Matiu 21:11 - Ata New Testament

¹¹ La tamitema latala e mimuamua'i ne mikoline'i lexe, “Anu polopeti e Iesua, anu so tuala Nasaleti ne Xalili.”

Matiu 21:11 Referans Kwoze

Tioni 6:14

Ioxe, ane'i tamitema mimaisou sosovosou so xavi anene la ane'i mivikala lexe, “Ai manina misevile, ano'o ne Polopeti e Mosinge muvikala lexe upalusou une'e no lialia.”

Tioni 7:40

Ioxe, leviani noxi'a tamitema latala milomusou vaikalaou Iesua axone laso mivikala lexe, “Ani manina, ano'o Polopeti olelesi ane.”

Luku 7:16

Tamitema mimaisou mi ne la mama'u mukasi'asi mo misoko'u so i'itinu Mosinge ualasou. La mivikala lexe, “Ai, polopeti vile tila manina a muxali no tainenge 'oe!” Mo mivikala lexe, “Mosinge a mune'e noxi'a tamitemaou 'o.”

Ta'aposeli 7:37

La itema Mosisi nesi, anu itema ane muvikalane'i tatiatilasinge Ta'isilaeli tatei lexe, 'Mosinge usosovosou polopeti vile loxo eni 'o. Anu molu noxinge u'isalili.'

Tioni 9:17

La ane'i mitali'i noxou itema e iou selevenu tei olelela lexe, “Nini namosou e na'oxo lexe mupaipounu ieni ne, laso nini navikalasou axova?” La anu mukoline'i lexe, “Anu polopeti vile ane.”

Matiu 2:23

Ane'i milai no xale lia ne la mixolu no tuala ilemolu lexe Nasaleti. Mixolu ne laso muxalixu nene'axu vaikalaou Tata­na­nenge ane polopeti vile mukaukavunu tatei lexe, “Ane'i imoxo'u lexe itema so Nasaleti.”

Tioni 4:19

Sila sema ne mivikalanu lexe, “Tilao, anu mupalasi noxilo lexe nini masi polopeti vile ane.

Tioni 1:21

La ane'i mitali'isou lexe, “Laso axova? Nini Elaitia?” La anu mu'oxo lexe, “Eni amitema ne uasi.” La mitali'ila lexe, “Nini Polopeti oleleo?” Ia anu mukoline'i lexe, “Uasi to.”

Maki 6:15

Xe se'i mivikala lexe, “Anu masi Elaitia ane.” Xe se'i mi'oxo lexe, “Anu polopeti kaini loxo ane'i tapolopeti tatei ane.”

Luku 24:19

La Iesua mutali'isi'a lexe, “Mimi ma'ia e ngalemolu ne?” Laso ilou mivikalanu aloxo 'o, “A telemolu mimi e muxali noxou Iesua so Nasaleti. Anu polopeti vile ane mu'oxonu xaixai xavinu mo mulanu vaikala mutiatila manina no iou Mosinge xe no ie'i tamitema latala.

Tioni 1:25

a mitali'i noxou Tionila. Mi'oxo lexe, “Loxo nini ane so Kalaisiti o Elaitia o Polopeti olele uasi laso tava'u axova so na'oxonu ilixo so kelele noxi'a tamitema?”

Luku 13:33

Ia vaimo­mo 'o xe ne'iela xe ualisa la eni amuamua'i alaisi. Xo umomomo so ivau polopeti no tuala vilemo uasi, ane'i ivau ne Ielusalemo u'isalilisi.

Luku 7:39

Mi'oxo axone xe Palisi e mu'avalou Iesua mune'e ne mumaisie la muxavutala no oponu lexe, “Uo, loxo anu polopeti manina la anu ulavusie sema e ikasou 'o lexe ane sema so sususi ane.”

Matiu 21:10

Ioxe, Iesua mu'unalai ne Ielusalemo la tatemanu taoni ne mukalusi miuauavuti la mitatali'i lexe, “Itema ne ena'eio?”

Matiu 21:26

Ia loxo nenge ta'oxo lexe anu mi noxi'a tamitemasi, la nenge masi ta'ume noxi'a tamitema 'o. Xo ane'i milopala lexe Tioni ne anu polopeti manina.”

Matiu 21:46

La opone'i ialuxu manina so lexe itetelisou ia vote'isi'a uasi. Ane'i mi'ume'a tamitema latala ne xo mitaxanu Iesua lexe anu polopeti.