Matiu 22:11 - Ata New Testament

¹¹ Ioxe, kingi mu'una so usaxisi'a tamitema ane mita'olu so i'ani nonano ne. La mumaisou vile noxi'a umulaxu lavuluti u'isalili no anu voxo so taula'i uasi.

Matiu 22:11 Referans Kwoze

Mupala'a 19:8

Xo Mosinge mulosie lavuluti kea lailaixe ane muvalukea mo male­malengasi.” Lavuluti kea lailaixe ne anu usosovosou ili'ilixo male­malenga noxi'a tamitemaou mu'isa­lili.

2 Kolini 5:3

Mo so loxo takelele ta'una no anu la nenge taxolu vitanisi uasi.

Lomu 13:14

Nga'oxo axone uasi, nga'oxo aloxo 'o. Ngingi ngaxolu noxou Tatananenge Iesua Kalaisiti ane, laso opongengi ututulu no anu vaikalaou. Ngapili­xingengi no anu susu tava'u no vasimenge so ngamulinu masaxa no anu uasi.

Mupala'a 16:15

La Tatananenge vaikalaou aloxo 'o, “Ai ngalomu. Ane'e la tamitema ikulukemelo aloxo ikulukemolu itema so pakali. Laso ngingi la ngaai uasi, ngasakinu lavalava so ngaxolu ngalalaxi. Mo so axone la ngaxalisou osa. Xo loxo uasi la ngingi loxo itema ane ukuluke xe ula mo uxalisou maila no ie'i tamitema xo pangapanga'usi.”

Mupala'a 3:18

Laso apelototosinge aloxo 'o. Ngane'e noxilo so ngaxalisou koli e navu mu'elaxu so uxexenu mimi masua no anu. Ngaxalisou laso ane, ngaxolu no latanu mimi lailaixe ne. Xe ngaxalisou lavuluti kea so ngasu'asinge no anu mo so ngamailamulinu vasimenge vita­nisi ne uasi. Xe ngaxalisou lamalasini mo ngamulaxu no iengi so ngasaxisaxi.

Mupala'a 2:23

Mo kalumo noxi'a ta'ilie la ave'ave'a isoisoli. Mo so axone la tatemanu pitapita mukalusi ilavu lexe eni atilovosou xavutala mo opone'i tamitema mukalusi. Atilo­vosou ukalu la alosi'a nene'axu umomomo no anu ilixo noxi'a vilevilesi.

Xalesia 3:27

Ngingi ane ngexalisou kelele so nge'una noxou Kalaisiti, la ngesu'asinge avile noxou aloxo itema usu'asou no anu lavalava.

1 Kolini 4:5

Molu utilovosilo ia voxosou uao. Laso mamu so ngingi ngatilotilovo kolokolo. Ngaxolu ngaxomaiou voxo so Tatananenge une'e. Une'e la uno'u mimi a utatalume no isivoxo mukalusi ka umulaxu no lamana. Xe no anu masamasaxa no oponenge tamitema la anu upala'anixusi. Laso ane, no voxo anene Mosinge molu uvikala laixe so xaixai noxinge aneva u'osasou.

Lomu 3:22

Vote'i anene aloxo 'o. Mosinge molu umoxo'inge tamalemalenga loxo talopala noxou Iesua Kalaisiti. Anene vote'isi'a tamitema latala, iou vilesisi.

Matiu 13:30

Ta'oxo aloxo 'o. Ngapilixinu uxolu mo ilou ileme xo mo uiti lingamo. Xe no anu voxo so tamitema so i'elesoui la eni avikalane'i lexe tei ane'i itaxusou laxalasi masua ka isa­kinu tavata­valanu so i'elaxu no navusi. Ukalu la i'elesou uiti temanu mo ita'olunu no tasou iauvaxe noxilo.'”

Matiu 3:12

Anu Tatananenge mulalaxi so utongone'i tamitema mo ukalipa­lane'i. Ukalipalane'i tamitemaou noxi'a ane'i ane tamitema so susu. Xo anu loxo itema e utetelisou lasovolu so ususunu no anu uiti ka uleanu ulai teitexi. Uleanu ulai teitexi xe sivo uilisou la utavulenu sosou uxexe io ngiaxusi ulapau uai no lia. Mukalu la anu utaxusou uiti ngiaxu mo uta'olunu no tasou u'isalili. Ia sosou ne, anu usi'alonu so u'elaxu no navu ane u'ani'ani mo kaluxu uasi.”

Matiu 22:10

Anu mupalusi'a axone la ane'i tauo­kuvoi mipaxele milai no votevote'i. Milai xe mixalisi'a tamitema ta'ei talaixe xe tamasua, la mipitane'i mukalusi. Mipitane'i ka mine'e mitalupexasi'a no anu tasou lavilelu so taula'i ne xo mole muana'ana avile.