tiou veveni no telexu se.

2 Tesalonaika 2:4

Upala'a ukalu la uxililiou mimi mukalusi ane tamitema i'oxo lexe momosi'a. Uxililiou mo u'itinu lexe anu uno'u tanitanixu mimi ne so tamitema ilotu noxoumo. Mukalu la utalu­pexa no anu tasou Mosinge mo uvikala lexe anu Mosinge ane.