Matiu 21:43 - Ata New Testament

⁴³ Laso avikala­ngengixu voxo so Mosinge molu u'uli laxune'i tamitemaou aloxo 'o. Anu uxexenu no avonge so mi noxingela uasi. Mukalu la upili­xinu noxi'a tamitema laili vile ane so isaxila'u mo ixalixu nene'axu laixe no anu.

Matiu 21:43 Referans Kwoze

Matiu 21:41

La ane'i mivikalanu lexe, “Anu masi umamulone'i tamitema tama­sua ne avilesi. Ukalu ka upilixinu xaisou uaini noxi'a tamitema se'ila. Upilixinu noxi'a tamitema talaixe so isaxila'u xo axone la itaxusou nene'axu mo ilosou no voxosou xai lingamo.”

1 Pita 2:9

Ia loxo ngingi ne, Mosinge muilongengi so ngexali laili noxou mu'isalili. Xe ngaxolu tapilisitisou tasou kingi mo lasilili ane malemalengasi mo tamitema ane musosovosinge lexe tanoxou mu'isalili. Laso ngingisi a so ngapala'anixu ilixo lailaixe mu'u­li'uli avile noxou e mu'a­valinge ngela no anu isivoxo so nge'una no anu lamanaxu lailaixe ne.

Tioni 3:3

La Iesua mukolinu lexe, “Eni avikalaneni manina e maninasi, loxo itema vile uxalisou lavulo'o alavua uasi, la vote'i uasi so anu uxolu umaisou voxo ane Mosinge molu u'uli laxune'i tamitemaou.

Tioni 3:5

La Iesua mukolinu lexe, “Eni avikalaneni manina e maninasi, loxo itema vile uvo'ola no anu lexa xe Ulenu Laixe uasi, la anu umomomo uasi so u'una uxolu no voxo ane Mosinge u'uli laxune'i tamitemaou.

1 Kolini 13:2

O loxo eni exalisou lavulavu so pela'a no anu Mosinge vaikalou mo alavu no anu lavulavu e mutalume tatei. Mo kalumu loxo lopala noxilo xavinu so uvalanu la'ola'olu usuku no tanitanixu alavua. Ia loxo asexelaxa'a tami­tema uasi la lavulavu ilou lopala ne anu mi vitanisi ane.

Matiu 12:28

Ia loxo Mosinge avolu uxolu noxilo so akusai'a ta'angelo tama­sua la masi ngalavu lexe voxo so Mosinge molu u'uli laxune'i tami­temaou a mune'e alai noxinge 'oe.

Matiu 21:42

Xe Iesua muvikalane'i lexe, “Mosinge vaikalaou pa'usou vile ngingi masi nga'itisou uao. Xo uvikala lexe, 'Ane'i tamitema so itulusou tani mimatapianu lavo'o vile. Ia lavo'o nesi Tatananenge muilounu so muxali lavo'o so tani kisou. Tatananenge molu muxalixu mi ne xe tesaxisou la takuluke xo lailaixe misevile.'

Matiu 21:44

Xe no anu lavo'o ne la loxo itema utulaki mo ulapau no latanu ne la ukakaka e lapilai uasisi. Ia loxo lavo'o ne ulapau utuvusou itema la anu umamulo e utuxu upaxepaxelesi.”