Matiu 22:16 - Ata New Testament

¹⁶ Laso ane'i mipalusi'a tatisaipelii'a oli'a laili e mivalaxu Eloti se'i milai noxou Iesua mo mivikalanu lexe, “Tisao, nexi talavu lexe nini namitema so vaikala maninasi. Nini napelototo no anu vaikalaou Mosinge manina­sousi mo namama'u noxi'a tamitema uasi. Ane'i tatiatila o tamitema vitanisi ne navikalane'i iou vilesisi.

Matiu 22:16 Referans Kwoze

Maki 3:6

Mukalu la Tapalisi milala xe no anu voxo nesi la mipita noxi'a laili e imoxo'a lexe Ta'eloti so oli'a ikamulinu vote'i so ivau Iesua usoli.

Luku 20:21

La mivikala noxou lexe, “Tisao, nexi talavu lexe nini namitema so vaikala maninasi. Ane'i tatiatila o tamitema vitanisi ne navikalane'i iou vilesisi. Ane'i latala ne napelototosi'a no anu vaikalaou Mosinge mani­nasousi.

Maki 12:14

Mixali noxou la mivikalanu lexe, “Tisao, nexi talavu lexe nini namitema so vaikala maninasi. Mo namama'u noxi'a tamitema uasi. Ane'i tatia­tila o tamitema vitanisi ne navikalane'i iou vilesisi. Ane'i latala ne napelototosi'a no anu vaikalaou Mosinge maninasousi. Laso naxavutala axova? Anu laixe so nenge tasu'anu taxisi ulai noxou kingi noxi'a Talomu e Sisa, o uasi?

Maki 8:15

Xe Iesua mupelototosi'a lexe, “Masi ngamalei laixe. Ngalaxa'inu isiti noxi'a Tapalisi oli'a Eloti so opongengi ulai no anu uasi.”

1 Tioni 5:20

Mo telavu aloxo 'ola. Mosinge Olu mune'e mukalu kaio mulama­naninenge so talavusou Mosinge maninasou. La nenge a taxolu nonano noxou Mosinge xe noxou Olu Iesua Kalaisiti. Anu ne Mosinge maninasou xe tava'u mauli kaluxu uasi.

Tioni 18:37

Ka Pailati mutali'isoula lexe, “Laso anu manina lexe nini nakingi, ne?” La Iesua muvikalanu lexe, “Nini mene nelemolumo lexe eni akingi. Tava'u so evo'o exali no lialia a so apalapala'anixu vaikala anu temanu maninasi. Xe tamitema mukalusi ane so vaikala anu temanu mani­nasi ne ilavusou ilolomuxosi.”

Tioni 14:6

La Iesua mukolinu lexe, “Eni enisisi vote'i mo tava'u vaikala manina mo tava'u mauli. Eni enisisi vote'i so tamitema ilai noxou Mosinge anu Maminge. Vote'i vilela so ipolo no anu uasi.

Tioni 7:18

Anu ena'ei loxo ulanu vaikala ane molu muxa­lixusi, la anene anu molu umasaxau u'itinumo ane. Ia ena'ei ane umasaxau u'itinu ualasou anu ane mupalusou mune'e, la anu ne anu maninasi mo mi vile ukilikalu uxolu noxou uasisi.

Tiemisi 3:17

Ia noxi'a ane'i ane ixalisou lavulavu mu'asi'asi e ululu'e no tualasou Mosinge, la mi ane tamaleisou tei a so xoluxoluxa'a malemalenga. Xe kalumo la tamalei lexe ilavusou ixolu se'isisi mo opone'i lexasi mo opone'i ukisi noxi'a tamitemasi. Xe ane'i tami­tema ane xo ne xoluxoluxa'a uxalixu nene'axu laixe so i'alauna misevile mo i'oxonu iou vilesisi noxi'a tamitema mukalusi. Xe ikalavoi uasi, xo ilixo noxi'a iou vilesisi no anu vaikalai'asi.

1 Tesalonaika 2:4

Xo Mosinge molu musosovosixe mo mu'osasixe so taxaxai la mupili­xinu vaikala laixe noxixe so talanu. Laso maixene loxo talanu la taxa­vutalane'i tamitema uasi taxavu­talanu Mosinge lexe u'osasixexusi, xo anu molu utilovosou oponexi.

Xalesia 2:6

Ioxe, eni elulusou votovoto noxilo noxi'a tatiatila e ualasi'a ne ia ane'i imulaxu vaikala sevile no latanu uasi. Ai, eni amoxo'a lexe tatiatila e ualasi'a, ia noxilo la anu mi vile no anu uasi. Tamitema mukalusi iou vilesisi no iou Mosinge.

Xalesia 1:10

Xo axova, nga'oxo lexe alemolu vaikala ano'o so tamitema i'osasilo o so Mosinge u'osasilo? Eni sasaieli so axilisine'i tamitema, ne? Uasi to, xo loxo eni opoleli ututulu lexe tamitema i'osasilosi, la vote'i so axolu amitema so xaixai noxou Kalaisiti uasisi.

2 Kolini 5:16

Ioxe, laso vaimomo 'o tamulinu xavutala so lialia 'o so tatilovosou ilixone'i tamitema uasi. Xo tei la vote'i no anu saxisaxi noxinge noxou Kalaisiti, la temulinu xavutala so lialiasi. Ia vaimomomo 'o nenge tatilovosou axonela uasi.

2 Kolini 4:2

Xe nexi telalaxinu oponexi lexe ili'ilixo ane tamitema i'oxonu ka italumeu xo imailamulinu ne, nexi talai no anu uasisi. Laso muamua'inexe no anu kalavoi uasi xe taxiuxiunu laxu Mosinge vaikalaou uasi. Nexi talavusou talanu vaikala maninasi mo so anu upalasi no tane'i tamitema lexe xaixai na'a nexi ulapu no iou Mosingesi.

2 Kolini 2:17

La nexi loxo tamitema leviani uasi xo ane'i la ilailai so imaketi no anu Mosinge vaika­laousi. Ia nexi 'o takalavoisou uasi xo texalisou xaixai ano'o noxou Mosinge mu'isalili. Laso taxolu noxou Kalaisiti so talanu vaikalaou no iou Mosingesi.

Luku 7:40

Ia Iesua mulavusou xavutalaou ne la muvikalanu lexe, “Saimonio, eni vaikala vile so alemolu noxine 'o.” La anu mu'oxe, “Io'o, Tisa nalemolusi.”

Maki 10:17

Mukalu xe Iesua so ulutu umuamua'i la itema vile muiave mune'e muxali noxou. Muxali noxou la muxolasou tava'u no laxunu, la mutali'i lexe, “Tisa laixeo, eni a'oxonu mi ma'i so axalisou mauli kaluxu uasi?”

Matiu 26:49

Laso Iutasi mune'e muxali la alaxu vilesisi mumaxa'u sexela noxou Iesua mo muvikala lexe, “Olovoxo, Tisa.”

Matiu 26:18

La anu mupela'axu itema vile mukalu la muvikalane'i lexe, “Ngingi ngalai ne Ielusalemo la ngaxali noxou itema ne ka ngavikalanu lexe, 'Tisamexi u'oxo lexe voxosou a mune'e alai mukalu mo anu umasaxau so oli'a tatisaipeliou ine'e no tasine so i'ou lavilelu so Mualasi'a.'”

Matiu 22:26

Laso vimou tameisou mutau­la'ixe ou ia upala noxie kalumo uasi, musolila. La anu axone noxou tatalusou mo mulai avile muxali noxou anu ane 7-si'a.

Matiu 22:24

“Tisa, lavuloto vile Mosisi mulemolu aloxo 'o, 'Loxo itema vile upala uasi ia usoli la vimou utaula'ixe ou ne mo ukolinu vimou e musoli ne so uxalixu olu noxie.'

Maki 12:13

Ioxe, mune'e la tatiatila mipa­lusi'a Tapalisi oli'a laili e mivalaxu Eloti se'i milai noxou Iesua. Mipalusi'a so i'oxonu loloxu Iesua no anu vaikala. Xo mimasaxau so loxo Iesua ulemolu vaikala ma'ia susu la ikotixu no anu.