Matiu 20:1 - Ata New Testament

¹ Ioxe, no anu ngiou so itema loxo u'uli o uili'i la Iesua mulemolu latilovosou. Muvikala lexe, “Xo voxo so Mosinge molu u'uli laxune'i tamitemaou no tualasou la anu aloxo 'o. No kakau manina la itema vile liaxu tavu'alo mulai so utaxusi'a tauokuvoi so ixaxai no anu xai so uaini noxou.

Matiu 20:1 Referans Kwoze

Matiu 13:47

Xe muvikala aloxo 'ola, “Voxo so Mosinge molu u'uli laxune'i tamitemaou no tualasou la aloxo 'o kalumo. Anu loxo kae ane tamitema isu'anu ulu'elai no luaki so ilapune'i tasinana iouiou.

Matiu 13:24

Ioxe, anu mu'oxonu latilovo vilela noxi'a lexe, “Alulusou voxo so Mosinge molu u'uli laxune'i tamitemaou no tualasou aloxo 'o. Anu loxo itema vile mupeinu uiti ngiaxu laixe so utapu'u no xai.

Ipilu 13:21

Apili­xingengi noxou Mosinge xo anu a ulosinge mimi lailaixe so xoluxolu noxinge u'isalili no anu masaxa noxou. Xe mi ma'ia laixe no iou la anu upolonu noxou Iesua Kalaisiti so u'avutinoxu noxinge. Laso avikalangengi manina aloxo 'o, nenge ta'itinu ualasou Kalaisiti ulai ulai kaluxu uasi.

1 Kolini 15:58

Laso tavivilo ane asexela­ngenge ne. Ngaxolu pumunge­ngesi, nga­vaxa ngane'e no anu lopala noxinge uasi. Mo loxo nga'oxonu xaixai noxou Tatana­nenge la xavinge­ngiousi. Xo ngalavu lexe ngaxolu noxou Tatananenge laso xaixai noxinge ne ulapau vitanisi uasi.

Tioni 15:1

Ioxe, Iesua musolonu la mu'oxonu latilovo aloxo 'o, “Eni 'o, a ovu uaini maninasou xe Mamilo anu mosou xaisou uaini ne.

Matiu 25:1

Ioxe, Iesua musolonu vaikalaou lexe, “No anu voxo olele so Mosinge molu u'uli laxune'i tami­temaou no tualasou la latilovosou aloxo 'o. Tavuanga 10 milai no vote'i so ialaxu itema vile mutaula'i alavua. La mino'u lalamo xo masi olovoxoie'i.

Matiu 22:2

“No voxo so Mosinge molu u'uli laxune'i tamitemaou no tualasou la anu aloxo kingi vile u'oxonu lavilelu so olu utaula'i.

Matiu 13:33

Xe muvikalala lexe, “Voxo so Mosinge molu u'uli laxune'i tamitemaou no tualasou la anu aloxo 'ola. Sema vile mino'u isiti se ka miilanu ilou palaua latala­musou. Miilanu mukalu xe muai sevile sila palaua loloni ne musoxo kena.”

Matiu 13:31

Xe anu mulosi'a latilovo vile lexe, “Alulusou voxo so Mosinge molu u'uli laxune'i tamitemaou no tualasou aloxo 'ola. Anu loxo ovu masiteti ngiaxu ane itema vile muno'u la mutapu'u no xaixu.

Matiu 25:14

Ioxe, Iesua musolonu aloxo 'ola, “Voxosou Mosinge molu u'uli laxune'i tamitemaou no tualasou la anu aloxo itema vile so mulutu mulai no tuala vile nopaxa. Anu so mulutui la mu'avali'a tauokivoiou mine'e noxou so mupilixinu mimiou no avo'a so isaxila'u.

Maki 13:34

Aloxo 'o. Loxo itema vile u'umesou tasou so uxixao ulai nopaxa. So ulutu la utulusi'a tamitema so xaixai noxou no anu xaixai noxi'a vilevilesi. Mo itema so ulo no aitenga la upeloto­tosou lexe uloxu laixe xo ulavusou voxosou lailivuxu uasi.

Matiu 3:2

La anu muvivikala lexe, “Ngaxiunu opon­gengi so susu noxinge mo nga'isa­lilinoxu no anu Mosinge oponu. Xo voxo so Mosinge molu u'uli laxune'i tamitemaou no tualasou a alaimanasi.”

Matiu 23:37

Xe Iesua muvikala aloxo 'ola, “Uo Ielusalemo, Ielusalemo. Nini nalavusou nave'ave'a tapolopeti isoisoli xe tamitema e Mosinge mupalusi'a mine'e noxine la napalexa'a no anu lavo'o so isoli. Alaxu tavu'alo eni emasaxau apitane'i tamitemameni aloxo koko'a ipitane'i tailie no laxu vivisie, ia ane'i imasaxau to uasi.

Matiu 21:28

Ioxe, Iesua muvikalane'i tatiatila ne aloxo 'o, “Eni a'oxonu latilovo so atali'isinge no anu. Aloxo 'o. Itema vile ta'olu tatamei. La mulai noxou anu ane tei mo muvikalanu lexe, 'Alixeli, nalai naxaxai no anu xai so uaini.'

Matiu 20:2

La anu muvikala lexe ulotone'i no anu kina vilevilesi so aso ne, la ane'i mi'osa. Laso anu mupalusi'a milai mixaxai no anu xaixu so uaini ne.