Matiu 20:2 - Ata New Testament

² La anu muvikala lexe ulotone'i no anu kina vilevilesi so aso ne, la ane'i mi'osa. Laso anu mupalusi'a milai mixaxai no anu xaixu so uaini ne.

Matiu 20:2 Referans Kwoze

Mupala'a 6:6

Xe elomusou xoli vile molu no taine'i tamimi tami'a muvikala aloxo 'o, “Nini nalai na'oxonu xaixai noxine so vitolo. Laso loxo itema uxaxai aso loloni xe uxalisou lapesou la ulotonu uiti malaxo uasi. Umo­momo no anu lasopeni se kitua sesi. Xe loxo vali ngiaxu la lasopeni tatalu kitukitusi. Ia no anu ovu olivi xe lamota uaini la namamulonu mamu mo so tami­tema ino'u lexaxusio.”

2 Timoti 3:15

Mo tatei mi ne molomoloxenesio la nesoko'u so nalavulavu no anu lavuku so Mosinge vaikalaou mu'isalili. Lavu­ku ne xavinu so mulosine lavulavu u'asi'asi ane mulosoienixu vote'i so nalopala noxou Kalaisiti Iesua ka nexalisou pamauli noxou.

Luku 10:35

Musaxila'u xo xe no kakau la mupilixinu lamoli siliva tamei noxou mosou tasi'a taasila ne. La muvikalanu aloxo 'o, 'Nini navu'ulinu itema 'o laixe. Xe loxo lamoli tamei 'o umomomo uasi, la eni akolineni loxo alivu ane'e.'”

Luku 1:15

Xo anu ualasou utiatila no iou Tatananenge. Anu uiexu uaini o lexa pakia'u uasi. Mo loxo uxolu no anu nenu oponesio, ivo'onu uao, la Ulenu Laixe uxolu noxou lumamo.

Matiu 22:19

Ngamaxa'u lamoli siliva e ngalavusou ngasu'anu so taxisi ne.” Sila ane'i mine'enu ka mimaxa'u noxou.

Matiu 20:13

Xe mosou xai mulomusou vaikala anene la muvikalanu vile noxi'a lexe, 'Vivilo, eni asusunixine uasi a. Xo tei la nengei oponenge vilesisi no anu lapemeni e kina vilesisi, ne?

Matiu 18:28

Ioxe, mukalu xe uokuvoi ne mulai noale la muxalisou menexu uokuvoi vile ane tina'uxu 10 kina muai noxou. La mutetelisou ka mukapi laxu mo muvikala lexe, 'Napalea nakolinu tina'uxene muai noxilo 'o.'

Matiu 9:37

Laso anu muvi­kalane'i tatisai­peliou lexe, “Xai lingamo mo nene'axu tavu'alo a mulalaxi mukalu, ia tavokuvoi so itaxusou a tata'ei mososi.

Matiu 20:1

Ioxe, no anu ngiou so itema loxo u'uli o uili'i la Iesua mulemolu latilovosou. Muvikala lexe, “Xo voxo so Mosinge molu u'uli laxune'i tamitemaou no tualasou la anu aloxo 'o. No kakau manina la itema vile liaxu tavu'alo mulai so utaxusi'a tauokuvoi so ixaxai no anu xai so uaini noxou.

Matiu 20:3

Xe mune'e no anu aso iou loxo 9 kiloko 'o la mosou xai mulai muxalisi'a tamitema se'ila a mitu­lutulu vitanisi no loxomala.

Maki 12:15

Talosi'a Talomu lamoli ne o uasi?” Mivikala axone ia anu mulavu no anu lolo noxi'a ne laso mukoline'i lexe, “Axova so ngato­voleli? Ngane'enu lamoli siliva vile ane ngasu'anu so taxisi mo amaisou 'o.”

Luku 20:24

“Ngane'enu lamoli siliva vile mo ngamaxa'uielixu.” Mine'enu laso mutali'isi'a lexe, “Pikisa mo uala no lamoli 'o noxou eio?” La ane'i mi'oxo lexe, “A noxou kingi Sisa to!”

Matiu 20:9

Laso ane'i ane misoko'u mixaxai no anu 5 kiloko se no o'olovoxo ne la mino'u kina vilevilesi.