Matiu 20:16 - Ata New Testament

¹⁶ La Iesua muvikala lexe, “Anu axonesi. Tamitema tavu'alo e i'uli'uli vaimomo 'o ilai iili'i ane. Xe ane'i ane iili'i vaimomo 'o la ilai i'uli avile ane.”

Matiu 20:16 Referans Kwoze

Matiu 19:30

Mo aloxo 'o. Tamitema tavu'alo e i'uli'uli vaimomo 'o ilai iili'i ane. Xe ane'i ane iili'i vaimomo 'o la ilai i'uli avile ane.

Maki 10:31

Mo aloxo 'o. Tamitema tavu'alo e i'uli'uli vaimomo 'o ilai iili'i ane. Xe ane'i ane iili'i vaimomo 'o la ilai i'uli avile ane.”

Matiu 22:14

Xo ngalomu, ava uxali noxi'a tamotu tavu'alo ia sosovo uxali noxi'a tata'eisi so i'unalai.”

Luku 15:7

La Iesua muvikala aloxo 'ola, “Avikalangengi lexe tami­tema 99 loxo milapusi mukalu la tava'u so ixiunu opone'i mo i'isalilinoxula uasi. Laso anu laixe, ia loxo itema so ilixo masumasua soxu vilesisi uxiunu oponu mo u'isalilinoxu la osa'ilasou no tualasou Mosinge uua'ulixu ane so si'a 99 olele.”

Lomu 9:30

Ioxe, nenge tavikalasi'a Ta'isi­laeli axova? Xo tamitema noale'ale ne ane'i sasaie'i so me'a ixali tamalemalenga uasi. Ane'i milopa­lasi laso maixene mixali tamale­malenga no iou Mosinge.

Matiu 7:13

Xe muvikalala lexe, “Ngingi xavingengi so nga'unalai no anu aitenga ane kitua sesi. Xo aitenga e ulai no anu mamulo la tatila musuku laso maixene tavu'alo ipolo no anu vote'isou xo ixaxasi so imulinu.

Lomu 8:30

Xe nenge ane musosovosinge tatei ne mu'ava­linge kalumo. Mu'avalinge mo mumoxo'inge lexe nenge tamale­malenga no iou. Mumo­xo'inge axone laso ili'i la nenge talailai noxou mo xoluxolu noxinge iaxusi no tualasou.

Luku 14:24

Ia avikalaneni manina lexe tamitema e eali'a tei ne imomomo uasi manina so ino'u la'ilali sevile noxilo 'o.'”

1 Tesalonaika 2:13

Ioxe, laso utotomu nexi tavikala laixe noxou Mosinge aloxo 'ola. Ngingi ngelomusou Mosinge vaikalaou noxixe la ngeno'u loxo tamitema vaikalai'a uasi. Ngela­mana no anu lexe anene vaikalaou Mosinge u'isalili ane. Xe ngelo­palanu laso maixene vaikala anene muxaxaisinge.

Lomu 5:20

Ioxe, no anu lo, la Mosinge mumulaxu mo so susu upala'a u'oki avile. Susu mupala'a mu'oki axone, ia iaiama kalumo mupala'a mo mu'oki avile.

Luku 7:47

Laso avikalaneni aloxo 'o. Sema ano'o susu noxie mulolutu, ia tina'uxe muiasi mukalu. Laso maixene isexelaxo tatila 'o. Ia itema ane tina'uxu so uiasi malaxo uasi, la usexelaxo malaxo to uasi.”

Matiu 21:31

Ioxe, noxi'a ta'olu tamei ne, la ena'ei noxi'a mumulinu masaxa noxou momu?” La ane'i mikolinu lexe, “A, anu ane tei.” La Iesua muvikalane'i aloxo 'o, “Avikalangengi manina lexe tamitema so itaxusou taxisi oli'a tasema so vote'i masi i'una ixolu no voxo so Mosinge molu u'uli laxune'i tamitemaou, ia ngingila uasi.