Matiu 20:21 - Ata New Testament

²¹ La Iesua muta­li'isie lexe, “Nini namasaxau mi ma'ia?” La ane mivikalanu lexe, “Eni amasaxau lexe no voxo loxo nini mene na'uli laxune'i tamite­mameni la na'avali'a ta'alixeli tamei 'o so italupexa no pa'umene. Vile no avone tema xe vile no anu kaisi.”

Matiu 20:21 Referans Kwoze

Matiu 19:28

La Iesua muvikalane'i lexe, “Eni avikala­ngengi manina aloxo 'o. No voxo loxo mimi uxiu uxali alavuala la Itema ane molu noxou Mosinge utalupexa no anu sia kingi iaxu noxou. Ioxe, laso no voxo anene ngingi ane ngemulileli 'o, ngingi ngatalupexa no anu sia kingi 12 kalumo. Ngatalupexa ne so ngato­ngonu ilixo noxi'a laili 12 noxi'a Ta'isilaeli.

Matiu 18:1

Xe no voxo ne tatisaipeli mine'e mitali'i noxou Iesua lexe, “Ena'ei noxixe ane so u'uli'uli no voxo so Mosinge molu u'uli laxune'i tamitemaou no tualasou?”

Ta'aposeli 1:6

Xe no voxo anu so utelai la oli'a mixolu mipita. La ane'i mitali'isou lexe, “Tatananexio, aloxova? No voxo ano'o nini mene natulu nakingi no xale lia ne Isilaeli so nexi talalavulusi?”

Maki 6:22

Mulingai'a xe oli'a mixolu i'ani'ani la Elotiasi ilie vuanga mi'una milei no laxune'i. La Kingi Eloti oli'a tatiatila mi'osasou lei noxie misevile. Laso anu muvikalane lexe, “Nalingau mi ma'ia noxilo la eni alosinesi ane. Nalemolusi.”

Matiu 20:32

Ioxe, Iesua mutulu sila mu'avali'a ka muvikalane'i lexe, “Ngingi ngamasaxau a'oxonu mi ma'ia noxinge?”

Kolosi 3:1

Ioxe, Mosinge mutulusou Kalaisiti no anu soli la ngingi ngoli'a ngetulu ne. Laso opongengi u'oxoxu mimi ane so teiteximo. Xo teitexi ne, Kalaisiti a utalupexa no anu sia kingi noxou no anu Mosinge avolu tema.

Lomu 12:10

Mo ngamasaxa'inge ngato'o xo ngingi tavivinge ane. La ngingi vilevilesi ngalu'engengi io ngavi­kalasi'a tavivinge laixe.

Tioni 15:7

Loxo ngaxolu ngatoxo avile noxilo mo vaikalaxeli utoxo avile noxinge xe ngalingau mi ma'ia ngamasaxau la ngingi ngaxalisou ane.

Luku 22:24

Ioxe, mukalu la tatisaipeli a misoko'u so i'oto'oto no anu vaikala lexe ena'ei noxi'a so u'uli laxune'i.

Luku 19:11

Ioxe, tamitema latala mixolu milomusou Iesua muvivikala laso anu musolonu vaikalaou la mu'oxonu latilovo. Latilovo ne so upalomatanane'i xo anu a muxali alai ne Ielusalemo la ane'i latala opone'i lexe voxo so Mosinge u'uli laxune'i tamitemaou masi a so upala'a.

Luku 18:41

“Nemasaxau lexe eni a'oxonu mi ma'ia noxine?” La anu mukolinu lexe, “Tatilao, eni amasaxau lexe amaleila.”

Maki 10:51

La Iesua muta­li'isou lexe, “Nini namasaxau lexe a'oxonu ma'ia noxine?” La itema iou selevenu ne mu'oxo lexe, “Tisa, eni amasaxa lexe ieli lamana so asaxila.”

Lomu 8:34

Laso ena'ei uto'omenge lexe tina'unenge so susu uxolusio? Uasi manina. Xo Kalaisiti Iesua musoli mo mutulu ne. Mo vaimomo 'o a utalupexa no anu Mosinge avolu tema so uvalanenge noxou lexe mukolinu tina'u so susu noxinge mukalu.

Maki 16:19

Ioxe, Tatananenge Iesua mupelototosi'a mukalu la anu mutelai muxali no tualasou Mosinge. Muxali, la mutalupexa no avolu Mosinge tema.

Matiu 20:22

La Iesua muvikalane'i ilou aloxo 'o, “Ngingi ngilou ngalamana no anu mi ane ngalingau uasi ane. Xo ngingi ngamomomo so ngaiexu lexa sixula eni so aiexu 'o? La ilou mi'oxo lexe, “Ani nexi tamomomo ane.”