Matiu 23:3 - Ata New Testament

³ Laso mi ma'ia ilemolu noxinge la ngalomuxu mo nga'oxonu. Ia no anu ili'ilixone'i la ngamuline'i mamu. Xo vaikalai'a ne ane'i me'a imulinu to uasi.

Matiu 23:3 Referans Kwoze

2 Timoti 3:5

Tamitema ane xo ne isaxi lexe imulinu ili'ilixo ane Mosinge u'osasou, ia mi ne no anu sosousi, temanu to uasi. Xo xavi manina no anu vaikalaou Mosinge la ixiunu tumali'aou. Laso na'umenu vasi­mene mo naxolu va'axu noxi'a tamitema ane xo ne.

Taitusi 1:16

No anu anaxa'a la ivikala lexe ilavusou Mosinge oponu. Ia no anu xoluxoluxa'a la umaxa'u lexe ane'i ixililiou ane. Xo xoluxoluxa'a ne masua no iou Mosinge. Ane'i ilomuxu vaikalaou to uasi mo imomomo uasi manina so i'oxonu ilixo vile laixe.

Ta'aposeli 5:29

Pilisiti tatila muvikala axone mukalu ia Pitaena mikolinu aloxo 'o, “Loxo vaikalai'a tamitema uxililiou vaikalaou Mosinge la nexi tamulinu anene noxou Mosingesi.

Lomu 13:1

Ioxe, mo aloxo 'o kalumo. Ngingi mukalusi ngamulinu vaikalaou xamanisi. Nenge talavu lexe tamitema so i'uli laxunenge axone ixali vitanisi uasi, Mosinge molu mutulusi'a no anu xaixai anene.

Matiu 21:30

Mukalu la mami'a mulai noxou anu ane ili'i la mupalusou axonela. La olu mukolinu lexe, 'Io, Papa, eni alai.” Ia ulai to uasi.

Matiu 23:2

La muvikala lexe, “Ane'i tamitema so lavulavu no anu lavuloto oli'a Tapalisi a itutulu no anu tanixa'a so itilovosou laxulaxu lo aloxo Mosisi mu'oxonu.

Matiu 23:4

Anu loxo ane'i isakinu tavala tu'umaxu misevile ka imulaxu no laxasi'a tamitema mole sasaie'i so itavulenu. Ane'i tatiatila imaisi'a toxene'i so itavulenu axone ia ane'i ivaxanu avo'a simosou se so iva'isune'i to uasi.