Matiu 21:1 - Ata New Testament

¹ Ioxe, Iesua oli'a tatisaipeli milutu xo mo a so ixali ne Ielusalemo. La mixali no tuala ne Petivaxe a muxolu no la'olu Olivi. Mukalu la Iesua mupalusi'a tatisaipeliou tamei mi'uli.

Matiu 21:1 Referans Kwoze

Tioni 8:1

Ioxe, ia noxou Iesua la mulai no la'olu Olivi.

Luku 21:37

Ioxe, no voxovoxo utotomu la Iesua muxolu muvotovoto nonano no vimelusou tasou Mosinge. Ia no olovoxo la anu ula so ulai uno'u ai no la'olu Olivi.

Matiu 26:30

Mukalu laso ane'i milexenu lexesou Mosinge. Milexenu mukalu la milutu milai mixali no la'olu Olivi.

Matiu 24:3

Xe ili'i la Iesua mutalupexa no la'olu Olivi la tatisaipeli ane'isisi mine'e noxou mo mitatali'i noxou lexe, “Nini napala'anixu noxixe lexe voxosou mi e nelemolu a talu? Axova, sosovo vile so nexi talavu lexe nini a so nalivu nane'e mo talavu lexe lialia 'o so ukalu?”

Ta'aposeli 1:12

Ioxe, ta'aposeli milutu no la'olu Olivi la milivu milai ne Ielusalemo. Anene nopaxa malaxo uasi. Mimuamua'i loxo Taiuta imomomo so imuamua'i no anu Voxo so Ma'ila.

Luku 22:39

Ioxe, Iesua mulutu no taoni mula mulai no la'olu Olivi loxo ulavusou u'oxonu utotomu. La ane'i tatisaipeliou mimulinu milai.

Maki 14:26

Mukalu laso ane'i milexenu lexesou Mosinge. Milexenu muka­lu la milutu milai mixali no la'olu Olivi.

Matiu 20:34

Xe Iesua tanuxa'a misevile laso mumulaxu avolu no ie'i ilou. Sila alaxu vilesisi ilou misaxila. Sika ilou mimulinu milai.

Matiu 21:2

La muvikalane'i aloxo 'o, “Ngilou ngalai no tuala uxolu no laxunenge olele. Ngilou ngaxali la alaxu vilesisi ngamaisou toniki vile misakine xe ilie a uxolu noxie. La nalulusou lamotasi'a ka ngane'ene'i noxilo 'o.

Maki 13:3

Xe mune'e la Iesuaena mixolu no la'olu Olivi la iou mulaiou tasou Mosinge muxolu xalevile olele. La Pita xe Tiemisi xe Tioni xe Anitilu mine'e mitali'isou aloxo 'o,