Matiu 23:13 - Ata New Testament

¹³ La Iesua musolonu aloxo 'ola, “Anu masua noxinge ngingi tamitema so lavulavu no anu lavuloto xe ngingi Tapalisi. Ngingi tamitema so vaikalamengi tamaxu vilemo no anu ilixomengi to ne. Xo ngingi ngatatuxa'a tamitema laso vote'i uasi so i'unalai ixolu no voxo so Mosinge molu u'uli laxune'i tamitemaou no tualasou. Ngingi menge nga'unalai uasi xe loxo tamitema a so i'unae la ngatanutanuxa'a to!

Matiu 23:13 Referans Kwoze

Luku 11:52

Masua noxinge ngingi tamitema so lavulavu no anu lavuloto xo aloxo 'ola. Ngingi nge'umenu laki so tanixu lavulavu u'asi'asi. Ngingi menge nga'una uasi ia nga'apixa'a ane'i ane imasaxa so i'unalai ne.”

Matiu 23:29

Mo musolonu aloxo 'ola, “Anu masua noxinge ngingi tamitema so lavulavu no anu lavuloto xe ngingi Tapalisi. Vaikalamengi ilou ilixo­menge vilesisi uasi! Xo ngingi ngapaipounu lulu noxi'a tapolopeti so uxali lailaixe xe sosovo so lulusi'a tamitema talapu la ngavi­lasinu kena!

Matiu 23:27

Anu masua noxinge ngingi tamitema so lavulavu no anu lavuloto xe ngingi Tapalisi. Vaika­la­mengi ilou ilixomenge vilesisi uasi! Ngingi loxo lulu ane milailavenu no anu peni kea. Xo noale no lulu la usaxi laixe ia nonano la temanu ane xinexine'i tamitema misoisoli xe mimi masua e u'ui'uisi.

Matiu 23:23

Anu masua noxinge ngingi tamitema so lavulavu no anu lavuloto xe ngingi Tapalisi. Vaika­la­mengi ilou ilixomenge vilesisi uasi! Xo mimi se ngatounu no xai so u'oxonu la'ilali tu'axu la sasaiengi so ngaxexenu pa'usou no anu 10 so lexe noxou Mosinge. Ngingi ngamulinu lavuloto kitu­kitu axone io mi ane mutiatila no anu lo a tangengivulusiou to. Mi mutiatila aloxo ilixo so nga'oxone'i tamenexinge no anu ilixo mulapusi mo no anu alauna xe vote'i so ngalopala noxou Mosingesi. Anu laixe so oponge­ngi u'oxoxu mimi mutiatila no anu lo axone xe tangengi­vulusiou mi kitukitu no anu kalumo uasi.

Ta'aposeli 8:1

La Sauli mumaisi'a mivau Sitiveni axone la anu mu'osa xo oponu vilesisi axone. Ioxe, no anu voxo anene la tamitema misoko'u so itovonu so imamulonu pita ne Ielusalemo. Laso ane'i tatemanu pita ne mipaxelele mo milailai no xale lia ne Iutea xe ne Samalia. Ane'i ta'aposelisi mixolu ne Ielusalemo.

2 Timoti 4:15

Laso nini kalumo nalaxa'i laixe noxou itema ne xo anu xavinu so muxililiou votovoto noxixe.

2 Timoti 3:8

Anu tatei la Tianesi ilou Tiamivilesi mixililiou Mosisi la anu axonesi noxi'a tamitema ano'o so ixililiou vaikala temanu anu manina. Tamitema ne xavutalai'a xalusousi mo ixolu va'axu avile no anu lopala na'a nenge.

Ta'aposeli 13:8

Mu'avali'a ia menexu e Vaiesusi ne anu muxilili'a Vanavasi ilou Sauli xo anu umasaxa so tatila no anu xamani ne ulopala noxou Iesua uasi. Vaiesusi ne anu ualasou vilela lexe Elimasi xo anu uala ne laxu lexe itema so sa iouiou.

Ta'aposeli 5:40

Ioxe, ane'i mi'avali'a ta'aposeli mi'unala la mivikalane'i tamitema so latolo lexe ipuapuasi'a no anu leti tavalanu ane misakinu mimi ana'anaxu no anu. Mo ane'i mivikala pakia'ula lexe mamu so ivotovoto no anu ualasou Iesua. Mukalu la mi'italone'i milaisi.

Ta'aposeli 5:28

“Loxova? Mala'o nexi te'apingenge lexe ngavotovoto no anu uala anene mamu. Ia ngingi ngea'alo ngea'alosi. La a'alo mu­su'a­sou Ielusalemo avile mo ngingi ngato'omexe no anu soli noxou.”

Tioni 9:34

Ioxe, ane'i Tapalisi milomusou vaikalaou axone sila mivikalanu lexe, “Loxova, nini nexoxolu no anu susu mi ne nevo'o mo mune'e avile vaimomo 'o, ia ne'oxo lexe napela'ixe 'o, ne?” La ane'i miku­saousi.

Tioni 9:24

Ioxe, alaxu tameisou mi'avalou itema e iou selevenu tei olele kaio mivikalanu lexe, “Nasakinu vaikala lexe nini na'itinu Mosinge ualasousi mo navikala maninasi. Nexi telavu lexe anu e mupai­pouneni, anu itema so susu, ne?”

Tioni 9:22

Momu olie nenu mivikalane'i axone xo mi'ume'a tatiatila noxi'a Taiuta ne. Mi'ume'a xo tatiatila opone'i vilesisi mukalu lexe loxo itema vile ulanu vaikala lexe Iesua anu ane so Kalaisiti, la ikusaou itema ne so u'una no anu tasou lavulotola uasi.

Matiu 23:25

Anu masua noxinge ngingi tamitema so lavulavu no anu lavuloto xe ngingi Tapalisi. Vaika­lamengi ilou ilixomenge vilesisi uasi! Xo ngingi xavinge­ngi so nga'uinu vasimolu kapu xe lisi. Ia temanu nonano la ngingi ngatanu susu a loxo pakali xe ilixo so ngaxavutalanu masaxa na'a ngi­ngisi.

Matiu 3:7

Ia anu mumaisi'a tavu'alo noxi'a Tapalisi xe Tasatusi ine'ene'e no apu ne so u'oxonu iloxo so kelele noxi'a la muvikala tatila noxi'a aloxo 'o, “Ngingi ne, ngingi nga­xilisi mo nga'oxo loloxa'a tami­tema, ia anu loxo lamalasini masua uxolu no anangene a loxo tasineke tamasua to. Ena'ei muvikalan­gengi so nga'u­mesou voxo so la'ia e unene'e 'o?

Matiu 23:16

Anu masua noxinge xo ngingi tamitema so ngapamuxane'i tame­ne­xinge no vote'i ia ngingi iengi selevenu to! Xo vaikalamengi aloxo 'o, 'Loxo itema vile ulemolu tasou Mosinge so usakinu vava­lima noxou xe loxo ili'i uxola'u la anu mi vile uasi. Ia loxo ulemolu koli so tasou Mosinge so usakinu vavalima xe loxo ili'i uxola'u la anu masua e masua manina.'